الأعضاء الإشتراك و التسجيل

الملتقيات
ADs

فزعتكم ياهل امريكا >مبتعثه من المرحله الثامنه ومتوهقه

فزعتكم ياهل امريكا >مبتعثه من المرحله الثامنه ومتوهقه


NOTICE

تنبيه: هذا الموضوع قديم. تم طرحه قبل 1857 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعثة قانون
    مبتعثة قانون

    مبتعث جديد New Member

    مبتعثة قانون الولايات المتحدة الأمريكية

    مبتعثة قانون , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى تسويق , بجامعة ....
    • ....
    • تسويق
    • أنثى
    • امريكا, >>
    • السعودية
    • Aug 2012
    المزيدl

    November 13th, 2012, 11:56 PM

    السلام عليكم .. اخواني الله يجزاكم خير محتاجه مساعدتكم بإختيار الولايه تكون مناسبه مررره محتاره بهالامر .اهم شي عندي تكون امنه واسعارها رخيصه او ع الاقل م تكون غاليه انا اعتمادي كله على راتب البعثه ماعندي دخل ثاني . وموضوع الحجاب مهم عندي .يعني يكون.سكانها يحترمون الديانات . واذ فيه معاهد تابعه للجامعه بحيث يسهل علي الحصول ع قبول جامعه من دون اختبارات . انا تخصص ماستر تسويق اذا اقدر اغير التخصص الى تخصص تربوي ! واستفسار اخر انا معي اخوي مرافق ويبي يدرس معي لغه وثم يلتحق بالبعثه .. انا معي ضمان مالي من الوزاره وبقدم ع معهد اللغه. المرافق وش وضعه ! شلون يقدم ع المعهد ! مع العلم انه م يستطيع يدرس ع حسابه او يوفر مبلغ للحصول ع قبول معهد>> يعني طفران بالعربي هل الوزاره تعطيه ضمان مالي ! ...وهل الشهاده البنكيه تشترط مبلغ معين !
  2. وعليكم السلام ورحمة الله وبركاتة

    حياك الله اختي الله يوفقك ويسر امرك يارب تتيسر باذن الله

    اختي ولاية كاليفورنيا او واشنطن ستيت هذا احسن شي ولا تكساس اذا سالتيني عن كاليفورنيا ابشري غيره للاسف ماعندي خبره عنها

    بس كاليفورنيا غاليه شوي وسياتل بعد بس تكساس كويسه والناس تمدحها

    انتي والمرافق نفس الشي يعني لك ضمان مالي وله ضمان مالي ليك مكافآه 1847 وله 900 وشوي الله يوفقكم
    7 "
  3. الله يسهل عليكي

    بالنسبة للولايات الكل راح يتكلم عن ولايته والاغلبية راح يمدحوها فأنتي الي تحكمي اي ولاية تحسي راحتك فيها وتختاريها

    بالنسبه لي انا اسكن في مدينة kansas city تقع بين ولايتين ولاية ميسوري وولاية كانساس ستي بالنسبة للجامعه University of Missouri in Kansas المعهد ممتاز والجامعه كبيره وفيها تخصصات كثير عيب الجامعه مليانة طلاب عرب لكنها تعتبر ممتازة في التدريس بالنسبة للتخصص زوجتي مثلك تماما مبتعثه على تسويق والحين احاول اجيب قبول اكاديمي في قسم التربية واذا جبت القبول راح اقدمه للمحقية وانشاءالله يوافقو

    بالنسبة للحجاب فالحمدلله الشعب هنا جدا محترم حتى في بعض المسلمين متنقبين نقاب كامل الظاهر الحجاب صار ظاهره طبيعيه في كل امريكا ماأكدلك لكن العرب المسلمين كثيرين في امريكا والمنظر صار عادي بالنسبه لهم

    اما للأسعار فأسعار المدينة تعتبر متوسطة ليست غاليه وليست رخيصه

    بالنسبة للمرافق على علمي بما اننا مبتعثين من المرحلة السابعه فالوزارة راح ترفض تعطيكي ضمان مالي لازم يجيب شهاده بنكية من حسابه او حساب الوالد عشان تقدميها للجامعه ( الشهادة البنكية يكون في مبلغ محترم في الحساب انا يوم قدمت تسلفت 70000 ريال سعودي واودعتها في حسابي وطلعت الشهاده البنكية وثاني يوم سحبتها ورجعتها لصاحبها )

