استفسار وش أفضل طيران لأمريكا

الطيران التركي حلو

انا انصحك تشوف الطيران اللي مدتة قصيرة وبدون توقفات كثير
يعني مثلاُ لوتحجز عن طريق السعودية مباشرة لواشنطن اونيورك وبعدها لمدينتك مباشرة
فيه خطوط ثانية حلوة مثل الاماراتية والقطرية بس يبيلك تطلع من السعودية للامارات ومن الامارات لامريكا
انا اشوف السعودية ممتازة في الرحلات الدولية وافضل في خط السير لانها مباشرة لامريكا

بالتوفيق ان شاء الله

مشكور لا هنت يا نادر وأبشوفه ان شاء الله اذا هو مناسب
اكرر شكري لك 🌹🌹

بصراحه الخطوط السعوديه ماحد يمدحها كلهم يقولون ماهي بزينه لانها هبوطها في نيويورك او واشنطن أخاف أتأخر ..
وانا ودي برحلة كامله ماتنقطع على طول الى منيابلس ...
ماقصر نادر يقول الخطوط التركيه وراح أشوفها ان شاء الله ...

طولت عليكم بس استفساري الثاني متى الوقت المناسب اللي اكون فيه موجود بأمريكا عشان اخلص أوراقي بالملحقية والسكن
شاكر لكم .. والله يوفقكم جميع ..

اخوي ما راح تلقى رحلة مباشره من السعودية لمدينتك
لازم توقف في مطار جوة امريكا ثم تغير الرحلة لمطار مدينتك
الكل يسوي كذا و عادي يكون فيه وقت كافي لتغيير الرحلات
و بالعكس الخطوط السعودية اريح شي لانها مباشره لامريكا
باقي الخطوط لازم توقف في مطار دولة ثانيه قبل ما تتوجه لامريكا

ركز على كم مره توقف ( ترانزيت) و مده الرحله و المدينه الي بتوقف فيها , مثلا لو فرنسا المطار القديم ابعد عن الرحله هذي لانه مطار متعب و قديم مثل حق جده .

و اذا كانت رحله فيها شاشات ممتاز جدا لانه بعض رحلات الخطوط السعوديه المباشره مافيها شاشات يعني يوم كامل تناظر مرتبه الي قدامك .

فيه مواقع تعلمك افضل مقعد في الطياره بناء على نوع الطياره جرب تزورها و تاخذ خبره منها .

يمكن أحجز ع الخطوط السعوديه ...
مشكور على مرورك 🌹🌹

إن شاء الله بأقرر على الخطوط السعوديه وراح أبحث عن الميزات اللي ذكرتها ..
شكرًا على مرورك الكريم 🌹🌺

اذا انت من جده او الرياض السعوديه افضل لانه طيران مباشر لواشنطن او نيويورك وبعدين رحله داخليه لمدينتك اذا فيها مطار

توصل بالسلامة