الأعضاء الإشتراك و التسجيل

الملتقيات
ADs

أبي رجال يفزع لي

أبي رجال يفزع لي


NOTICE

تنبيه: هذا الموضوع قديم. تم طرحه قبل 1895 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محمد الميزاني
    محمد الميزاني

    مبتعث جديد New Member

    محمد الميزاني الولايات المتحدة الأمريكية

    محمد الميزاني , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى هندسة ميكانيكا , بجامعة ohio state university
    • ohio state university
    • هندسة ميكانيكا
    • ذكر
    • Columbus, ohio
    • السعودية
    • Nov 2012
    المزيدl

    November 13th, 2012, 02:48 AM

    السلام عليكم ورحمة الله وبركاته

    اخواني الكرام انا أبي رجال يفزع لي لاني ناوي اجي ادرس في امريكا على حسابي وبعدين احاول التحق ببرنامج الابتعاث على حساب الدوله وفي عقلي خيارات كثيره وضعت بصراحه ماني عارف اقرر وماني عارف كيف أبدأ

    انا ماسويت ولا شي جالس فقط اقلب الموضوع في راسي وقررت اني ادرس واجيب شهادة تأكلني عيش في هالبلد من كثر ماتمرمطت في القطاعات الخاصه وماعندك احد لازياده ولا ترقيه ولا شي مجرد سعوده

    طبعا شهادتي ثانوي علمي نسبة 74.75% ومتخرج من 1419 وعمري 30 سنه ومتزوج وأبي ادرس هندسة ميكانيكيه في جامعه سهلة القبول بما ان نسبتي ماشاء الله طيبه ^_^ بس من جد انا شاطر بس في ثالث ثانوي صارت لي مشاكل نفسيه وجبت العيد
    نسبتي في اولى ثانوي 94% وثاني ثانوي 90%
    لغتي الانجليزيه جيده جدا يعني بأذن الله راح امشي في المعهد بكل سلاسة وفي الجامعه بأشد حيلي اكيد

    طبعا انا كلمت بعض المكاتب اللي تساعدني في هالامور وقالو عطنا اوراقك ونشوف لك جامعه وانا خايف يحذفوني في جامعه ماتعطي قبول مشروط ومدينه غاليه ويمكن ماالقى فيها سعوديين واتوهق مااقدر اضبط اموري بدون مساعده

    واللي ابيه ابي رجال يعطيني من وقته القليل ويساعدني الين اوصل عنده في جامعته او معهده ويضبطني الين استقر هناك وانا عندي واحد من اصحابي في امريكا بس جامعته للاسف مافيها تخصص هندسة ميكانيكه والا كان نشبت في حلقه الين انام عالسرير اللي جنبه ^_^

    فياليت احد يفيدني ويضبط لي اموري ويتواصل معي على السكايبي حقي في اوقات فراغه

    سكايبي xxbravehartxx

    ياليت مااحد يقول ان الاسبلنق حق يوزر السكايبي غلط لاني عارف ^_^ وهو جا معي كذا على عجله والاسبلنق عندي لكم عليه شوي يبيله تضبيط

    تحياتي لك اخوكم محمد الميزاني
  2. و عليكم السلام

    لا تشيل هم كل الناس ماشيه في امريكا حتى الي لغته صفر ولا حوله عرب .


    اذا كنت بس تبغى احد يوجهك و يعلمك وين تروح وين تجي بتلقى ان شاء الله لو عن طريق الجوال في نفس المدينه .

    اما استضافه ما اتوقع بتلقى الا كانه قريبك و تعز عليه .

    و سم و امر اي مساعده وش ودك بس .
    7 "
  3. المشاركة الأصلية كتبت بواسطة عبدالرحمن دحيم
    و عليكم السلام

    لا تشيل هم كل الناس ماشيه في امريكا حتى الي لغته صفر ولا حوله عرب .


    اذا كنت بس تبغى احد يوجهك و يعلمك وين تروح وين تجي بتلقى ان شاء الله لو عن طريق الجوال في نفس المدينه .

    اما استضافه ما اتوقع بتلقى الا كانه قريبك و تعز عليه .

    و سم و امر اي مساعده وش ودك بس .
    ماهي مشكلتي هذي اللغه انا ابي من يوجهني الين استقر وانا طالع ادرس على حسابي وبأسكن لحالي او مع اشخاص معي في نفس المعهد وكل واحد بحسابه
    اللي ابيه بس يقولي سوي كذا وكذا بما انه اقدم مني واخبر مني او يعطيني خيارات وانا اختار الافضل بالنسبه لي

    اتمنى يكون كلامي مفهوم لاني احس نفسي ماشرحت كويس بس كتبت اللي جا في راسي بسرعه
    7 "
  4. والله وانا اخووووووووك ما ادري بالنسبة للعمر ! شيك بالاول وخلك في السليم مع الوزراة رح لهم في الرياض وقلهم اتوقع تحت 28 او يمكن انا غلطان واتمنى الشباب يصححون اذا غلطت

    وبعدين انا اشوف الافضل انك تستشير الشباب هناااا عن المكان اما الكيف والطريقة فهي سهله ان شاء الله يا يدبرونك لك قبول الاخوان او انت ترسل الابليكيشن وتخاطبهم ( بما ان لغتك زينه)

    وبالتوفيق واعذرني هذا اللي عندي
    7 "
  5. الله يعطيكم العافيه والله شجعتوني صراحه وبالنسبه للعمر الوزاره مااشترطت عمر في شروطها وبالنسبه للجامعات والله ودي في جامعه ترتيبها ممتاز في تخصصي وبالنسبه للمعهد في معهد اسمه EF عندنا في جده مكتبهم وخاطبتهم وقالو لي ان لهم معاهد معترفه من جامعات كبيره ويقدرو يجيبو لي قبول مشروط ومعاهدهم اللي شفته من الكتيب حقهم انها راقيه جدا ومواقعها في نييورك وبوسطن ومدن كبيره معروفه ومو لازم الجامعه تكون في نفس المدينه طبعا

    وهذا رابط البروشر حقهم http://saudi.ef.com/aya/e-brochure/?mc=sa

    وانا بالنسبه لي ابي ادرس في امريكا اما ايرلندا ماعندي اي خلفيه عنها

    بس اشوف في ناس يقولو انهم متخرجين من الهندسه الميكانيكيه ومالقو وظايف في السعوديه ماادري ليش ؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.