تقرير تعبنا الله يلعن الحاجة ( استغفر الله العظيم )

اللي يقول غير الولاية ما عليك منه

والله ما تسوى تقعد بولاية كبت و ضيق زي اللي انا فيها الحين

قسم بالله ويك اند قاعد بالشقة العب كول اوف دوتي و اطلب بيتزا توصيل!

ما فيه مكان تروحه الا سينما...صراحة ما الوم اي شخص يروح نايت كلوب او ستريب كلوب حتى!

بيجوك يقولوا انت رايح حق دراسة هذا خله عنك, وش الفايدة تدرس و ترجع و انت مريض نفسي من ذا المدينة المخيسة اللي ساكن فيها

اغلب اللي يقولوا المكافاة تكفي ما عنده سيارة ولا تلاقيه ساكن مع 16 روميت يا دافع البلا

طيب انا شخص اهم شي الخصوصية و ابغى اسكن لوحدي؟ اعيش مع روميت 5 سنين و انا متضايق و مو مرتاح؟

والله المكافأة ابو كلب...بس الحمد لله على كل حال...حلو الواحد ينثر اللي بخاطره من فترة لفترة ولا كان سوينا انتحار جماعي خخخخخخ

اكره شيء في طريقة التعامل العرب مع بعضهم البعض فرض الرأي ويكتب بدون تفكير ,,

لا تفرض علي اني انقل ,,

ومسألة النقل ما هي بسيطة مثل ما تتصور خذ عفشك وعلى الطائرة ..
مسألة النقل يبغالها حب خشوم الموظفين الي في الملحقية , وخطاب جامعة ومعادلة ساعات و ..... الخ

الله يرضى عليك شغل مخك قبل لا تكتب

معك حق اخوي صاحب الموضوع !

المكافأه لا تكفي !

وهذا كلام الملحق الثقافي بنفسه !

انشاء الله يزيدونها قريباً وكلنا أمل في الملك عبدالله أطال الله في عمره ..

اخوانـي مسألة غير ولايتـك او مدينـتك ، ترا الموضـوع مهب سهل الله يعزكم !
ثـاني نقطه احيـاناً الشخص يُجبر على الدراسـة في ولاية غالـية بسبب الجـامعة التـي تم قبوله فيهـا .
هل يعقـل ان اترك دراستي في الجـامعة التي تم قبولي فيهـا بسبب ارتفاع نسبة المعيشة في مدينتـها ؟!
المفترض ان تكـون المكافئة بمعدل يكفـي للمعيشة في جميـع الولايات وليس في بعضـها .

لكن في مثـل هذة الأوضـاع ابحث عن افضل الطرق للتوفير ( تقـيعط على روحك ) لأن هذا اسلم حل .
الله يسهل وييسر الأمور في الأيـام القادمة
ان شاءالله تتم الموافقه على زيادة المكـافئات ، بس قولوا يارب .

وعليكم السلام ورحمة الله وبركاته على الكل
فعلآ المكافأة ما تكفي ومشاكل المبتعثين كل يوم تزيد
وزود عن هم الغربه يجيك هم الدراسة وهم الملحقية نفسها
يعني افكر باهلي اللي تاركهم وجاي لحالي ولا افكر متى تنزل المكافأة لان الاندومي قرب يخلص
شخصيآ اصدرت قرار نهائي لا رجعة منه , كل بداية شهر 3 كراتين اندومي من امازون
ما اقول الى يا زين جامعه الامام ولا سعود ولا الملك عبدالعزيز ولا اي جامعه بالسعودية
الكل ان شاء الله بيتوظف بنفس المرتب العجيب
الله يوفقنا واياكم والمسلمين , وتصبروا يا جماعه الخير
ان الفرج ان شاء الله لـ قريب

السلام عليكم

عندي اقتراح لـ الشباب

ليه م تدرس و تشتغل وتعتمد ع نفسك ؟!!

بتقول لي راعي صنعتين كذاب !!

في وظائف ي طويلين الأعمار 3 ايام بالأسبوع والدوام بالساعة ممكن 5 ساعات وممكن 4 ساعات وممكن 3 ساعات

لاتقول مافي ابحث ثم ابحث ثم ابحث وبتستغلون اوقاتكم بشي ينفعكم

تراه اقتراح لا راح ولا جاء بدون انفعال

اقتراحك على عيني ورأسي

لكن انت تعرف صاحب الفيزا f-1 ممنوع انه يشتغل في أمريكا ...

وفيزا f-1 هي فيزا الخاصة بالطلاب الأجانب ..

وشكرا

ردك يدل على رقيك أخوي ,
لكن الطالب مسموح له يتوظف داخل الجامعه, وغالبا كل جامعه فيها قسم مختص بتوظيف الطلاب داخل الحرم الجامعي....وطريقة الوظيفه من الطرق التي يستخدمها بعض المبتعثين للحصول على السوشل سيكيوريتي...
المعلومه متأكد منها و أعرف زملاء توظفوا ...

موفقين...

أنا طالبة دراسات عليا في جامعة سعودية

الجامعة بغير مدينتي

الدولة لا تصرف لنا مكافات

أتحمل مصاريف السكن الغالية بالسعودية

ومصاريف السائق

ومصاريفي الشخصية

جميعها عن طريق الدين والطلب من الأهل من أعمام وخوال يعطونك او يعتذرون

أسالك بالله من الان اريد إجابة فقط

هل انتم ام نحن من يستحق ان ينظر في موضعه فقط اخبروني من ؟
هل هذا عدل ام ظلم أنا مغتربة في وطني من اجل الدراسه ؟
هل تعتقد ان الحق يجب ان يقف مع من الان ؟

فقط تحمدوا الله. والله حالنا طلاب وطالبات الدراسات العليا بالداخل يحزن عليه نغترب بالمدن الكبرى الرياض وجدة والدمام من اجل نكمل تعليمنا