هاااام لطلاب المرحلة الثالثة

اخواني واخواتي طلاب المرحلة الثالثة السلام عليكم ورحمة الله وبركاته عندي استفسار هااااااااااااام ومصيري جدا بالنسبة لي في حالة الابتعاث لامريكا هل ضروري ان يكون لدي قبول معهد + قبول جامعة عشان يصدر قرار الابتعاث؟؟؟؟ ام انهم يكتفون بقبول المعهد ولا يدققون في وجود قبول الجامعة مثل المرحلة الثانية لاني سمعت ان طلاب المرحلة الثانية ما كانوا يصدرولهم قرار الابتعاث الا في حالة وجود القبولين معا افيدوني جزاكم الله خيرا لاني جبت قبول من معهد فقط لان الجامعة رفضت تعطيني قبول الجامعة علما باني اريد اكمال مرحلة الماجستير واريد من الاعضاء الكرام الي اكملوا اجراءتهم بدون قبول الجامعة الرد علي سريعا والله يوفق كل الي يرد ويحقق له الي في باله :daisy:

يكفي قبول المعهد بالنسبه لدراسات العليا

فعلا الماستر يكتفون بقبول اللغه

وموفق اخوي

مرحبا ...........
حسب ما قالوا في الملتقى يكفي قبول المعهد لصدور قرار الابتعاث
مع تمنياتي بالتوفيق

الاخوة الاعضاء SA2007USA
hadeer
فينسيا
جزاكم الله الف خير على الرد السريع بس ودي اعرف واحد استلم قرار الابتعاث بدون قبول الجامعة؟

يعني لازم احلف عشان ترتاح:)
عطهم المتطلبات هذي اللي رددوها اكثر من مره ومعلقينها في كل جدار في الوزاره وراح يصدرلك القرار انشاءالله
متطلبات اصدار قرار الابتعاث :-
1/صورة من قبول الجامعة او قبول المعهد ساري المفعول.
2/صورة القبول + (20-I) للطلاب امريكا.
3/صوره جوازالسفر بالاضافه لصورة التاشيره للفيزا
4/صوره للبطاقة الاحوال او صوره للدفتر العائله للطالبة
5/صورة ( جواز السفر + صورة التاشيرة + صوره من بطاقة الاحوال ) بالنسبة للمحرم المرافق للمبتعثة
6/صورة وثيقة التخرجبالاضافة للصوره كشف الدرجات ( أو معادلة الشهادة اذا كانت صادره من الخارج )
7/ صورد من شهادات القدر للطلاب المرحله الثانوية
8/تعبئة الاستمارة المعده لصدور قرار الابتعاث.
9/بالنسبة للمحرم المرافق( زوج-اب -اخ ) اذا كان اخ وكالة شرعية او اقرار رسمي من العمده او الشرطه من الاب بالسماح للابن بي مرافقه شقيقته.

وللمعلوميه اكثر الشباب اذا مو كلهم اللي صدرلهم قرار ابتعاث ...صدرلهم على قبول المعهد لطلاب الدراسات العليا...وعشان برضه ترتاح ...القبولات اللي جابتها الوزاره اغلبها اذا مو كلها قبولات لغه فقط ...

بالتوفيق

مشكور يا SA2007USA وجعل الله ذلك في ميزان حسناتك
والله لوزارة هذه جننت الواحد؟

اخوي انا مبتعث للماستر في امريكا وخلصت اموري بدون قبول الجامعة بس قبول المعهد

لان الجامعات بطلت تعطي قبولات مشروطة للماستر .فانت تروح هناك بعد اللغة وتصلح امورك

وبالتوفيق اخوي ..