بخصوص قبول في ولاية ثانيه وتغير الايتوني للجامعه
السلام عليكم ورحمة الله وبركاته
كيف حالكم اخواني ان شالله طيبين يارب
انا خلصت اللغه عندي فترة من اسبوع والحمدلله جاني قبول جامعه بكالريوس في ولايه ثانيه قبول نهائي على السبرنق
ماني عارفه كيف وضع الايتوني وكيف الاجراءات
وهل القبول ينتهي تاريخه اوله مده معينه
طبعا انا مقدمه على اكثر من جامعه هل ارفق للملحقيه القبول اللي وصلني او استنى باقي القبولات واختار الافضل
واذا ارفقت القبول النهائي علشان ينزل راتبي الشهر الجاي اقدر اغير القبول الجامعه قبل ماتبدا الدراسه او فيها صعوبات
لان الملحقيه قالت لي ارفق القبول النهائي
هل تنصحون في community college لوعندك خيار وخيروك الملحقيه او افضل بجامعه على طول
كم المده اللي اقدر اقعد في امريكا
وهل اقدر اقعد الين السبرنق في امريكا ولا فيها مشكله مع الامقريشن
اناعندي الاورنتيشن 16/1/2013
خاصه اني سمعت تقدر تقعدين اذا عندك قبول نهائي 5 شهور
والله اني في حيرة من امري اخواني
وكل عام وانتم بخير
رد: بخصوص قبول في ولاية ثانيه وتغير الايتوني للجامعه
وعليكم السلام ورحمه الله وبركاته
اهلين حبوبه ..
الاي توني لما يجيك قبول الجامعه خذيه مع الضمان المالي للمعهد اللي بتدرسي فيه لغه وهم يحولوك للجامعه عشان يكون رقم السيفيس نفسه..
اما للقبول استخيري وربي ييسرلك القبول دامك قلتي للسبرينق وفيه جامعات تقدري ترسليلهم اذا تبغي تأجلي ..
حاولي تتواصلي مع الجامعات اللي قدمتي فيها عشان يرسلولك القبولات ويكون عندك وقت تختاري ..
الملحقيه ترفعيلهم الاوراق النهائيه لانها كذا خطوه تسويها وبعض الاوقات يأخذ وقت عشان يرسلولك الضمان المالي النهائي ..
اما مده جلوسك فلك 60 يوم اذا ماعندك قبول واذا عندك عادي اتوقع..
ان شاءالله اكون افدتك..
بالتوفيق
رد: بخصوص قبول في ولاية ثانيه وتغير الايتوني للجامعه
عزيزتي اذا بتاخذي نصيحتي اتوكلي على الله وخذي القبول اللي جاك بدل ما تنتظري و تضيعي وقتك
أقل الايمان تلحقي تنقلي و ترتبي امورك في الولاية الجديدة وتنزلي بعدها للسعودية تريحي نفسيتك شوي لحد ما تبدأ
الدراسة و تبدا وانتي لك نفس تذاكري
اما تضيعي وقتك ما بين انتظار و كوميونتي كولج ومش عارفة ايش مش منطقي الكلام هذا بـ النسبة لي
وعلى العموم انتي استخيري ربك
رد: بخصوص قبول في ولاية ثانيه وتغير الايتوني للجامعه
رد: بخصوص قبول في ولاية ثانيه وتغير الايتوني للجامعه
الايتوني فيه تاريخ انتهاء واذا انتهى ما تخلي امريكا الا بتجديده
انصحك لا تحطي القبول اللي جاك الحين انتظري لما تجيك باقي القبولات واختاري الافضل عشان ما تنحاسي مع الملحقيه لو بغيتي تغيري.
وربي يوفقك