مثل ماقلت السنه الجايه إنشاء الله
بس سمعت ان في محلات تمدد التخفيضات عشان قرب الكرسمس هالكلام صحيح ولا؟
ومشكور ع الرد :)
Sent from my GT-I9082 using مبتعث mobile app
عرض للطباعة
وشوف النصاب موقع الأمازون
يقول أن سعر سابقا ب 979
والحين ب $477.99
والتخفيض 50% :hyper:
إذا الشركة تقول لك سعره 477
- - - مشاركة محدثة - - -
صح عليك فيه رأس السنة
وللمعلومية التخفيضات ماشية على مدار السنة تلاقي المحلات تعملها مو بشرط في البلاك أو الكرسمس
عادي انا دايم اسوي Price Match
مثلا اذا ابي اشتري لاب توب او اي جهاز الكتروني ..
والاقيه عند الول مارت ارخص من البيست باي ..
اروح اطبع العرض حق ول مارت وادخل على بيست باي اخذ الجهاز من عندهم واروح للكاونتر اسوي Price Match ..
واخذ الجهاز بنفس قيمة العرض اللي في ول مارت ..
السبب اني اسوي كذا .. لان بيست باي افضل من ول مارت بخدمة الاجهزه .. ول مارت ماهو متخصص بالاجهزه بس بيست باي تخصصه اجهزه ..
لذلك الاقي عندهم خدمات الاجهزه واسرع من ول مارت وافضل ...
لو مثلا جيت باستبدل الجهاز .. بالاقي عندهم بديل بالمستودع بينما الول مارت يقولك مافيه خلص والا يطلعون لك بعذر بس يقطون دراهمك عليك قيمة الجهاز الاصليه بس بدون التاكس !
وانا احياناً مابي ارجع الجهاز علشان فلوس ابي ارجعه علشان استبدله بجهاز ثاني !
يعني مثل هالامور تصير كثير لذلك انا افضل اني اخذ اي جهاز من بيست باي !
- - - مشاركة محدثة - - -
الامازون يعتمد على اللي عارض السلعه .. مو من الامازون نفسه الا من البائعين اللي فيه ..
فعادي تلاقي مثل هالامور كثير ..
هذولا يستقطبون الناس اللي ماتعرف لشغل النت كثير .. فبالتالي يغيرهم السعر ويشترون منهم !
طريقة حلوة أخوي محمد وأول مره أسمع فيها
وإن شاء الله بطبقها
صح البست باي أفضل بالأجهزة كخدمة ونوعية وتأمين
هههه يووه شكل الشعب مايعرفها .. اجل زين اني ذكرتها ..
انا عرفتها في اول سنه لي بامريكا .. من واحد شغال في البيست باي ..
لما جيته وسألته بكل براءه "ليش ول مارت عندهم اجهزه ارخص ليش انتوا غالين ؟ " ..
قعد يتبسم .. قالي تقدر تطبع اي عرض من ول مارت وتجيبه عندنا وتسوي برايس ماتش ..
بشرط أن يكون العرض لنفس موديل الجهاز .. يعني لابد يكون متطابق بالموديل والمواصفات !
رحت لعمنا قوقل سألته .. قلت عمي قوقل وشو البرايس ماتش ووش سالفته ؟
فقعد عمي قوقل الله يطول عمره يشرح لي البرايس ماتش .. وعرفت ان البرايس ماتش تستخدمه كل المحلات الكبيره في امريكا ..
مثل ول مارت وكروجر وسامز وبيست باي وتويز ار اس .. الخ كلهم عندهم نفس النظام !
والبرايس ماتش يسوونه حتى على سلع اللي في امازون او في مواقع الشركه المصنعه ..
يعني مثلا شركة سوني في موقعها عرض على جهاز لاب توب فايو .. ونفس الجهاز في بيست باي .. اطبع العرض وروح لبيست باي وورهم العرض ويسون لك برايس ماتش !
ووضعك ياصاحبي في السمبتيك مثل مايقولون :hyper:
اخواني قبل أنسى ..
لازم تبحثون قبل انكم تقدمون على الشراء .. كل سلعه لازم تتأكدون من اسعارها في الاماكن الاخرى ..
ايضاً شغله مهمه .. موظفين المحلات ترى مايباشرون بالمعلومات .. لكن اذا سألتهم مجبورين انهم يعلمونك ..
