والله محتار وابي احد يفيدني ,,,,الفزعه ياجماعة الخير

بسم الله الرحمن الرحيم

السلام عليكم ورحمة الله وبركاته

بالمختصر ياجماعة الخير

اخوكم حاصل على بكالريوس علوم حاسب ويبي يكمل دراستة في الخارج ويبي منكم الشور ويقولون ماخاب من استخار وماندم من استشار

والمطلوب
اولا:تخصص حلو وسهل يعني مو متعب بالدراسة لانكم خابرين مستوي الدراسة عندنا مايقارن بالتقدم اللي في امريكا خاصة بالعلوم العلمية.
علما انني سمعت ان تخصص Information Technology هو تخصص حلو وممتاز جدا وسهل ايضا مقارنة بغيره من التخصصات واذا احد عنده فكره عن هالتخصص هذا ممكن يفيدني بالشرح المفصل المواد الاجبارية والمختاره وغيره
او اذا احد يتفضل علينا بتخصص احسن واســـــــــــــهـــــــــــــــــــــــل منه نكون له من الشاكرين

ثانيا:جامعه تحتوي التخصص المذكور اعلاه تكون ســـهـــلـــة ولافيها تعقيد ومجربة ولافيها عنصرية ضد المسلمين او تمكن من الدكاتره اليهود بالجامعه ويقولون من خاف سلم وانا بصراحة متخوف من المستوي اللي وصلو له الغرب والتقدم المهول اللي عندهم لذالك انا اجزم ان اساسنا بالدراسة مو قوي 100% عشان كذا ابي جامعة تكون سهلة وكويسة (ومو شرط التخصص اللي مذكور اعلى ممكن اذا احد يبي يفيدنا بغيره نقووول له جزاك الله عنا خير الجزاء)

افتونا وافيدوونا افادكم الله

ترى محتار جدا واي معلومه ممكن تفيد

وجزيتم خيرا

وتقبلو خالص تحياتي وتقديري

اخوي ترا كله يعتمد على رغبتك لا تحط المشكلة بالتعليم هنا اذا عندك اراده بتمشي وين ما رحت و الله اعرف ناس متخرجين من سعود و مكملين في ساتنفرد و هارفرد ((اقوى الجامعات بامريكا))

اهلين وسهلين اخووي بالنسبة للتخصص انصحك بزننس انفرميشن تكنولوجي حلوو روعة اذا كان خاصة ماستر والدارسة مافيها شي اسمه سهل وصعب تعتمد على الشخص نفسه بالنسبة لموضوع الجامعة فيه جامعات كثيره والاخوان والاخوات ماقصروو موجود معلومات عنها بالتفصيل الممل طب وتخيير ههه والله يوفقك انشاء الله اسم التخصص واختصاره هو BIS
BUSNESS INFORMATION TECHNOLGY

اخوي phoenix اشكرك على ردك الجميل بس اعتقد انك ماتقارن جامعه يال او اي جامعه قوية جدا بتعليمها بجامعه ثانية من ذوات التقييم b او c وكلامك صحيح100% ومع العزيمة كل شي يهون بس تعرف المثل من خاف سلم وانا انسان اخاف سلم وانا ماسئلت الا عشان اهبط مخاوفي لاني مالي اي علم بمستوي التعليم بامريكا


اما بالنسبة لك يااخوي المشعل فما اقول غير الله يجزاك خير

واعتقد من وجهه نظري الشخصية وانا مثل اخوك الصغير انه التخصصات فيها السهل والمتوسط والصعب وخاصة في المجالات العلمية يعني ماتقارن تخصص ماستر تكنولوجيا المعلومات بماستر علوم الحاسب او ماستر امن معلومات او ماستر قواعد بيانات؟

بس اتمنى اذا ممكن تفيدني هل تخصص BUSNESS INFORMATION TECHNOLGY يندرج تحت علوم الحاسب ام ادارة الاعمال والاقتصاد ووش فكرتك عن هذا التخصص ووش الجامعات التي يدرس فيها ماستر لهذا التخصص وافيدنا عن جامعه تنصح فيها (احنا عرفنا منك التخصص بس نبي جامعه) افزع يالمشعل



تقبلو تحياتي وتقديري

أخوي قدر مكتوب انا نفس مشكلتك وحاصل على بكالوريوس علوم حاسب الي ومقدم على ابتعاث ومشكوووووووووووووور على طرح مشكلتك هنا لأن الكثير سوف يستفيد من الردود الموجودة وأنا واحد منهم

حياك الله ياعبود88

والله انا اتمني احد يفيدنا كلنا بس مادام انت مقدم او في طور التقديم افيدنا بمعلوماتك عن التخصصات او الجامعات

وكلمة لك من يقراء الموضوع فضلا رد لو بشي بسيط يفيدنا ====>اقل مايجيك انشاء الله الدعاء بظهر االغيب لك بالنجاح والتوفيق

فاافيدوونا لو بمعلومه بسيطة

تسلم اخوي ويعطيك العافية واسف على تأخري في الرد بس التخصص ذا يندررج تحت قسم تقنية المعلومات It وبالعكس شي حلوو يا اخوي والله يوفقك انشاء الله
اخوك المشعل

بالجامعات بالنسبة للماستر على حسب اللي يقبلك وعلى حسب معدلك اهم شي وكثيره وماقصروو الشباب والبنات موجوده في المنتدي ،،،،، بالنسبة لي انا ادرس في جامعة http://www.siuc.edu/ واتمني اني خدمتكم في شي والله يوفقكم ،،،،،،،،،،،،

شاكر لردك الحلو اخوي المشعل واتمني لك التوفيق والنجاح بالدنيا والاخرهبس ياليت ترد على سؤالي هل تخصص BIT يدرس تحت اي تخصص يعني تحت الاقتصاد وادارة الاعمال ام تحت علوم الحاسب يعني تحت اي مجال ?

up

فزعتكم يااخوان