    وبالنسبه للصرف الملحقية راح تصرف على المرافق اول ماتوصلو امريكا بس اذا كان موظف حكومي او عسكري يطلبون ورقه معينة واذا كان غير موظف يطلبو برنت من الاحوال (تأكدي أكثر من هالمعلومة )

    انشاءالله يكون افدتك والله يكون في عونك
    7 "

  4. أختــي .. أول شي ألف مبروكـ ..
    ثآني شي .. إنتي لسى يعني توكـ مخلصه من آلترشيح وطلع إسمك وعندكـ وقت طويل إن شآء الله ..
    سؤآلكـ محد يقدر يجآوبكـ فيه .. لأنكـ تتكلمي عن شي عآم ..

    لآزم تبحثي بنفسكـ .. وأفضل طريقه تبحثي فيهآ .. إنكـ تروحي لوزآرة آلتعليم آلعآلي آلجآمعآت آلموصى بهآ ..
    وتشوفي وين تخصصكـ .. وتآخذ إسم آلجآمعه .. وتحطيه بهآلرآبط .. وبطلع لكـ معلومآت كثير عنه بمنتدى مبتعث ..


    .:: مبتعث ::. - Google Search - بحث بستخدام جوجل


    أول شي إبحثي .. لأني متأكــد من أسئلتكـ وآضح إنكـ مآقريتي أي موضوع بآلمنتدى أو تعمقتي فيه !!

    هذآ آلموضوع إن شآء الله بيفيدكـ .. :


    مبتعثـة ومرافـق " جميع الخطوات اللي واجهتنا واللي حتواجهكم بإذن الله " شـرح بالتفصيل

    أدري بتقولي .. لو مآعندكـ معلومه لآ تدخل .. بس أنآ أقوول لكـ هآلشي لأن أغلب إستفسآرآتكـ موجودهـ ..
    ولي عودهـ إن شآء الله ..
    7 "

  5. أنآ مرآفق ..

    أللي سويته كآلتآلي :

    شوفي آلمعهــد كم يبي بآلحسآب وخلي أخوكـ يدبر هذآ آلمبلغ لأن أعلى مبلغ وآجهني كآن لآزم يكون بحسآبي هو
    32,000 دولآر
    تقريبآ
    125,000 ريآل سعودي.

    يوفر هذآ آلمبلغ ويروح للبنكـ يطلب منهم شهآدهـ بنكيه والأفضل مآتكون تنتهي بتآريخ معين مثل بنكـ الإنمآء !!
    وإذآ كآن مآيملكـ آلمبلغ خليه يحآول يوفرهـ يعني مثلآ أبوكـ يحول له بآلحسآب وإخوآنكـ لين يكتمل آلمبلغ آلمطلوب من آلمعهد .. لأني رسلت شهآدهـ بنكيه وكآن أقل
    من آلمبلغ آلمطلوب من آلمعهد وإضطريت أزيد آلمبلغ بشهآدهـ بنكيه جديدهـ.
    تعآملت مع :
    آلرآجحي : يحول آلمبلغ من آلريآل آلسعودي للدولآر.
    الإنمآء : يحول آلمبلغ من آلريآل آلسعودي للدولآر.
    الأهلي : فقط بآلريآل آلسعودي.

    وعلى فكرهـ شي بديهي إن آلشهآدهـ آلبنكيه تكون
    بآللغه الإنجليزيه ..
    أمآ ,, آلتحويل خآطبت آلمعهد قآل مو مشكله إحنآ نحول آلمبلغ.

