شباب / صبايا
بليييييييييييز محتاجة مساعدة عاجلة
واللي يساعدني بدعي له اخر الليل >>> خراطه على فكرة اخر الليل انا فاخه النومه بـ عمق
المهم ساعدوني و شكرا ربي هوه اللي يجازيكم مو انا
بس حبيت اسوي حركات زي اللي يقولوا انهم بيدعوا و مش عارفة ايش و اخرتها يسحبوا على الموضوع كامل
لا دعوا و لاهم يحزنون
ادخل لكم في السالفة سيدة
انا عندي واجب انه احلل مقالة تتكلم عن اي شركة من الشركات سواء قوقل او جينرال موتورز او ابل
واتكلم في ناحية من ثنتين يا من ناحية تنظيم الشركة او من ناحية التخطيط
انا ما عندي مشكلة ابتكلم و اعبي مجلد كامل بس المشكلة اني احتاج مقالة تكون الى حد ما طويلة
و تتكلم عن الشركة لانه لازم ادعم كتابتي بـ مقالة
لقيت مقالات كثيرة بس عشان التعقيد يسوي جو مطلوب انه المقالة تكون جديدة يعني تاريخ كتابة المقالة مش
اقدم من شهر يوليو من السنة الحالية 2012
وللاسف كل المقالات اللي لقيتها كانت جدا قصيرة يعني ما يمديني اكتب اربع صفحات استنادا لـ المقال
المقالات كلها كانت عبارة عن برقرافين و ما فيها معلومات وافيه عن اي شركة
فـ اللي يعرف يلقى لي مقالة تكون نوعا ما طويلة اقدر اكتب استنادا لها يا ليت يساعدني
او اقل الايمان تعطوني اسماء مجلات مختصة بـ البزنس و الشركات زي فوربس و الطقة لعل و عسى الاقي فيها اللي يفيدني
واللي مرة ما يلاقي شيء يساعدني فيه في هـ المجال
اقل الايمان يدخل و يدعي لي انه ربي ييسر لي هـ الهوم وورك على خير وعافية ترى والله درجته مو بـ هينة يا ترفع معدلي
يا تخسف فيه