تجربتي في شراء دفايه صغيره من امازون ( مفيد اللي ساكنيين في الولايات البارده)

السلام عليكم

انا ساكن في شيكاغو مع عائله المهم مالكم بالطويله انتم عارفين ان الجو صاير بررررررررد وصاحبه البيت حاطه الدفايه على درجه 18 مئويه يعني اذا نزل عن 18 درجه مئويه يشتغل المكيف الحار تلقائي

وانا ما يناسبني هالوضع وكنت ابرررررد في الليل ولمن انام وقررت اني اطلع من السكن بس واحد نصحني اني اشتري دفايه صغيره واحطها بغرفتي

المهم دورت في امازون وحصلت هذه الدفايه الكهربائيه بسعر 19 دولار ( حاليا مسوين عليها تخفيض 17.49 دولار ) طبعا انا عندي حساب prime لني مشترك معاهم بحساب طالب فيعطوني prime مجانا لمده سته شهور ،، وااستفيد من خاصيه التوصيل السريع خلال يومين فقط وبالفعل وصلتني خلال يومين ،،،،وهذه صورتها

http://ecx.images-amazon.com/images/...L._SL1000_.jpg

وهذا رابط المنتج ع امازون
Amazon.com: Impress 1500-watt Space Heater with a Quiet Fan and Adjustable Thermostat: Home & Kitchen

شفت سعرها رخيص قلت خليني اجربها ،،، وطلبتها والحمد لله احسنت الاختيار ممتازه جدا وصارت غرفتي دافيه ماشاء الله ما توقعتها كذا ،،، وميزتها فيها Thermostat يعني تحط المؤشر ع درجه معينه تقوم تفصل وتشتغل تلقائيا مثلا انا حاطها اقل من النص ودرجه الحراره بالغرفه صارت 25-26 ،،، طبعا تنفع للغرف الصغيره انا غرفتي جدا صغيره مع العائله اللي انا ساكن معها ،،، يعني ممكن الكفاءه تقل مع الغرف الكبيره ( حسب مو مكتوب في وصف المنتج)


طبعا من ضمن المزايا عجبني صوتها ما احسه مزعج ،، بالعكس صوتها هادي جدا ،،،، بالاضافه الى حجمها صغير وما ياخذ حيز كبير في الغرفه ( وهذا من اهم المزايا لي طبعا )

ختاما اتمنى ماحد يجيني ويقول لي جالس تسوي دعايه ومدري ايش ،،، انا لني من جد عانيت من البرد في الغرفه وكنت متضايق ولكن بعد ما اشترت هالدفايه ارتحت كثييييييييير

ولا تنسونا من دعواتكم

اخوكم رائد


تحديث الموضوع :-
كثير منكم سأل عن طريقه تفعيل حساب prime اللي يأهلك للحصول على ميزه التوصيل السريع خلال يومين فقط Two-Days Shippingمن دون دفع مصاريف اضافيه


الطريقه كتالي/

علشان اوضحها لك ،، لو انك مستخدم عادي مو برايم ، لو تبغى التوصيل يكون خلال يومين راح تدفع رسوم اضافيه اقل شي 12 دولار ،، لكن مع برايم التوصيل خلال يومين ببلاش

،،، وطريقه الحصول عليه انك اول شي تسوي اكاونت عادي على امازون بعدين تروح على

Settings

بعدين Amazon Student Membership وتحط ايميلك حق الجامعه مو ايميل عادي ، راح يرسل لك رساله تفعيل ع ايميلك وبعدها راح يقول لك انه تم تفعيل الحساب prime ،،، وعلشان تتأكد انه حسابك prime اذا فتحت موقع امازون ودخلت باسمك تحصل في الزاويه فوق على اليمين مكتوب تحت كلمه امازون prime اذا مو مكتوبه يعني حسابك عادي .

بالتوفيق

الله يجزاك خير
وانا ابي ادور على دفايه مو محصل
ماقصرت

الله يجزاك خير أخوي

موضوع مميز ومفيد توي شريت الدفايه الآن (^_^)

الله يعطيك العافيه ويعينك ع البرد تونا فالبدايه :(

يعطيك العافيه موضوع مرره مفيد
بس بسئلك توصيل امازون من عند باب بيتك صح يعني مايحتاج شحن و خرابيط زي الى بالسعودية

بس اشتريه ويوصل عند باب بيتي على حسب الولاية الى ساكن فيها ~

لو كذا شي رائع

يعطيك العافيه

اقتباس:

---

المشاركة الأصلية كتبت بواسطة CooLZizo

يعطيك العافيه موضوع مرره مفيد
بس بسئلك توصيل امازون من عند باب بيتك صح يعني مايحتاج شحن و خرابيط زي الى بالسعودية

بس اشتريه ويوصل عند باب بيتي على حسب الولاية الى ساكن فيها ~

لو كذا شي رائع

يعطيك العافيه

---

طبعا

اهم شيء تكتب العنوان بشكل صحيح
واذا انت طالب يعطونك اشنراك برايم مجانا وميزته شحن سريع مجانا

الله يعطيك العافية ماقصرت

اقتباس:

---

المشاركة الأصلية كتبت بواسطة احمممد

طبعا

اهم شيء تكتب العنوان بشكل صحيح
واذا انت طالب يعطونك اشنراك برايم مجانا وميزته شحن سريع مجانا

---

كيف اسوي اشتراك الـبرايم انا طالب و عندي حساب في امازون

^^^^

me too the same Question

اقتباس:

---

المشاركة الأصلية كتبت بواسطة احمممد

طبعا

اهم شيء تكتب العنوان بشكل صحيح
واذا انت طالب يعطونك اشنراك برايم مجانا وميزته شحن سريع مجانا

---

جميل و شحن سريع يعني باليوم هو واصل
بس ياليت تعلمنا كيف نشترك في برايم مجانآ اذا تقدر

يعطيك العافيه ماقصرت