جامعة برنستون < تسأولات

السلام عليكم ورحمة الله وبركاتة

اخوتي الكرام كما هو معلوم لا زلت ابحث عن قبول

وهذي الجامعة الي لقيت التخصص الي ابيه فيها

Operations Research

التسأولات //
هل يعطون قبول مشروط ؟
هل قبولة سهل ؟
كيف اقدم ؟ وش هي الاوراق المطلوبة مني ؟
وكم يبون درجة بالتوفيل ؟

رابط التقديم
Princeton University | Undergraduate Admission

هل في احد يقدر يساعدني ؟ ولو بإجابة على واحد
من ذي الاسألة

او مجرد دعاء
مشكورين ^ـ^

لا يوجد<

<

<

<

<

<

<

<

<

<

<

وعليكم السلام ورحمة الله وبركاته

برنستون تعتبر من كبار الجامعات لذلك القبول فيها يبغى له شوية شغل

ما يعطون قبول مشروط < مش متأكد بس على الأغلب ما يعطون مثل الجامعات الكبيرة الأخرى

من الأشياء الأساسية الي يطلبونها

تعبئة الأبليكيشن من موقع common application
عدد 2 توصيات
شهادة الثانوي
اختبار SAT reasoning أو ACT
اختبار SAT ايضاً في موضوعين أخرى
اختبار التوفل
كتابة essay أو statement of purpose " طلب الغرض من الدراسة"

طبعا للإختبارات ما حددوا درجة معينة وهذا يمكن من استراتيجيتهم لسبب ما
لكن اعمل حسابك على 90 بالتوفل أو 85 على أقل تقدير للبكالوريوس، احتمال يكون ما يرضون بأقل من 100 مثل بعض الجامعات..
مثل ما قلت هم ما حددوا رقم معين لأنهم يبون يشوفون نماذج مختلفة من الطلاب ممكن طالب لغته أقل من المطلوب بكم درجة ويقبلونه بسبب الـ " essay " الي يكتبها لأنها مميزة عما يكتبه طلاب كثر أو بسبب شهادات خبرة أو تطوع إلخ
يعني ممكن يجيهم طالب توفل 88 وهم طالبين 90 كحد أدنى مثلا وتكون الايسي حقته توضح لهم أنه شخص يضاهي الكثير ممن يستوفون جميع الشروط ولكن الايسي حقتهم تكون ربما أقل مستوى من الايسي حقت الطالب كمضمون وأفكار واهتمامات..

والسات اتوقع نفس الفكرة ما حطوا رقم معين لأنهم يفاضلون في الأخير ما بين الطلاب ولديهم يمكن عدد محدود واختيارهم يكون انتقائي حسب لجنة القبول..


إن شاء الله أكون أفدتك بشيء

بالتوفيق :)

يا الغالي افدتني كثير الله يجزاك كل خير ي رب

لكن لا هنت التوصيات من مين اجيبها ؟ لاني طالب ثانوي
وهل لو اجيب ايسي جاهز يكون احسن ؟
وطلب الغرض من الدراسة وش هو بالضبط

التوصيات تجيبها من مدرسين الثانوي من مدرسين المواد العلمية رياضيات فيزياء أحياء كيمياء انجلش تختار 2 أو اكثر اذا حبيت للاحتياط، تعليمات التوصيات بالتحديد محددة في الابليكيشن دائماً وانت تطبع النموذج وتعبيه وتعطيه المدرس يكمله لك..

طلب الغرض من الدراسة هو عادة الايسي، بباسطة ليش تبي تدرس؟؟ وش دوافعك؟ هل كانت لديك قصة أو تجربة تميزك عن ألف طالب مقدمين معك على الجامعة؟؟

خلال دراستي اللغة مدرسين عدة قالوا لي الجامعة يعرفون بسهولة اذا كنت كاتب ايسي مختلف ولا نسخ ولصق من خلال الملاحظة على معلوماتك كلها ودرجاتك ومستوى كتابتك للإيسي، وسمعت ايضا ان بعض الجامعات ممكن تفحص الايسي على النت ويشوفون نسبة التشابه توصل كم على النت، يعني ممكن تنسخ ايسي وتجي نسبة التشابه على النت 80%، فهذا واضح انك نسخ ولقص مع بعض التعديلات.. وعلى حسب هالوضع

حط في بالك اذا تبي جامعة كبيرة لازم تكتب ايسي بنفسك وبلغتك الخاصة، ممكن تنسخ ايسي مستواه مميز جدا في الرايتينق ودرجتك في الرايتينق ما تؤهلك تكتب هالمستوى فهذي أتوقع سهلة الملاحظة بالنسبة لناس متمرسين ويتابعون مئات الابليكيشنات..

ابحث اكثر عن هالموضوع بشكل متواصل على قوقل وحبه حبه راح تتضح لك أمور اكثر :)

موفق وأي سؤال أنا حاضر :)

الله يعطيك الف عافية ساعدتني كثير الله يكتب لك الاجر والفرج

انا الحين ناوي اروح للمدرسة واعطي المدير النموذج

لكن لا هنت تقدر تدلني وين الاقي النموذج ؟

وهل اطبع ورقة خاصة ب برنستون ...

عذراً على التأخير

يالغالي بما ان الجامعة تعتمد الابليكيشن الموحد المسمى common application فتجد كل شيء في هذا النموذج

موقع كومن ابليكيشن هذا موقع موحد تقدم عليه ويقدم لك على 400 جامعة في أمريكا وطبعا تعبيه أونلاين أو تطبعه وترفعه على الموقع، مدري كيف بالتحديد صراحه ما سجلت فيه..

المهم على طلبك وين تجد التوصيات

هذا رابط الكومن ابليكيشن على شكل ملف PDF

https://www.commonapp.org/CommonApp/...Y_download.pdf

التوصيات تلقاها بدءاً من الصفحة 8 توصيتين لمدرسين درسوك، والتوصية الثالثة لمدير المدرسة او المرشد حاجه زي كذا

ممكن برضوا الجامعة يكونوا يطلبون منك توصية على حسب نموذج معين لهم غير هالنموذج، الافضل تراسلهم وتشوف..

ومتى تآخذ التوصيات برأيي على حسب وضعك، أتوقع انك باقي ما طلعت تدرس لغة فمن الأفضل تصبر لحين عودتك بعد 9 أشهر أو سنة ونص إن شاء الله وتكون مجهز الابليكيشن وكل الامور وبس تروح تآخذ التوصيات من المدرسة ذاك الوقت، لأن راح تتضح لك أمور أكثر خلال هالفترة وتكون عندك صورة شبه كاملة

بالتوفيق :)

يعطيك الف عافية يا الغالي ..

والله ساعدتنيي كثيرر الله يجزاك كل خير ي رب

انا جبت توصيتين وتوصية مدير مكتوبة ومغلفة ومختوم عليها\
طيب يعني بالاولاين اكتب التوصية؟ ولا ارفعها او ارسلها للجامعة نفسها

او هل يوفي المغلفة من المدرسة

حلو ان شاء الله اخلص اللغة باربع شهور

مشكوورررر اتعب م وففيتك حقك

هلا اخوي

اتوقع عندك كذا خيار في أمر الابليكيشن
تطبع الابليكيشن وتعبيه بيدك أو تنزله على الكمبيوتر وتعبيه بالكيبورد من خلال برنامج PDF أو ممكن من خلال موقع كومن ابليكيشن اونلاين (اذا كانت الخاصية متاحه ناسي تفاصيل الموقع صراحه)
في نهاية كل هالخطوات لازم توقع الابليكيشن بخط يدك أو بخط يد صاحب التوصية

ممكن تعبي الابليكيشن كامل بالكمبيوتر عشان تكون المعلومات واضحه، وعند التوقيع تطبعه وتوقعه وترجع تعمل له سكان وترفعه مرة اخرى او ترسله على عنوان الجامعة ورق جاهز عن فيدكس إلخ :)

لاحظ ان التوصية لازم تكون باللغة الإنجليزية وسالفة انها مختومة ومغلقة حلوه بس بصراحه ماتدري عن الجامعة، سمعت عن بعض الطلاب اخذوا توصيات بصياغتهم لكن الجامعات رفضت وقالت النموذج حقنا أفضل لنا..

الأفضل انك تراسلهم وتسألهم وممكن ترفق التوصية وتقول هل هالتوصية مقبولة ولا لازم النموذج حق الابليكيشن؟

بالتوفيق وشد حيلك :) وأي سؤال لا تتردد يالغالي :)