أفيدوني بتجربتكم مع اطفالكم يا أيها الآباء والأمهات

السلام عليكم ورحمة الله وبركاته


انا مرافق لزوجتي المبتعثة وعندنا مولود عمره 3 شهور

ومتخوف بصراحة ان وجوده معنا يأثر علي الدراسة

وبرضو الوقت الي بنروح فيه برد وثلوج

عطوني رايكم وخاصة الي جربو واخذو أطفالهم معاهم

مع العلم اننا كلنا بندرس سوا

والله نصيحه لا تخلية في السعودية اذا وصلتوا دخلوه حضانه لان بتأزمون نفسيا لو تركتوه وهنا الحضانات متوفره ولا بيأثر ع الدراسه تساعد انت وامه انا عندي اطفال بس في المدرسه الحمد لله ومنظمه وقتي وانشاء الله توصلون بالسلامه

أخت فراشة متألقة معليش بدخل بالموضوع الله جابك أنا برضو عندي طفلين بنت ثلاثة سنين و ولد لين أكون بأمريكا يوصل عمره خمسة شهور و صراحة حاطة ببالي ولاية ويسكونسن كيف الولاية ماديسون و أوشكوش كيف الولاية باردة و ما تنفع للأطفال و لا معقول بردها و كيف أسعارها و الحضانات اللي تبع الجامعات كيف الأسعار يعني إذا عندك أي معلومات عن الولاية فيديني جزاك الله خير

الحضانات هي الحل، إذا عندك أكثر من طفل بتتعب شوي مادياً بس طفل واحد تمشي أموركم.
الحضانات تختلف أسعارها من مدينة لأخرى لكن غالباً حضانة الجامعة تكون مخفضة شوي للطلاب.

بالتوفيق،،،

أكيده الحضانة هي الحل أو أني أفوت فرصة الابتعاث و اجلس بالسعودية بس لانه ولاية ويسكونسن ماني لاقية أي معلومات عن الحياة فيها و الحضانات و إذا على التعب المادي لابد منه بس تتيسر بإذن الله

اقتباس:

---

المشاركة الأصلية كتبت بواسطة Sultana

أكيده الحضانة هي الحل أو أني أفوت فرصة الابتعاث و اجلس بالسعودية بس لانه ولاية ويسكونسن ماني لاقية أي معلومات عن الحياة فيها و الحضانات و إذا على التعب المادي لابد منه بس تتيسر بإذن الله

---

أرسلت لك على الخاص، أسأل عن الشارع اللي تسكنين فيه علشان أبحث لك عن حضانة قريبة، ما جاني رد منك.
على أية حال، يوجد في ماديسون 530 حضانة، حطي الكود والكل بيساعدك.

وشكراً،،،

السلام عليكم
انا ولدت في أمريكا ومن غير أهلي وبنتي ما شاءالله عمرها سنه ونص
ما دخلتها حضانه ألا الحين رغم أني بديت الماستر بس الحمدالله أتعاون انا وزوجي وعشان سنها صغير ما وديتها حضانه عشان لا تمرض وكذا بس الحين اوديها عشان تلعب وتقضي وقت مع الأطفال وعشان يكون عندي وقت اذاكر
ابغي أبين لك أن أنتوا الاثنين محتاجين تتعاونون عشان دراستكم والبيبي وديه حضانه للضرورة إذا دوامكم مع بعض وحاول يكون نص يوم لانه لسا صغير ومو كويس يكون بعيد عنكم فترات طويله
لا تخاف عليه من ناحية الاهتمام لأنهم يهتموا فيه فعلا بس انت دور حضانه نظيفة وراقيه ومعليش عشان سن ولدك بيكون شوي غالي عليك ع حسب الولايه
طبعا ما افضل تخليه في السعودية عشان نفسيتكم وبس لا تشيل هم
الله يوفقكم ويسهلكم أموركم

الله يوفقك الجميع

المولود إذا تركتبه بالسعودية وانت تدرس بمعهد إبن كلب والله ما تفكر فيه لا انت ولا زوجتك
إلا في الويكند ( هذا من تجربه )
اما كان المعهد نص و نص راح تفكر فيه و راح تتعب كثير و راح تنزل على حسابك إذا فيه اجازة للمعهد من شان تجيب الولد
تأثيره على دراستك
نعم راح يكون هناك تأثير و تقلب نفسيا و خصوصا إذا تعب
اعرف واحد شخصيا سمع الغلا بامريكا و الحضانه ب 800 و جاب ولد و ترك ولد
و إقرب إجازة نزل و جاب ولدة الثاني و زوجته بأمريكا نزل مدة اسبوع فقط سلام و اخذ الولد و ارجع
قد تكون تجارب شخصية وكلها تعتمد على الاب ولاام و مدى اشتياقهم لأبهم بس صدقني معكم افضل من تركة بالسعودية

شكرا لكل اللي ردوا عني انا مستحيل اخلي اطفالي بالسعودية هذا الشي ابد مو من الخيارات و لكن قاعده احاول ادور ولاية رخيصة و ويسكونسن عرفت انها كذا و حاطة فس بالي ماديسون و غرين باي و اوشكوش مدري احد يفيدني عنها و اول كم شهر زوجي بيكون مع الاولاد و اذا اتمنى القى معهد نص دوام احد يعرف يفيدني