لوحة سيارتي انسرقت ماهو المفروض اعمله ؟؟؟؟

السلام عليكم ورحمة الله وبركاته



اليوم ياشباب انسرقت لوحة سيارتي الخلفية
واتصلت على 911 وبلغت وعطوني رقم

بس الحين وش المفروض الي اسويه كيف اطلع لوحه جديده



اشيروا علي من لديه معلومات تفيدني

وعليكم السلام ورحمة الله وبركاتة

الله يعينك يالغالي متآكد انها انسرقت اخاف طاحت وانت ماتدري ان شاء الله خير مافيه اللى انك تروح لــ DMV هم المسؤلين موفق

لا ماطاحت اخوي متأكد انها انسرقت لأني شايف المسامير طايحة في الارض

وش ال DMV ترى لي 6 شهور بأمريكا بس ماعرف كثير بالامور ذي

هذا طال عمرك مركز تطلع فيه الرخصه وتطلع استمارت السياره يعني هو المسؤال اسال عنه ما ادري هل هو موجود في نفس المدينة اللي انت فيها ولا طيب كيف شريت سيارتك ؟

ايه عرفته انشاءالله بكره راح اطلع له الله يعطيك الف عافية اخوي

بس اذا احد مر بتجربه ياليت يفيدني

الله يعافيك جعلك علي القوه مايحتاج روح لهم وقلهم شف وش يقولون والله يجعل في الامر خيره تتيسر باذن الله

انتبه تمشي بالموتر من دون لوحة طلع برنت لوحة مؤقته من موقع mvd

انت ابلغت الشرطة فأخليت مسئوليتك القانونية يبقى ان تذهب الى مركز تسجيل السيارات و ليس الدي ام في DMV تعني دائرة السيارات او المركبات
في نورث كارولاينا الدي ام في للرخص فقط و هناك مكاتب اخرى لتسجيل السيارة و لإصدار اللوحات Registeration
و اعتقد ان كل الولايات نفس الشي

الحمدلله تم التوجه ثاني يوم الى مكتب الي يصدر اللوحات والحمدلله في نفس الوقت طلعت لوحه جديده بكل سهولة