إختبار التوفل أو ايلتس في أمريكا
صباحكم / مساؤكم بخيـــــر
ان شاء الله بأبتعث ماستر على أمريكا
بس أبغى اسأل بالنسبة للغة في أمريكا
هل اختبار الايلتس يعتمد به في الجامعات الأمريكية أو لأ
و بالنسبة للاختبارين البعض يقول توفل أسهل و البعض يقول ايلتس تجيب درجات فيه
فأيت الأحسن واللي أقدر أجيب فيها درجات
اختبار توفل أو آيلتس
وكمان لو اختبرت ايلتس هل ياخدوه في أمريكا أو لأ ؟؟
بالتوفيق للجميع
و كل عام والجميع بخير
رد: إختبار التوفل أو ايلتس في أمريكا
رد: إختبار التوفل أو ايلتس في أمريكا
أنا اختبرت الايلتس قبل شهر وشوي تقريباً
انا اشوف الايلتس مو صعب واذا لغتك كويسه بتجيب درجة حلوة ان شاء الله
الأغلبية يقولون الايلتس اسهل من التوفل بكثير
انصحك تختبر الايلتس في البداية
بالتوفيق ان شاء الله
رد: إختبار التوفل أو ايلتس في أمريكا
أنا فكرت آخد الايلتس بس خوفي انها ما تعتمد في الجامعات الأمريكية
و بالنسبة للغتي فأعتبرها متوسطة
يعني ان شاء الله امشي حالي بالدف =D
يعطيكم العافية يارب
رد: إختبار التوفل أو ايلتس في أمريكا
اخوي يعتمد عليك
يعني الايلتس اختبار بريطاني و فيه جامعات كثيرة ممكن انها تقبله بـ الراحة
و التوفل امريكي واحنا متعودين على لهجتهم و على طريقتهم في الكلام
يعني من الاخر اذا انت سميع برامج بريطانية اتوكل وخذ الايلتس
بس اذا انت بـ صوب و الاكسنت البريطانية بـ صوب فـ خليك على الشيء اللي ممكن انك تكون مجيد فيه
يعني خذ التوفل
القرار قرار شخصي بحت و يعتمد على قدراتك اللي انت تعرفها اكثر من اي شخص ثاني في الدنيا
رد: إختبار التوفل أو ايلتس في أمريكا
أغلب الجامعات صايرة معتمدته لكن المشكلة مو هنا ،، المشكلة في مساواة الدرجة .. اعطيكي مثال
90-91 في التوفل ibt = في الأيلتس 6.5
لما تجي تقدمي على بعض الجامعات (مو كلها) تلاقيها تطلب منك 90 توفل او 7 آيلتس (بدلا من 6.5)،، فيرفعوا من درجة الايلتس ،،
نفس الشي في بريطانيا يرفعوا التوفل و يخلوا الايتلس اقل من النسبة المكافآة ،، و كل واحد يسوق لـ اختباره P:
ومثل ما ذكرت اختي آوكاسيا ،، يعتمد على الشخص بالاول و الاخير ،، و المهم انك تكوني مطلعه على طريقة الاختبار و تعرفي تكنيك الاختبار بالضبط
و الله يوفق،،
رد: إختبار التوفل أو ايلتس في أمريكا
يعطيكم العافية
Hirako
أنا المشكلة اني يا دوب أمشي حالي في الاتنين سواء أيلتس او توفل
عشان كدا ابغى الأسهل
و في نفس الوقت ان شاء الله ناوية الابتعاث على أمريكا
فما ابغى ادخل ايلتس وبعدين ما يعادلوه او يطلبو درجة عالية زي 7 و أنا مو بالساهل حأجيبها
الله يستر ويقدم الخيير
يعطيكم العافية يارب ما قصرتوو
رد: إختبار التوفل أو ايلتس في أمريكا
طيب حددي لك قائمة بالجامعات اللي ممكن تلتحقي فيها ،، و شوفي شروطهم ،، و اقرأي عن الفرق بين التوفل و بين الايلتس
وكم مطلوب في هذا و كم مطلوب في التاني ،،
اقتباس:
أنا المشكلة اني يا دوب أمشي حالي في الاتنين سواء أيلتس او توفل
انتي دحين توقلي الكلام دا لانك لسه ماجربتي ويمكن اللغة عندك شويه يبغالها ،، الاهم من كل هذا انتي عندك فترة لغة سنة و تقدري تمدديها 6 شهور لو احتجتي ،، خلال الفترة اللي تشوفي انك اتحسنتي نوعا ما
روحي و اختبري التوفل و اختبري الايلتس (و كلها تعوض الملحقية رسومها) ،، و شوفي ايش الاسهل بالنسبة لكي من ناحية تكنيك الاختنبار من ناحية نوعية الاسئلة و طريقة النصوص ،،
هذه الفترة هي اللي تقرري فيها يكون مستوااكي اتحسن و ما راح تقولي يا دووب امشي فيهم :p
اعطيكي بعض الفروق ،، و هنا اتكلم عن توفل ibt ،، (مع العلم اني للان ما اختبرت) P:
اختبار التوفل كله اختيارات .. الايلتس في فراغات بالنسبة للريدنق
التوفل المحادثة تكون بعد ما تسمعي سؤال و تردي عليه بالمايك (تسجيل) وعندك مدة معينة ،، اما الايلتس راح يختبرك شخص و تاخذي وتعطي معاه
التوفل مدته تقريبا 4 ساعات و الايلتس ساعتين ونص تقريبا
التوفل يقولوا ان نصوصه من زمان جدي حنش :p اما الايتلس نصوص الريدنق فيه اسهل
ولكي ان تبحثي عن الفروووق الكبيره بين الاختبارين ،، و النت مليان من هالمواضيع
رد: إختبار التوفل أو ايلتس في أمريكا
اقتباس:
المشاركة الأصلية كتبت بواسطة أوكاسيا
اخوي يعتمد عليك
يعني الايلتس اختبار بريطاني و فيه جامعات كثيرة ممكن انها تقبله بـ الراحة
و التوفل امريكي واحنا متعودين على لهجتهم و على طريقتهم في الكلام
يعني من الاخر اذا انت سميع برامج بريطانية اتوكل وخذ الايلتس
بس اذا انت بـ صوب و الاكسنت البريطانية بـ صوب فـ خليك على الشيء اللي ممكن انك تكون مجيد فيه
يعني خذ التوفل
القرار قرار شخصي بحت و يعتمد على قدراتك اللي انت تعرفها اكثر من اي شخص ثاني في الدنيا
السلام عليكم ورحمة الله وبركاتة
اختي لـو بدلتي بدال ماتقولين اخوي تقولين اختي مايكون احسن .. اسف يالغاليه على المداخله اتمنالك التوفيق ياختي
رد: إختبار التوفل أو ايلتس في أمريكا
يا اخوي دايما الناس يغلطوا فيني ويقولوا عني ابو الشباب وقفت على مرة غلطنا فيها في حق بنوتة و قلنا لها اخوي
يا حبكم للاستقعاد بس
لكن ما يصير خاطرك الا طيب
يا اوختشي نفس الكلام اللي اولته ليك من شوية >>>> كيف النظام ذحين :cool: