من يفعل الخير لا يعدم جوازيه .. لا يذهب العرف بين الله والناس ..مساعدة بشأن اللغة ..!

السلام عليكم ورحمة الله وبركاته

إخواني وأخواتي الأعزاء

أنا طالب في مرحلة اللغة ولي ستة أشهر .. حالتي غريبة مريبة لدرجة أحس إني ماني سعودي !؟
مشكلتي مالقيتها عند أي سعودي بس لقيتها في زملاءي الصينيين ألا وهي السبيكنق ..
أنا مبدع ومتفنن في الكتابة أكتب ثلاثة أنواع من الإسيات بقدرة فائقة ولله الحمد .. قارئ متمكن مع إني ما أفهم كل شيء بالتفصيل بس أفهم الفحوى .. أفهم الجرامر بشكل رائع ..وكل هذي الأجزاء الثلاثه مستوايا فيها في المعهد في الليفل قبل الأخير ..
هذا كله ولله الحمد والمنه ..
لكن مشكلتي هي السبيكنق والليسننق .. من يوم جيت لأمريكا وأنا ساكن مع طلاب أمريكان والسعوديين ما أقابلهم غير في الجامعة حتى إنهم يقولون لي إنت متكبر علينا ولا أيش !؟
باقي لي الترم الجاي واللي بعد راح آخذ فيه ماده أو مادتين بالكثير وأخلص وأنا خايف إني ما أتقن اللغة ..
أنا دخلت محاضرات في الجامعة لغتهم جدا صعبه وتدوخ ..!
وكمان عندي مادتين إليكتف وحده منهم عن الكوميونيكيشن ما أنبس فيها ببنت شفة إلا إذا كلمتني الدكتورة ..
وأخاف إذا تخرجت من المعهد ما أفهم زين ..!
أنا أعرف جزء من مشكلتي .. أنا أستحي مره أو بالعربي أخجل جدا وأخاف من الخطأ ..
الأمريكان اللي معايا جدا طيبين بس مايلقون مني تفاعل لدرجة إنهم يقولون لي ليش ما تجلس معانا وتطلع وزي كذا ؟
بس أنا مره ما اندمجت معاهم ..
وأحيانا يجيني هم وغم وأقول أبغى أسكن لحالي بس لي صاحب الله يجزاه خير مبلشني يقول لا عشان اللغة وما أدري أيش ..
والله ما كتبت هذا الكلام إلا من الهم إللي جاني الليله .. أدور حلول .. الله يجزاكم خير ..
أنا فكرت فكره بس ما أدري تنفع ولا لا ..
دخلت على موقع الكوميونتي كوليج في مدينتي ولقيت عندهم برامج دورات ويشترطون فيها لغة متوسطة وأنا درجتي فوق المتوسط على حسب الإختبار .. فقلت بروح أدرس عندهم شي أحبه إمكن ينطلق لساني..
هذا والسلام ...

اقتباس:

---

المشاركة الأصلية كتبت بواسطة بن عدنان

أنا أعرف جزء من مشكلتي .. أنا أستحي مره أو بالعربي أخجل جدا وأخاف من الخطأ ..

---

وعليكم السلام ورحمة الله وبركاته,,
حياك الله أخي الكريم ، وكل عام وأنت بخير,,
من أسطرك أعلاه يتبين أنك طالب مميز ، ولديك سرعة تعلم عالية مقارنة بالآخرين,,
الاقتباس أعلاه ليس جزء من المشكلة ، بل هو أصل المشكلة وجوهرها,,
أنصحك بالتدرب على استراتيجيات التخلص من الخجل ، والابتعاد عن التقييم السلبي الداخلي الذي تضعه على نفسك,,<<<مواقع كثيرة في النت تتحدث عن ذلك
أنت في حاجة إلى برنامج زمني قد يمتد إلى ٦ أشهر للتخلص التدريجي من هذا الإشكالية التي تعيق النطق لديك,,
لا تنسى أخي الحبيب أنك اكتسبت أمور جوهرية في اللغة والمتمثلة في القراءة والكتابة والاستماع ، وسيأتي النطق لإكمال الإنجاز بإذن الله,,
ربنا يوفقك ويسهل أمرك,,

