انقبل طلب تحويلي من كندا الى امريكا ولكن
السلام عليكم ..
انا الحمدالله تم قبول طلبي للانتقال من كندا الى امريكا وبااقي الفيزا والموعد بعد كم يوم وربي يسهلها يارب..
بس يوم طلبت تذكره من الملحقيه رد علي المشرف وقالي لازم تطلب التذكره من الوزاره وسئلته قتله كيف الاجراءات
قالي مادري وانا بالشرقيه ساكن فاذا احد مر بنفس هذي الظروف ياليت يفيدني.. يعني اقدر اتواصل مع موظف بالوزاره
بالايميل ؟ او ايش اسوي بالضبط... ياليت اسمع ردود تفيدني والله يجزاكم خير ان شالله
رد: انقبل طلب تحويلي من كندا الى امريكا ولكن
شدعوا ياشباب كل هالمشاهدات ومافي احد كاتب شي
رد: انقبل طلب تحويلي من كندا الى امريكا ولكن
بعد ماتطلع الفيزا تروح الوزارة وتسلمهم قرار التحويل وصورة الجواز ورح يصدر لك امر اركاب على طول اذا ماعليهم ضغط او يقول لك الموظف رح نرسل لك برقم على الجوال وتروح اي مكتب طيار في الشرقيه وتحجز تذكرتك
بالتوفيق
رد: انقبل طلب تحويلي من كندا الى امريكا ولكن
اول شي مشكور على الرد .. بس معليه استفسار بسيط اروح الوزاره او مبنى رتاسة الابتعاث؟
رد: انقبل طلب تحويلي من كندا الى امريكا ولكن
ومن كثر مادورت في النت سمعت انه الحين مافي شي اسمه امر اركاب يعني تقدر تروج مكتب الطيار وتعطيهم تعريف انا مبنعث وهم يوافقون مادري هالكلام صح ولا؟
رد: انقبل طلب تحويلي من كندا الى امريكا ولكن
شوف حبيبي انا كنت نفس حالتك وكلمت المشرفه حقتي في كندا وقالت تاخذها من الوزاره، المشرفه تغيرت وجاني مشرف جديد اثناء اجراءات النقل. قلت له ابي تذكره من كندا للرياض ، ومن الرياض لامريكا قال اوكي واعطاني التذكره.
الزبده، انها تعتمد على مشرفك يقدريضبطها لك،
رد: انقبل طلب تحويلي من كندا الى امريكا ولكن
انا كمان حولت من كندا الى امريكا راسلت الاخت دلال من الوزارةعلى الايميل دا ddawood@mohe.gov.sa
و ارسلت لي امر الاركاب على الايميل و رحت مكتب الطيار و اصدرت التذاكر
اتمنى اكون افدتك
رد: انقبل طلب تحويلي من كندا الى امريكا ولكن
انت حالتك تفرق لانك كنت بكندا وتحقلك التذكره هو المشرف قالي نفس الكلام الي قلته انت بس قالي لو انك بكندا
.. بس قالي دام انك في السعوديه ماتاخذها الي من الوزاره عرفت
- - - مشاركة محدثة - - -
مشكوره اختي على المعلومه والله يسهلك امورك ان شالله
رد: انقبل طلب تحويلي من كندا الى امريكا ولكن
انا نفسك منتقل من كندا ل امريكا
الي عليك تسويه تروح التعليم العالي بحي الغدير بالرياض
وتطلب منهم امر اركاب ويعطونك وتروح الطيار وتقص التكت
ربي يوفقك
رد: انقبل طلب تحويلي من كندا الى امريكا ولكن
شباب عندي سؤال بالنسبه للفيزا .. طبعا كلكم طلعتوا الفيزا واكيد اسئلوكم ايش سويتوا بكندا وليه بتحول امريكا .. انا خوفي يسئلني ويقولي عطني كشف الدرجات
للجامعه الي بكندا والمشكله الكشف مكتوب فيه اني موقف سنه كامله عن الدراسه بسبب انخفاض المعدل.. ياليت كل واحد يقولي شالسوات؟؟