استفسار مهندس مشاريع في شركة سابك, و يرغب في اكمال الماستر ... مساعدتكم لاااااهنتوا

انا مهندس وموظف بشركة كبيره واستقلت بعد اربع سنوات خبره ، عزيزي القرار قرارك لاتستشير احد ، علشان ماتلومه بعدين .
الارزاق بيد الله .

بس حبيت أقول لك إذا بتكمل الماستر لا تكمل في غير تخصصك سواء إدارة اعمال أو اي تخصص,, خصوصا وإن تخصصك هندسة ميكانيكية جيد

وطبعا شهادة الماستر قليل الطلب عليها و أغلب الشركات تبحث عن شهادة البكالوريس فهذه نقطة مهمة يجب أن تنتبه إليها

فمن وجهة نظري , يعتمد على ميولك إذا أنت تحب العمل في الشركات ويعجبك نظامهم فلا تستقيل من الشركة

إما إذا أنت عندك طموح وتحب العمل الأكاديمي الأعمال البحثية مثلا , فتوكل على الله واكمل مشوارك التعليمي في نفس تخصصك كما نوهت في البداية

احد لاقي وظائف هالأيام؟!!

ياحبيبي فكر في موضوع الإستقاله زيييييييييين والله حرام تضيع وظيفه في شركة محترمة مثل سابك اللي اي واحد يتمنى يكون موظف فيها

هذي نصيحتي والقرار الأخير لك

حياك الله
انا ودي اطرح رأي والقرار الاول والاخير لك.
يبدو انك شاب ومتخرج جديد وخبرتك زي ما ذكرت اتها على بعض سنه وحده.
انت عندك ميزات غير موجوده عند غيرك وهي:
انت مسجل ومشترك في التأمينات الاجتماعيه يعني لو استقلت من شركتك تقدر تسجل في التأمينات اختياري لكي تكون اشتراكاتك في اليأمينات مستمره يعني تسجل عندهم وتطلب اقل شريحه وهي 1500 ريال بحيث تدفع شهريا 18%
ولما ترجع من امريكا بعد 3 سنوات يكون اشتركك في التأمينات وصل اربع سنوات ونظام التأمينات يقول بعد اشتراك لمدة 25 سنه تقدر تترك وظيفتك وتأخذ منهم مرتب شهري
اللي ابغى اوصله لك انك تقدر تخلي خدمتك متواصله ع شان التقاعد في المستقبل وتكون جبت الماستر وكسبت خدمه تحسب لك في التقاعد. وعلى فكره التأمينات تنظر لمرتب اخر سنتين وانت لما ترجع بعد 3 سنوات يكون باقي عليك 21 سنه.

الميزه الثانيه انك بتطلع مرافق في البدايه ولك مخصص شهري على الاقل يغطي جزء من مصاريفكم
الميزه الثالثه ان الملحقيه عندها نظام مستقل للالحاق المرافقين بالبعثه.
بالنسبه للتخصص الوزاره تقول لازم في نفس المسار ع شان الاعتراف بالشهاده وع شان تحصل ع الموافقه بالضم للبعثه. تخصصك في الهندسه الميكانيكيه ممتاز ومطلوب بس شوف الجامعات اللي عنها تركيز في شي واحد يندرج تحت الهندسه الميكانيكيه. مثلا تدرس هندسه ميكانيكيه مع التركيز على Reliability او Quality assurance او Non Destructive Testing او Welding Quality واشياء زي كذا وتكون درست اللي تبغاه وفي نفس الوقت تحت مسمى هندسه ميكانيكيه.

واي استفسار اخر انا حاضر