اولا السلام عليكم ورحمة الله وبركاته
وكل عام وانت بخير ... أنا مثلك بس ماني حاب اختلط بالشعب لان فيه دمار اخلاقي ... وكمان عندي مشكله معي اخوي وكذا
انا الحمد لله الحين ماشي على خطة وش رايك تشاااركني فيها
قالو لي اذا تبي تكتب اقر كثير وتعلم البيسك حق الكتابة وراح تصير مبدع مع كثرة الكتابة صحيح اوكي جربته وهذا انا ماشي به لله الحمد
لكن انا الحين اجرب كلام خوياي قالو جرب انك تسمع لانك ماراح تتكلم وانت ما تسمع وهذا انا اسمع وصدقني شفت تطور بالكلام من اسبوع واحد بس ما نطلقت
انا مثلك لاني جاي من 25 -5-2012 يعني خويا شهر واكمل ست شهور
كلام اللي قبلي ما عليه غبار كلام صحيح لكن يفتقد لحل انت استمع لليوتيوب وعندك full house هذا مسلسل امريكي قديم استمع له
وفيه موقع فيه بروكسات رابطه هذا English as a Second Language Podcast#
حاول تستمع كثير وادع لك ولا تنسى اخوانك

بس اذا عندك طريقة للقراءه ترى ماشي فيها لكن احس مامعي مجموعة كلمات

ماشاءالله تبارك الله أنت تبحث عن الجودة , أنا متأكد أن السبيكنق عندك حلو بس تخاف من الاخطاء , و أيضا تقارن نفسك كثير بالطلاب السعوديين اللي معك
عموما هم (الطلاب السعوديين) عندهم شوي جرأة زيادة عن اللي عندك ولا تنس أن السبيكنق حقهم يفتقد الى الجودة اللي تبحث عنها .. عموما أنت حاول تتخلص من الخجل بالتحدث مع اقرب المدرسين لك عن اي موضوع
سواء كان رياضة او سياسة او فساد اداري ,,, يحبون الواضيع هذي , يوم بعد يوم تبي تحس نفسك اندمجت مع العالم بسهولة
بس اهم شي لا تنس تطبق السبيكنق بالبداية مع المدرسين اللي ترتاح لهم

الله يوفقك و يطمن بالك

يالغالي اللي مايخطيئ مايتعلم
لازم تحاول تتكلم حتى لو تخطئ ومع الوقت بيروح الخجل ان شاء الله
انت ماشاءالله على كلامك جيد في القراءة بس تشتكي من اللسيننق ايضاً غريبة أخوي
المفروض دامك كاتب جيد أقل شئ تكون مستمع لاباس فيه وانا اشوف الاستماع أهم من السبيكنق
في الجامعة راح تحتاج اللسننق اكثر من السبيكنق وايضاً بتحتاج الكتابة كثير وهذي مشكلتها انتهت عندك
انصحك تحاول تنمي مهارة اللسننق قبل السبيكنق عن طريق الاستماع للكشرات او محاضرات واخذ نوت عنها
طبعاً المعاهد الاكاديمية بيطورون هالمهارة عندك خصوصا في الليفلات الأخيرة مهارة الاستماع واخذ النوت

بالتوفيق ان شاء الله

بسم الله الرحمن الرحيم
ما شاءالله الأخوة الاعضاء كفوا ووفوا ، وأنت خير من سأل وهم خير من أجاب.
أنا حبيت أقترح عليك هالأقتراح بالإضافة إلى ما قالوه الأخوة وأنت تأخذ بالأنسب لك ، أتجه إلى أقرب مسجد من سكنك وراح تلاقي إن شاءالله اللي تدور عليه
فالناس في المسجد لديهم تفكير قريب جداً من تفكيرك ، بعكس اللي تقابلهم أو تسكن معاهم خصوصاً الغير منتمين لأي دين ( الملحدين ).
وأحب أضيف أنه في المسجد تلاقي كم واحد جايب معاه طفل حاول تكون علاقة مع هذا الطفل وأبدأ معاه حوار ( على مرأى من عين والده ) فالأطفال يتكلمون الكلام السهل الواظح.
اللي يخليك تأخذ الكلمة وتخزنها في ذاكرتك بدون تشويش.

