مساعدة تكفووون ياجماعة الخير ابي ابتعث على حسابي الخاص بنية اللاتحاق بالملحقيه وش اسوي ؟؟!

وعليكم السلام
عليك بالإستخارة قبل كل شي ، ثم فكر في الدولة اللي تبغى تبتعث لها حتى تحصل على معلومات محددة تفيدك في رحلتك العلمية.
أما بخصوص شرط إنهاء 30 ساعة من دراسة التخصص ، ففي الجماعات والكليات كل ماده لها قيمة تقاس بالساعات على سبيل المثال :
تحليل نظم = 3 ساعات ، تقنية انترنت = 4 ساعات وهكذا... أما المعدل نتيجة ما تحصلت عليه من درجات في دراستك للمادة نهاية التيرم ،
بعض الجامعات تكون من 5 والبعض من 4 .

وبالتوفيق

جزاك الله الف خير يا ابو فيصل ياليت لو تعطني افضل الولايات للدراسه و المعاهد المعتمده وكم تكاليف الدراسه شهرياً والله يوفقك في دراستك .

احد يفيدنا ياشباب املي فيكم بعد الله سبحانه وتعالى

عليكم السلام


امريكا اكثر الطلاب يقولون الانضمام بعد ما تكمل اربع شهور يضموك بالنسبة 30ساعة غير مطبقة ..

قبل ما تسافر لازم تاخذ قبول جامعة ومعهد معترف فيهم وغير موقفة من الملحقية ادخل على موقعهم عشان تتأكد من الجامعات والتخصص ..

بعد ماتقدم على المعهد والجامعة تقدم على طلب قبول دراسة على الحساب الخاص لا تسافر الا اذا اخذت القبول ..

اذا بدات دراسة ترفع للملحقية كشف درجات للاربع اشهر وان شاء لله تنضم ..

مثل ماقالو الشباب اهم شي يكون معك قبول معهد وجامعه و تاخذ الموافقه من الوزارة قبل ماتطلع لأمريكا بالدراسة على حسابك الخاص وبالنسبة لشروط الالحاق فهي تخلص اربع شهور بالمعهد وترفع اوراقك لهم وبيضمونك على طول هذي الشروط الحالية ما تدري يمكن في اي يوم يغيرون شروطهم وسلامتك...

شطحه : حلوه التعبير (الذهاب بنية اللاتحاق بالملحقيه) ههههه فالك البعثة اخوي...

المعاهد طال عمرك اعطيك مثال وانت احسسسب عليه ...

كنت في معهد بـ 3200 دولار لـ مدهـ 4 شهور > وفيه عندك 1700 دولار لـ مدهـ شهرين

فيه معاهد ثانيه لها نظام شهر واحد للترم يعني كل شهر

يختلف كل معهد عن الاخر

المهم

بخصوص الولايات لو تبي برد رح شمال ... جو متوسط رح للوسط .. حر رح للجنوب ..

الغلا والرخص > بكل مكان في الغالي والرخيص بس مثلا عندك كاليفورنيا كلها , نيويورك .. يعتبرون غاليين

موفق

جزاكم الله خير على ردوكم و وش رايكم في مكتب يس اطلس تنصحوني اتعامل معه ؟

لا تتعامل مع مكاتب ولا تخسر نفسك يا انك انت تجيب القبول بنفسك تراسل الجامعات ، او اخوانك الطلاب في امريكا يساعدونك ويجيبون لك قبول ومتأكده ما راح يقصرون معاك الاخوان

اهم شيء النية والنية مطيه هههههههههههههههه .. بس يعجبك الرجال اللي يخطط وينوي قبل ما يقدم على الشيء