ابو العائله اللي ساكن معهم يبي قرآن وين احصله !!!

السلام عليكم , مثل ما هو موضح بالعنوان
ابو العائله اللي انا ساكن معهم اعجب بكلامي عن الاسلام
ووجهة نظرنا عن بعض الامور , ويقول انه كان وده يقراء القران
بس ما قراه , فا قلت له انا بجيب لك قران بالانجلش

السالفه هي اني ما ودي اشتري قران من امازون وهو غير صحيح 100%
فا يا ليت يا شباب اللي عنده خبره بالامر
ويعرف محل ولا مركز يبيع قران صحيح 100% بالانجلش
يعطيني رابط ولا رقم جوال
وان شاء الله وما تدرون احتمال يكون قرائته للقران
سبب بدخوله للاسلام , والاجر ان شاء الله لي ولك

والله يوفقنا واياكم والمسلمين

الله يهديه للاسلام ويكتب اجرك
اقترح تزور مسجد اا عندكم بمدينتك وتسال االامام اتوقع عندهم علم
او انك توصي احد يشتريه لك او يجيبها مكاتب الدوعه بالسعوديه ويرسلونهها لك بالبريد السعودي

Allah's Quran - Order a Free Quran!

اب بلاش لكن ماجربته بحثت بقوقل وحصلته

ياخي الله يهديك القران مايقرا بالانجلش القران عربي وانزل عربي كيف يقرا انقلش

القرآن لا يمسه الا المطهرون .. لكن اتوقع ان المترجم مافيه اشكال والعلم عند الله ..

تقدر تسأل اذا كان قريب منك مسجد اذا كان عندهم نسخ للتوزيع وتأكد انه مسجد مو حسينية وانت فاهم قصدي

كلامك صحيح اخوي نايف
مس القرآن نفسه ( العربي ) لايجوز من الكافر او المحدث .
بينما المكتوب بلغة اخرى ( أي مترجم ) فهو داخل في حكم التفسير والتفسير يجوز امساكه سواء من الكافر او المسلم المحدث .
وهذي فتوى تثبت ما اقصدهـ
موقع الإسلام سؤال وجواب - حكم مس الكافر للمصحف

توكل على الله يا صاحب الموضوع .. ابحث عن قرآن مترجم للانجليزية لعل الله يهدي هذا الرجل على يدك
اسأل امام المسجد الي عندكم مثل ماقالك احد الاخوان واكيد بيدلك

وعندي لك اقتراح بعد ان كانك حسيته صامل وودهـ يستطلع اكثر عن الاسلام ، خله يدخل هذا الموقع :

Islam Chat Forum ? Why Convert to Islam ? Facts About the Muslim Islamic Religion

هذا شات اسلامي لجميع دول العالم ، قائمين عليه طلاب الجامعة الاسلامية في المدينة المنورة .
كل الي عليه يدخل ويختار الدولة من الخارطة ويدخل ، راح تفتح له غرفه محادثه ويدخل معاه شخص يسولف معاه ويعلمه اي شئ يبي يعرفه عن الإسلام .
لعل الله يهديه على يدك . ويكتب لنا الاجر واياك .

بالتوفيق .

تبي تكسبها وانا اخوك


اهدي له ميني ايباد فيه قران بالانقلش



مجرد رأي

الله يكتب لك الاجر يااارب
وانا باذن الله راح استفسر لك

وعليكم السلام ورحمة الله وبركاته

سبحان الله ! جائك الأجر حتى عندك !

شئ أجمل من البعثة ومن الشهادة اللي بترجع فيها أجر إسلام أحد بفضلك الله ثم بفضلك

نصيحتي لك اجتهد بالموضوع وحاول أن تكون خير سفير للإسلام

وفقك الله

عندي قرآن

اذا تبية راح ارسله لك ان شاء الله
بس ارسل لي عنوانك وكم يوم وهو عندك ان شاء الله