عرض للطباعة
السلام عليكم كيفكم .......
انا اختبرت الايلتس في13اكتوبر وبصراحه كان جدا جدا بايخ. مادري احس اني حليت مره كويس. بس مشكلتي ماعرف اطلع من اختبار الا لازم اصححه عشان اتاكد من اجاباتي.
هنا السؤال. وشلون اتاكد?!?!? فيه طريقتين
1/ الي اختبرو في هذا اليوم ويبون نراجع مع بعض يتفضلون.
2/ اذا تعرفون موقع فيه اجوبة للنماذج ولا شي ماشيات. يحطه هنا. الله يجزاه خير.
بس*
بيني و بينك كلا الطريقتين ما تنفع
افضل حل تنتظري لين تجيك الدرجة
نفس ما قال أخوي Twisted انتظري لين تطلع النتائج لأن سواء عرفتي الإجابات او ما عرفتيها ما راح تغير شيء في درجتك .. انتي خليك متفائلة وان شاء الله راح تجيبين الدرجة اللي تبينها بإذن الله
وبالتوفيق يارب ..
الحمد لله على كل حال , انا شخصيآ اللسنيج والرايتنج والسبيكنج ما عليه اموره ماشية
اللي فعلآ فعلآ جبت فيه ام امه العيد الريندنج . يا الله يا هو صعب " بالنسبة لي "
اذا يا اختي تشوفي ان الاختبار سهل ان شاء الله انك جبتي الدرجة اللي تبغينها
الله يوفقنا واياك والمسلمين
وش السالفة ؟
اختبار TOEFL في نفس اليوم كان سهل
قطعة في اللسننق كانت في كتاب كامبردج، و قطعه كانت معادة من اختبار قد اخذته من قبل
و السبيكنق كان فله و الرايتنق
اما الريدينق كان هو ام الفلللللللله قطع سهله، الاولى كانت عن علم الاحياء الي بعدها الفضاء و الي بعدها جغرافيا، لكن للاسف الوقت داهمني
ممكن صدفه
اول مره اجرب الايلتس وسويت اخطاء فادحة لقلة الخبرة لأني ماحضرت له رغم انه ماكان صعب خصوصا للي كمل سنه لغة في أمريكا
الليسيننق معقدني من زمان رغم انه جاء سهل وغلطت في اسئلة سهلة ,,, والريدينق ضيعت وقتي على القطعة الأولى لأني كنت أظنها الأسهل واكتشفت بعد ماراح أغلب الوقت أنها القطعتين الباقية كانت الأسهل وضيعت على نفسي درجة عالية
لولا الليسيننق والريدينق كان أتوقع أجيب 5.5 على الأقل لأني أبدعت في الرايتينق والسبيكينق , ولكن قدر الله وماشاء فعل
مشكلة الايلتس بإختصار أنه مافيه مواعيد متوفرة والا لكان ليس من الصعوبة الحصول على درجة جيدة فيه
الريتندنج كان جدا سهل لان الموضوع essay كان عن الشرطه يحملون المسدد في بريطانيا فيه ناس مع او ضداقتباس:
المشاركة الأصلية كتبت بواسطة AhmaD.888
واما الريدنق كان صعب لانه يلاحس المخ وخاصه Zealand ياهي لحسه
والله يوافق الجميع
ما شاء الله
عاد تعالي و بشرينا بدرجتك
و إن شاء الله مثل ما تبينها أو أكثر
ان شالله تكون درجتي 6او. 7عل الاقل. دعواتكم. مانيب مرتاحه الا لييييييين تطلع النتايج. انا من النوع الي كل شي سريع سرييييع. مافيني صبر.
عاد انا قبل شوي اقول لشباب متى يجي الخميس مو ذا لي بعده تطلع ع النت اشوف 5 يالبيييييه < بحجز ع السعوديه بعد ما اتهاوش مع الملحقيه