ولكم مودتي

ما شاء الله لا قوة الا بـ الله
انا عندي يقين انك متحدث جيد بس خجلك هو العائق
بس برضوه كل شيء وله حل
انت تخجل من انك تتكلم في الكلاس و مع الناس اللي حولك جربت مرة تدخل شات امريكي صوتي و تقرقر فيه ؟!
اضمن لك انه الخجل رح ينكسر عندك شوي شوي لانك حتى لو غلطت ما يعرفونك و لا تعرفهم و لا يعنونك
شغلة ثانية حاول شوي تضغط على نفسك و تتكلم مع التيتشر اوانك تتفاعل معاها
المهارات اللي انت متقنها جدا ممتازة و تعتبر عائق لـ غيرك بس لا تنسى انه ما رح تتواصل مع الناس عن طريق الكتابة انت لازم تسولف
الاستماع اسهل من المحادثة بـ كثير
يعني شوف ايش هيه اهتماماتك و رح تلاقي برامج عليها سواء كانت اهتماماتك رياضية او فنية او ثقافية
حتى وانت نايم خلي عندك اي شيء يبربر بـ الانجليزي شغال لانه العقل اللاواعي يظل شغال حتى وانت نايم و في وقت ما تصحى لما ترجع تسمع
يقدر العقل يتعرف على اللغة و الكلمات بشكل اسهل

انت اتوكل على الله و حاول انك تكسر حاجز الرهبة بـ داخلك ورح يمشي حالك بـ اذن الله
وعلى فكرة ترى كل الرجاااااااااااااااااال قدرتهم على المحادثة اقل من البنات لانه البنات يحبو السوالف اكثر من الرجال فـ رح تسولف لك باي لغة في الدنيا و لا تجلس
ساكتة بعكس الرجال فـ لا تقارن نفسك بـ الطالبات الموجودات معاك و لا حتى بـ الطلاب لانه معظمهم كلامهم غلط بس جرأتتهم تخليهم يتطوروا بـ سرعة

ما شاء الله عليك اذا مستواك كذا
بقول تجربه لي قبل شهر تقريبا
انا انسان عندي كلمات في الانقلش والحمدالله اعرف يعني تعطيني جيد في اللغه
انا ابي امريكا انا احب لغتهم الي هي السلااانق المهم انا دراستي الشهر الجاي ديسمبر
جاه اخوي بداية السنه قالي ادخلك الجامعه واخليك تتعلم اللغه علشان تروح امريكا تكون تعرف اشياء
وصراحه كنت زيك استحي اخاف من الغلط احس اني بجيب العيد
والحمدالله رحت معاه للجامعه ودراست تحضيري وكان الي يدرسني من امريكا من فلوريدا
اول مره كنت مستحي بعدها سالني كم سوال وجاوبت له وبعده الحمدالله اتكلم معاه واساله واجاوبه
معاد مهند يستحي مثل اول ههههههههههههههههههه :laugh:
وفي يوم انا مادومت ثاني يوم دومت اول مادخلت القاعه قالي I MISS U
خلاص صار يعرفني :laugh:
والحمدالله كسرت حاجز الفوبيه الي كان عندي الحين اتكلم مع اي واحد:laugh:
اللغه كثرت الممارسه والشغل على نفسك

وبالنسبه للطالب الي قال عنك متكبر انت مو متكبر انت منعزل
الشي مو كويس لك تره في طلاب سعودين ماشاء الله عليهم الاكثر بعد
مايصير جالس لحالك24 رح معاهم وتعال ...
غير نظراتك للناس

وبالتوفيق لك " دعواتك

ماشاء الله تبارك الله .. صراحة ما توقعت هذا التفاعل .. الله يجزاكم خير ..
وصراحة أنا عارف مشكلتي زين اللي هيا الخجل بس كنت مستحي أقول أنا عارفها تقولون طيب إش تبغى؟
بس جزاكم الله خير ..
واللي قال إن الشباب اللي معايا عندهم جرأه صحيح عندهم ماشاء الله جرأه مره ممتازه بس المشكله إن القرامر جابوا في سابع جده العيد!
بس شغلهم ماشي ماشاء الله عليهم والله يوفقهم يارب ..
وكان في حاجة ثانيه أنا الآكسنت عندي مره ممتاز ما أدري سبحان الله كيف زبط ! إمكن عشان إني ساكن مع أمريكان ولا أيش ..
واللي قال روح المسجد فعلا أنا كل ما أروح المسجد ىألاقي ناس يسولفوا معايا وكذا بس المشكله أنا ما أسولف كثير أخاف ألخبط ولا شي وهذا هيا المشكله ..
وجزاك الله خير mashan عالموقع .. أنا فعلا أتفرج على TED تعجبني مواضيعهم .. بس أنا أحب القراءه أكثر وشكل هذا نفعني بعد الله في الرايتينق والله أعلم ...
عموما جزاكم الله ألف خير وخليتوني أفضفض شويا وألقى ردود حلوه الله لا يحرمكم الأجر ...

إيوه نسيت .. اللي يعرف شات صوتي أمريكي يقول لي عليه ..
جزاكم الله خير ..