ساعدوني في هاذي الورطه (FBI)
السلام عليكم
شباب شابات السالفه باختصار شديد انا حذفت الترم وجميع كلاساتي قبل شهر من الان وقبل يومين رجعت السعوديه على اساس عندي قبول جامعي على الترم الجديد السالفة ومافيها ان الشباب كلموني وقالو ان (FBI) جاي عند شقتك ومعهم صورتك وحالو انهم يعرفون الشباب منهم السالفة قالو ان هذا الطالب سحب على الدوام وجاين نعرف ويش السالفة قالو الشباب هذا مسوي دروب لكلاسات من زمان وسافر السعوديه من قبل يومين !! قالو ما وصلنا علم انه مسوي دروب للكلاسات قال الي عرفناه انه غايب وراحوا.. الحين المشكلة الي اعتقدها ان المعهد مارفع لامقريشن باني حذفت الكلاسات وقامو هم وداهموني .. لدي اثبات حذف الترم من الجامعه بس المشكلة مو هنا المشكلة اخاف انهم بيكنسلون الفيزا او قد كنسلوها واجلس انا وابتلش لأن الان خلصت مرحلة اللغه وحولت اكاديمي على جامعه ثانية غير جامعتي.. وانتو عارفين اذا كنسلو الفيزا يعني المستقبل ضاع على العموم الان ويش الخطوات الي اسويها واخليهم ما يكنسلون الفيزا ؟ مع من اتواصل ؟ وسلامتكم
رد: ساعدوني في هاذي الورطه (FBI)
وعليكم السلام ورحمة الله وبركاتة
اعوذ بالله الله يكون بعونك الله يزينهاا من عنده الحمد الله انك رجعة السعودية قبل لـ يجون ويسون سالفه وتحقيقات الحمد الله على كل حال الله يكتبلك اللي فيه الخير والصالح عسى ربي يوفقك ويسر امورك موفق خير ان شاء الله
رد: ساعدوني في هاذي الورطه (FBI)
اولا تأكد ان اخوياك مو قاعدين يسوون فيك مقلب ... لأن اللي اعرفه ان الـ Homeland Security هم اللي مسؤولين عن الامور هذي مو FBI
وهل سويت التحويل من المعهد الى جامعة؟؟ واخذت الايتوني ؟؟
عموما ممكن تراسل الانترناشونال اوفيس في المعهد وتتأكد منهم اذا عليك مشكلة او لا
رد: ساعدوني في هاذي الورطه (FBI)
يا وجه الله روعتني و اف بي اي وحركات بس حلو الاكشن في الحياة
عموما ما اعتقد انه السالفة من جد حقيقيه لـ عدة اسباب ابسطها انه الاف بي اي ما وراه شغله الا يطامر ورى الطلاب
عز الله الا ضاعت امريكا على هـ الحالة كل الشعب السعودي يسوي زيك
كل اللي تسويه بما انك في السعودية حاول انك تتواصل مع الانترناشيونال ستيودنتس اوفيس واتاكد من المشرف على الاميقريشن عن وضع فيزتك
و لـ مزيد من الاطمئنان اتواصل مع السفارة و استفسر عن حالة الفيزا اللي معك
في حال انه صارت معاك مشكلة او شيء لازم تكون اثباتاتك جاااااااااااااااااااهزة يعني اترك الاوراق على جنب اللي تثبت انك عملت دروب للكلاسات والقبول الجديد
و بـ امكانك ارسالها وقت الحاجة
السالفة بسيطة لا تقروش نفسك فيها
ربي يكفيك اياهم بما شاء
رد: ساعدوني في هاذي الورطه (FBI)
وعليكم السلام
مااعتقد ان المسألة مزح اظن ال FBI قاعدة تسوي حملة ، في طالب بنجلاديشي كان يدرس في ميوزوري ترك الدراسة في شهر يناير وراح نييورك للتخطيط لعملية ارهابية وتم القبض عليه قبل يوميين وهو يحاول تفجير البنك المركزي في نييورك ، واعتقد زيارة ال FBI امر روتيني في مثل هذه الحالات اذا امورك واوراقك سليمة مافي داعي للقلق
- - - مشاركة محدثة - - -
اقتباس:
المشاركة الأصلية كتبت بواسطة KFUPMer
اولا تأكد ان اخوياك مو قاعدين يسوون فيك مقلب ... لأن اللي اعرفه ان الـ Homeland Security هم اللي مسؤولين عن الامور هذي مو FBI
وهل سويت التحويل من المعهد الى جامعة؟؟ واخذت الايتوني ؟؟
عموما ممكن تراسل الانترناشونال اوفيس في المعهد وتتأكد منهم اذا عليك مشكلة او لا
ال Homeland Security هي منظمة تجمع منظمات امنية عديدة بينها ال FBI
رد: ساعدوني في هاذي الورطه (FBI)
مثل ماقالك الاخ ناسا ... هو مجرد روتين في التحريات عندهم لا اكثر ..
اذا اوراقك سليمه ولا عليك مشاكل فتوكل على الله ولا تخاف ..
رد: ساعدوني في هاذي الورطه (FBI)
رد: ساعدوني في هاذي الورطه (FBI)
حبيبي اذا اوراقك سليمه وانت واثق من نفسك لا تشيل هم .. انا تابعوني الـ FBI وجاري جاء وكلمني قال تراهم يتابعونك قلت له **** off لأني واثق من نفسي وخلهم يراقبون بيدينهم ورجلينهم الحمد لله اموري كلها طيبه والتعب عليهم
مثل ما قالوا الأعضاء اللي قبلي راسل الإنترناشونال اوفيس والسفاره وتأكد قبل كل شيء من اخوياك لا يكون مقلب علشان ما تتعب نفسك على الفاضي ..