البرامج الأصلية للكومبيوتر والايباد.
السلام عليكم ..
ابي احط بالأجهزة اللي عندي برامج اصلية وغير مقلدة ,مضمونة 100%
1/ كيف ؟؟؟
2/ ابي احد يحطها لي بالرياض , غير مكتبة جرير , لأنه قسم الصيانة مايردون ..ومااعرف مكانهم عشان اروح ..
3/.. كيف أتأكد ..اذا برامج الايباد المجانية اللي حاطتهم انا ,اصلية والا لا ؟؟؟
وشكرا ..
رد: البرامج الأصلية للكومبيوتر والايباد.
برامج الايباد طبعا تنزليها من متجر ابل وكل البرامج الموجودة في متجر ابل سواء مجانية او مدفعوة هل برامج اصلية وموثوقة
رد: البرامج الأصلية للكومبيوتر والايباد.
وعليكم السلام.
1- البرامج والويندوز تقدرين تشترينها من أمازون وتنزلينها على الجهاز ..
2- إذا ماصلحتي JailBreak للجهاز ماعندك مشكلة بإذن الله.
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة جادة جدا
السلام عليكم ..
ابي احط بالأجهزة اللي عندي برامج اصلية وغير مقلدة ,مضمونة 100%
1/ كيف ؟؟؟
2/ ابي احد يحطها لي بالرياض , غير مكتبة جرير , لأنه قسم الصيانة مايردون ..ومااعرف مكانهم عشان اروح ..
3/.. كيف أتأكد ..اذا برامج الايباد المجانية اللي حاطتهم انا ,اصلية والا لا ؟؟؟
وشكرا ..
بالنسبه للاب توب الخاص فيك ... فيعتمد على كذا شغله ..
الاولى انتي متى ومن وين اشتريتيه ؟ .. وهذا السؤال راح يحدد اذا كان الجهاز اساسا مركب عليه نسخه اصليه او لا .. لان فيه محلات مثل جرير تجيب لك الجهاز بويندوز اصلي .. وفيه محلات خارجيه تسوي العكس ..
وياليت تفيدينا ايضا بنوع اللاب توب اللي عندك وموديله .. وهذا راح يساعدنا على معرفة الطريقه اللي راح ترجع الجهاز للنسخه الاصليه (لو كان الجهاز نسخته اصليه بالاساس) ..
اما الاي باد فهو اساسا نسخته اصليه ومافيه برامج مفتوحه الا اذا كنتي منزلتها عن طريق السيديا ..
هذا والله اعلم ..
رد: البرامج الأصلية للكومبيوتر والايباد.
انا ما ادري وين انتي ساكنه فيه لكن في جرير اللي في شارع العليا العام وفيه اللي في خريص عند مستشفى الحبيب وفيه طريق الملك عبدالله حي الحمراء وفيه جرير عند مخرج 5 هذي الفروع اللي اعرفه لجرير
وعندك إكسترا في طريق الملك عبدالعزيز وفيه بغرناطه مول
شوفي اقرب مكان لك وروحي لهم
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة nasa2009
برامج الايباد طبعا تنزليها من متجر ابل وكل البرامج الموجودة في متجر ابل سواء مجانية او مدفعوة هل برامج اصلية وموثوقة
ايه الحمدلله هذا الموقع اللي اجيب منه البرامج ...جزاك الله خير ..
- - - مشاركة محدثة - - -
اقتباس:
المشاركة الأصلية كتبت بواسطة conf!dent
وعليكم السلام.
1- البرامج والويندوز تقدرين تشترينها من أمازون وتنزلينها على الجهاز ..
2- إذا ماصلحتي JailBreak للجهاز ماعندك مشكلة بإذن الله.
ولا مره اشتريت من امازون , ومااعرف حتى كيف ..
لا ماحطيت jailbreak ابدا ..
جزاك الله خير .
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة 1OK
بالنسبه للاب توب الخاص فيك ... فيعتمد على كذا شغله ..
الاولى انتي متى ومن وين اشتريتيه ؟ .. وهذا السؤال راح يحدد اذا كان الجهاز اساسا مركب عليه نسخه اصليه او لا .. لان فيه محلات مثل جرير تجيب لك الجهاز بويندوز اصلي .. وفيه محلات خارجيه تسوي العكس ..