    بعدين يقدم على آلمعهد ويرفق صورة آلشهآدهـ آلبنكيه مع جوآز آلسفر كل هآلخطوآت لجل يدرس
    Full Time ويآخذ فيزهـ من نوع F1
    أنآ سويت كل هآلخطوآت وللآن مآقدمت على آلفيزآ الأمريكيه..
    وأللي أعرفه
    بمجرد وصول آلمرآفق لدولة الإبتعآث .. آلملحقيه تصدر له ضمآن مآلي للمعهد.
    7 "
  6. أنآ بعطيكـ خطوآت إن شآء الله تسآعدكـ لأني مريت بنفس أللي مريتي فيه .. ولآزلت إلى آلآن أرآسل وأبحث وكل يوم أجيب لي قبول ..
    آلخطوآت كآلتآلي :



    1. تدخلي على موقع وزآرة آلتعليم آلعآلي - آلجآمعآت آلموصى بهآ.. وهــذآ رآبطهم :

    الجامعات الموصى بها

    تبحثي بأي جآمعه يكون فيهآ تخصصكـ وترى طريقة إستخدآمه سهله ولله آلحمد ..

    2. تحــددي إسم آلجآمعه أللي تلآقي فيهآ تخصصكـ.. ويآحبذآ تكون جآمعه ملمه فيهآ تخصصآت كثير ..
    وتحــددي قآئمه فيهآ آلجآمعآت أللي ترغبي تدرسي فيهآ .. ولآ تخآفي لو شفتي هآلقآئمه كبيرهـ لأن مع آلوقت تتقلص
    لكذآ ظرف ..

    3. تجــي لموقع مبتعث.. وتروحي للبحث وتكـــتبي أي شي تبين معلومآت عن آلمدينه أو آلجآمعه وهذآ الأغلب ..
    وهذآ محركـ آلبحث بآلموقع :

    .:: مبتعث ::. - Google Search - بحث بستخدام جوجل

    4. بمآ إن لغتكـ مو قويه جدآ.. عآدي إفتحي آلمترجم بقوقل .. ووإنسخي أي كلآم من موقع آلجآمعه نفسه لو مآفهمتي منه شي ..
    أقلهآ بتوضح لكـ آلفكرهـ ..

    5. تروحــي لهذآ آلموقع سعوديون في أمريكآ .. لأنه جدآ ممتآز في عملية آلبحث عن آلمعآهد وفي نآس تكتب رأيهآ عن آلمعهــد ..
    بآلنسبه لي أستخــدم هذآ آلموقع .. للوصول آلسريع لصفحة آلمعهد آلرئيسيه .. وأقرأ عن آلمعهد ..
    وهذآ آلموقع :

    معاهد اللغة الإنجليزية

    6. حآولي تتعلمي طريقــة آلتقديم لو على الأقل على آلمعهــد ترى جدآ سهله ومآتآخذ منكـ وقت ..
    كلهآ أبلكيشن تعبيه وترسلي لهم صورة آلجوآز وآلضمآن آلمآلي ..
    وأكتبي بآلنت : طريقة آلتقديم على آلمعآهد !!
    في نآس شآرحه طريقــة آلتقديم وكل شي ..

    7. لآزم يكون عندك درآيه وبآلذآت عن أمور آلبعثه وكل شي يخصهآ ..
    وأنصحكـ تقرأي هذآ آلموضوع جدآ مفيد :

    مبتعثـة ومرافـق " جميع الخطوات اللي واجهتنا واللي حتواجهكم بإذن الله " شـرح بالتفصيل


    8. قبول آلجآمعه لآ تستعجلي عليه من آلآن .. قــد يستجــد أشيآء مآتدري عنهآ ..
    لأني أذكر وأنآ مبتعث لبريطآنيآ .. غيرت تخصصي كثير فوق مآتتخيلي ..
    يعني أول شي أضمني قبول لغـــه ..

    معلومه : ترى معآهد آللغه أغلبهآ .. يكون لهآ موعــد محدد للتقديم عليهآ لأي فترهـ تبينهآ ..
    مو خلآص لقيتي معهــد وبدرس فيه .. أروح أقدم عليه ..
    يمكن وقت آلتقديم للفترهـ أللي بتدرسيهآ يكون إنتهى ..


    إن شآء الله أكون أفدتكـ بإذن آلله .. وترى كل أللي كتبته .. يعتبر رأي شخصي ولآ أعممه ..
    فقط حبيت أسآعدكـ لجل تتبعي آلخطوآت أللي أقوم فيهآ دآيم للبحث عن مدينه أو جآمعه منآسبه ..

    وأتمنى إنكـ تدعي لي بآلتوفيق ولوآلدي إن آلله يعطيهم آلصحه وآلعآفيه إن شآء الله ..

    بآلتوفيق ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.