إختبار التوفل أو ايلتس في أمريكا

قائمة بالجامعات الأمريكية التي تعتمد الآيلتس:
http://www.ielts.org/docs/Unprotecte...20%202012.xlsx

أنا اختبرت الايلتس قبل شهر وشوي تقريباً
انا اشوف الايلتس مو صعب واذا لغتك كويسه بتجيب درجة حلوة ان شاء الله
الأغلبية يقولون الايلتس اسهل من التوفل بكثير
انصحك تختبر الايلتس في البداية


بالتوفيق ان شاء الله

أنا فكرت آخد الايلتس بس خوفي انها ما تعتمد في الجامعات الأمريكية

و بالنسبة للغتي فأعتبرها متوسطة

يعني ان شاء الله امشي حالي بالدف =D

يعطيكم العافية يارب

اخوي يعتمد عليك
يعني الايلتس اختبار بريطاني و فيه جامعات كثيرة ممكن انها تقبله بـ الراحة
و التوفل امريكي واحنا متعودين على لهجتهم و على طريقتهم في الكلام

يعني من الاخر اذا انت سميع برامج بريطانية اتوكل وخذ الايلتس
بس اذا انت بـ صوب و الاكسنت البريطانية بـ صوب فـ خليك على الشيء اللي ممكن انك تكون مجيد فيه
يعني خذ التوفل

القرار قرار شخصي بحت و يعتمد على قدراتك اللي انت تعرفها اكثر من اي شخص ثاني في الدنيا

أغلب الجامعات صايرة معتمدته لكن المشكلة مو هنا ،، المشكلة في مساواة الدرجة .. اعطيكي مثال
90-91 في التوفل ibt = في الأيلتس 6.5

لما تجي تقدمي على بعض الجامعات (مو كلها) تلاقيها تطلب منك 90 توفل او 7 آيلتس (بدلا من 6.5)،، فيرفعوا من درجة الايلتس ،،
نفس الشي في بريطانيا يرفعوا التوفل و يخلوا الايتلس اقل من النسبة المكافآة ،، و كل واحد يسوق لـ اختباره P:

ومثل ما ذكرت اختي آوكاسيا ،، يعتمد على الشخص بالاول و الاخير ،، و المهم انك تكوني مطلعه على طريقة الاختبار و تعرفي تكنيك الاختبار بالضبط
و الله يوفق،،

يعطيكم العافية

Hirako
أنا المشكلة اني يا دوب أمشي حالي في الاتنين سواء أيلتس او توفل

عشان كدا ابغى الأسهل

و في نفس الوقت ان شاء الله ناوية الابتعاث على أمريكا

فما ابغى ادخل ايلتس وبعدين ما يعادلوه او يطلبو درجة عالية زي 7 و أنا مو بالساهل حأجيبها

الله يستر ويقدم الخيير

يعطيكم العافية يارب ما قصرتوو

طيب حددي لك قائمة بالجامعات اللي ممكن تلتحقي فيها ،، و شوفي شروطهم ،، و اقرأي عن الفرق بين التوفل و بين الايلتس
وكم مطلوب في هذا و كم مطلوب في التاني ،،

انتي دحين توقلي الكلام دا لانك لسه ماجربتي ويمكن اللغة عندك شويه يبغالها ،، الاهم من كل هذا انتي عندك فترة لغة سنة و تقدري تمدديها 6 شهور لو احتجتي ،، خلال الفترة اللي تشوفي انك اتحسنتي نوعا ما
روحي و اختبري التوفل و اختبري الايلتس (و كلها تعوض الملحقية رسومها) ،، و شوفي ايش الاسهل بالنسبة لكي من ناحية تكنيك الاختنبار من ناحية نوعية الاسئلة و طريقة النصوص ،،
هذه الفترة هي اللي تقرري فيها يكون مستوااكي اتحسن و ما راح تقولي يا دووب امشي فيهم

اعطيكي بعض الفروق ،، و هنا اتكلم عن توفل ibt ،، (مع العلم اني للان ما اختبرت) P:

اختبار التوفل كله اختيارات .. الايلتس في فراغات بالنسبة للريدنق
التوفل المحادثة تكون بعد ما تسمعي سؤال و تردي عليه بالمايك (تسجيل) وعندك مدة معينة ،، اما الايلتس راح يختبرك شخص و تاخذي وتعطي معاه
التوفل مدته تقريبا 4 ساعات و الايلتس ساعتين ونص تقريبا
التوفل يقولوا ان نصوصه من زمان جدي حنش اما الايتلس نصوص الريدنق فيه اسهل

ولكي ان تبحثي عن الفروووق الكبيره بين الاختبارين ،، و النت مليان من هالمواضيع

السلام عليكم ورحمة الله وبركاتة

اختي لـو بدلتي بدال ماتقولين اخوي تقولين اختي مايكون احسن .. اسف يالغاليه على المداخله اتمنالك التوفيق ياختي

يا اخوي دايما الناس يغلطوا فيني ويقولوا عني ابو الشباب وقفت على مرة غلطنا فيها في حق بنوتة و قلنا لها اخوي
يا حبكم للاستقعاد بس
لكن ما يصير خاطرك الا طيب
يا اوختشي نفس الكلام اللي اولته ليك من شوية >>>> كيف النظام ذحين