وياليت تفيدينا ايضا بنوع اللاب توب اللي عندك وموديله .. وهذا راح يساعدنا على معرفة الطريقه اللي راح ترجع الجهاز للنسخه الاصليه (لو كان الجهاز نسخته اصليه بالاساس) ..
اما الاي باد فهو اساسا نسخته اصليه ومافيه برامج مفتوحه الا اذا كنتي منزلتها عن طريق السيديا ..
هذا والله اعلم ..
الابتوب اشتريته من جرير ونوعه dell
ومن بعد مااشتريته , ماوديته لأي احد ..
جزاك الله خير .
- - - مشاركة محدثة - - -
اقتباس:
المشاركة الأصلية كتبت بواسطة naif2010
انا ما ادري وين انتي ساكنه فيه لكن في جرير اللي في شارع العليا العام وفيه اللي في خريص عند مستشفى الحبيب وفيه طريق الملك عبدالله حي الحمراء وفيه جرير عند مخرج 5 هذي الفروع اللي اعرفه لجرير
وعندك إكسترا في طريق الملك عبدالعزيز وفيه بغرناطه مول
شوفي اقرب مكان لك وروحي لهم
حسب معلوماتي , ان المكان اللي فيه معروضات ,مافيه صيانه ... صح والا لا ؟؟؟
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة جادة جدا
حسب معلوماتي , ان المكان اللي فيه معروضات ,مافيه صيانه ... صح والا لا ؟؟؟
بصراحه جرير مو متأكد لكن اكسترا عندهم صيانه في نفس المحل ومتأكد
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة naif2010
بصراحه جرير مو متأكد لكن اكسترا عندهم صيانه في نفس المحل ومتأكد
جزاك الله خير ..بروح اشوفهم ان شاء الله ..
رد: البرامج الأصلية للكومبيوتر والايباد.
اقتباس:
المشاركة الأصلية كتبت بواسطة جادة جدا
الابتوب اشتريته من جرير ونوعه dell
ومن بعد مااشتريته , ماوديته لأي احد ..
جزاك الله خير .
اجل خلاص اختي اللي عندك نسخه اصليه .. ولو تقلبين اللاب توب راح تلاقين ستيكر الويندوز فيه معلومات نسخة الويندوز من نوع نسخة الويندوز ورقم المفتاح الخاص فيه ..
واما عن مركز صيانة جرير ..
فجرير لها مركز صيانه وغالبا مايكون بنفس مبنى جرير ..
شوفي اقرب فرع جرير عندك (بمبنى خاص) واسألي احد الموظفين عن مكان الصيانه وراح يعلمك وين مكانها ...
مراكز جرير اللي بالمجمعات مافيها صيانه .. الصيانه فقط في المراكز المستقله ..
ولو حبيتي تسترجعين الويندوز لضبط المصنع ... وهذا يساعد على استرجاع كامل الويندوز الى ماكان عليه يوم شريتيه ..
وهذي لها طريقه مختلفه ...
بس انسخي كل ملفاتك المهمه في فلاش ميموري او هاردسك خارجي .. وبعدها اعيدي تشغيل الجهاز .. ولما تطلع لك شاشة DELL (الشاشه السودا الاولى) اضغطي على f8 بشكل متواصل ..
لحتى تنتقلين الى شاشة سودا فيها قائمة خيارات .. ابحثي فقط عن خيار Repair Your Computer واختاريه ..
بعدها راح يحمل شويتين وبتطلعلك شاشه
System Recovery.
بيسألك عن اسم المستخدم وكلمة المرور ..
ادخلي اسم المستخدم وكلمة المرور اللي تستخدمينها ..
بعدها راح يطلعلك خيارات ..
ابحثي عن System Image Recovery ..
واختاريها ... وانتظري شوي ..
وبعدها بتجيك شاشة الترحيب للاسترجاع محتويات الجهاز الى ضبط المصنع ..
واتبعي التعليمات ..
بعد مايخلص راح يشتغل الويندوز للمره الاولى .. مثل اول مره شريتيه ..
تضبطين الاعدادات الخاصه بالويندوز فيك مثل اسم المستخدم وكلمة المرور وماخالفها من امور ..
وبعدها تدخلين تستخدمين الويندوز عادي ...
هذا شرح سريع ان شاء الله انه يفيد ..
هذا والله اعلم ..