فإذا قعدت ساكت ولا بديت تاخذ وتعطي مع الموظف حتى تعرف الوضع .. راح يسكت هو ويبيع لك السلعه بالقيمه المسجله عنده .. ويكسبون ..
وفوق هذا ماراح تقدر تقولهم شي .. كل اللي تقدر عليه انك ترجعها بالوقت المحدد لك ..
بينما لو خذيت واعطيت معه بالكلام والاسئله .. فهو مجبور ويعاقب لو ماعطاك اجابات واضحه حتى لو كانت معلومات انت ماكنت تتوقعها ..
مثل سالفتي مع البرايس ماتش وبيست باي .. انا سألته ماكان ببالي ان فيه شي اسمه برايس ماتش سعودي فريش في امريكا لا اعرف الانظمة ..
ولما جاوبني علمني بالبرايس ماتش .. لانه مجبور انه يعلمني لو ماعلمني يخالف انظمة العمل في الشركه !
فانتوا دايم اسألوهم مثلا عن الاسعار .. قولوا لهم هل هذا السعر لحاله هنا والا مثلا في الاون لاين سعر ارخص ؟
لان ترى اسعار الاون لاين دايم ارخص .. وفيه عروض خاصه فقط بالاون لاين .. ويقدرون يشترونها لك عن طريق الاون لاين وتجي تستلمها من عندهم ..
ايضاً بالنسبه للاجهزه .. اسألوهم عن الموديلات الافضل واللي تكون مقاربه للسعر الحالي ..
لان راح تلاقون اجهزه موديلات افضل من الموديل اللي بالعرض والفرق بينها يكون تقريبا 10$ الى 100$ ..
(مثل سالفة التلفزيون سامسونج اللي فوق ) ..
انا لاحظت غالب السعوديين يدخلون المحلات يقعدون يتفرجون واذا جاهم السيلز مان يسألهم اذا اقدر اساعدكم صرفوه ؟!
في بالهم ان المسأله مثل السعوديه بيقعد يحاول يقنعهم علشان يشترون ! .. ومايدرون انه اي وقت يحس انه ضايق الزبون يسكت مباشره ويخليه على راحته !
ولايدرون أن السيلز مان عن طريقه يقدر يساعدهم حتى بإيجاد الافضل لهم وبالسعر اللي هم يبونه او سعر مقارب بشكل كبير جداً ..
بصراحه انا كنت بالبدايه كذا بس بعد سالفة البرايس ماتش اللي جات بالصدفه ولا كنت اتوقعها ..
صرت ادق سوالف معهم حتى يكون فيه ضحك وابد تقول اعرفه من سنين .. بالتالي مايفكني وتشوفه يساعدني بشكل اكبر .. لان فيه بعضهم مايتحركون الا بالدف ..
لكن اذا صحصحته بالسوالف والضحك وبدا يتحمس معك .. نفض لك المحل كله علشانك هههه
وبعد لو كنت في قسم ماهو قسمه .. راح ونادا لك الشخص المناسب .. مو مثل ذاك اليوم واحد نادا لي وحده على قسم الكمبيوترات .. انا اللي اصحح معلوماتها ههههه
يعني بالعربي تصير عندك واسطه مؤقته كويسه هههههههههههه
وغالبهم فريندلي .. بس اللي مكشرين هذولا طاقه نفسهم من الدوام ويبي يخلص باي طريقه !
الموهم هذا اللي في بالي قلت اكتبه قبل انسى .
حلو حلو
توني ادري عن البرايس ماتش ذي
الي كنت اسوية اقارن امازون وبيست باي وولمارت واروح لاقل سعر ودايما يطلع ولمارت
إلـــى آلآن بسيآتل مآشفت عندنـــآ آلوول مآرت هذآ ..
ولآ لــه ذكر عندنآ !!
من آلنت عرفت إن فرعــــه خآرج سيآتل ..
آلطآلب أول مآيبتعث يعرف آلوول مآرت .. بـــس عندنآ مآفيه ..
فيه محلآت ممتآزهـ بسعر آلجملة تشتري من عندهم ورخيصة ..
كٌــل شي عندهم .. لدرجة بآلمحل فيه جنوط سيآرآت هههههههههههه
محــل بحــــر ..