معهد اللغة متكدس ( لمن له علم ودراية بالموضوع) كل الاعضاء

السلام عليكم ورحمة الله وبركاته

اخواني المبتعثين والمبتعثات .. الله يعيننا على هالوزارة اللي مضيعتنا ولاندري وش نسوي..
اليوم كلمتهم على رقمهم بموقع الوزارة وكل واحد يطشني على الثاني .. مايمدي اكمل كلامي الا يقول انتظر ويحولني للي بعده واغلبهم مايردون والله يرفعون الضغط
كيف مايخافون الله يعطلون مصالح المسلمين..

الحين كلكم تقولون وش يقول ذا

نجي للموضوع . اخواني طبعا كلنا شفنا تحديث المعاهد اللي نزلوه. وفيه معاهد شالوها وفيه منها جديدة .. طبعا ولاية كولورادو مالها حس... على حضي :mad:

طبعا محاكيكم يبي يدرس لغة والجامعة بولاية كولورادو.. بس بعد التحديث ظنكت وانقهرت .. المهم كلمت زميل لي يدرس في كولورادو وشرحت له الموضوع وان مافيه امل اني اجي للولاية. طبعا المعهد متكدس والجامعه مفتوحه (المعهد تابع للجامعة)

فقال لي اجيب لك قبول من المعهد اللي ابي ادرس فيه :confused:! هينا حسبت انه يتمسخر :mad: .. فقال لي انه جاد ويبي يجيب لي قبول منهم .. طبعا من كلامه ( اهم شي جب قبول وهم يقبلونه ماعليهم هو متكدس ولا لا)
وهو ماهو متاكد تماما !

بحكم اللي عندنا كل واحد له راي يختلف عن الثاني..!!

فحبيت اتاكد هل يمكن يجيب لي قبول المعهد واوديه للوزارة ويقبلونه حتى لو المعهد متكدس؟

طبعا دراستي ماجستير حاسب الي


انتظر ردودكم على احرمن الجمر

وعليكم السلام ورحمة الله وبركاته,,
إذا المعهد غير موجود في القائمة المستحدثة للوزارة فلا تتعب نفسك وابحث عن غيره,,
ربنا يوفقك,,

يعطيك العافيه على الرد

حتى اذا جاب لي قبول منهم؟؟

حتى لو أحضر القبول من هناك,,
يوجد حل واحد فقط لهذه القضية: فيتامين واو<<<المفتاح السحري في المجتمع السعودي :)
ولاية كلورادوا مليانة سعوديين وخليجيين بشكل فظيع ، وهذا سيكون عائق أمامك لاكتساب اللغة,,
ربنا يوفقك,,

خيرة لك اخوي ..... كولورادوا مليانة سعوديين و مهي في صالحك اذا راعي دراسة
اللغة لغة في اي و لاية في امريكا اما الجامعة هي الاهم


متى يوقفون الابتعاث العشوائي امتلت امريكا سعوديين