الأعضاء الإشتراك و التسجيل

الملتقيات
ADs

ابي اجهز شنطتي ..مساعدة ...

ابي اجهز شنطتي ..مساعدة ...


NOTICE

تنبيه: هذا الموضوع قديم. تم طرحه قبل 1881 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة noty

    لكن نصيحتي لك يا اختاه ان كان بتحطين بالشنطة شي يستاهل فكثري كثري من الاندومي والله انها تفك ازمات راعية واجب وحقت فزعات مالنا غنى عنها
    هذا الرابط هديه مني لك

    Maruchan Ramen Noodle Soup - 36/3oz: Amazon.com: Grocery & Gourmet Food

    لا تحملين نفسك ولا شيء نفس اللي في السعودية
    7 "
  2. المشاركة الأصلية كتبت بواسطة mema44
    لابتوب لي , ولابتوب لمرافقي , وايباد لي , وايباد مرافقي

    يفضل هذي الاشياء تكون في الشحن لان يمكن يفتشونها ويلقون برامج تقليد يسون لكم مشاكل من ضمنها يرجعونكم للسعوديه او دفع غرامه
    والاشياء ماراح تحتاجونها داخل الطياره خليهم مع الشحن احسن لكم

    في اكياس خاصه للسفر تحطين فيها ملابسك وتجبين مكنسه وتسحبين وتكون خفيفه واقل وزن تحصلينها في المحلات التجارية

    بالتوفيق
    غلطان اخوي انا احط كل هذي احطها في الـ Backpack هذي نفس شنطتي بالضبط

    Amazon.com: SwissGear Computer Backpack (Black): Electronics

    لأن في العفش يا تتكسر او تنسرق ويا كثر ما تصير وبالنسبة للبرامج المفروض تكون اصلية في كل الأجهزه قبل ما تسافر
    7 "
  3. المشاركة الأصلية كتبت بواسطة naif2010
    بالنسبة لي افضل اني اطلع رحلة بدون توقف ولكن مدينتي لازم اوقف في باريس علشان اوصل لها بدون ما اوقف في اي ولاية ثانيه .. انتي بما انك في واشنطن .. اطلعي الرياض واشنطن على الخطوط السعودية .. هذي جربتها في 2010 وكانت الرحله مره حلوه ولا تعبت فيها الحمد لله .. اذا انتي من الناس اللي تكرهين الخطوط السعودية فيه خيار ثاني اللي هو الرياض الدوحه - الدوحه واشنطن والخطوط القطرية جدا محترمه وخدماتهم راقيه
    القطرية الله لايعوق بشر ...خيار موفق احس ... الف شكر ...




    صحيح تختلف لكن معظم الخطوط مثل ما قلت لك واذا تبين تتأكدين اكثر ادخلي على موقع الخطوط اللي راح تسافرين عليها خلينا نقول على سبيل المثال الخطوط الفرنسيه

    تدخلين موقعهم وتختارين Preparing your trip بعدين Baggage وراح يطلع كل المعلومات

    او انك تكتبين في قوقل baggage allowance in qatar airways بما اني نصحتك على الخطوط القطرية لو ما كنتي تحبين تطلعين على السعودية وراح يطلع لك كل اللي تبينه

    اما اذا بتطلعين على السعودية عاد الواسطه فوق القانون لو تبين تاخذين 10 شناط محد راح يقول لك لا

    ودرب السلامه يارب ..
    ههههههه لو عندي 20 واسطة , ماكلمت احد على شناط ,, موضوع يفشل صح ؟هههههههههههههههههههه

    بس ممتازة طريقة البحث هاذي ..احسن شي الواحد يروح مستريح البال والضمير ...جد ماقصرت ..



    اكلهم سيء ومطارهم اسواء ومعليش على اللقافه جاوبت عن الرجال ولكن كلامه صحيح وانا حرمت اركب خطوطهم الكحيانه الا اذا كنت مضطر
    لا خلاص ماعد فيه الا قطرية ان شاء الله ..الموضوع 14ساعة مو 10 دقايق ..جزاك الله خير . بجد استفدت من ردودك ..
    7 "
  4. المشاركة الأصلية كتبت بواسطة naif2010
    غلطان اخوي انا احط كل هذي احطها في الـ Backpack هذي نفس شنطتي بالضبط

    Amazon.com: SwissGear Computer Backpack (Black): Electronics

    لأن في العفش يا تتكسر او تنسرق ويا كثر ما تصير وبالنسبة للبرامج المفروض تكون اصلية في كل الأجهزه قبل ما تسافر
    شكلك فهمت غلط يَ حبيبي الكيس الي اقصده داخل الشنط الكبيره
    شنطة الظهر عادي يفضل الاجهزة تكون داخل مع العفش اذا كانت البرامج تقليييد
    اذا وزن العفش كلم الموظف قوله فيها لابتوب بيحط لك ستكر احمر وعليها وبس


    بالتوفيق
    7 "
  5. المشاركة الأصلية كتبت بواسطة noty
    هلابك اختي حبيبتي جاده اقول ياليتك معي بسياتل ياشيخة بلا دراسة بلا هم ٢٤ساعة تمشية

    انا سفري قرب لان دراستي بشهر يناير ادري بتقولون اشبك باقي هنا اصلا طيري خلاص

    شوفي ياوخيتي والله اني مثلك محتارة لكن عموما خذي الجاكيت اهم شي ولاتكثرين ابدا اخو زوجي بكاليفورنيا وقال لاتشترون شي تعالوا قضوا من امريكا كل شي هنا افضل لان جوهم وبضاعتهم مو زي بالسعودية

    لكن نصيحتي لك يا اختاه ان كان بتحطين بالشنطة شي يستاهل فكثري كثري من الاندومي والله انها تفك ازمات راعية واجب وحقت فزعات مالنا غنى عنها




    ياحبي لك والله ..ابد ابشري , خليني بس اتعود ع الديرة واروح واجي , ازورك كل شوي ان شاء الله ..

    ربي يوفقك .. بتروحين بعيدهم .. انبسطي وشوفي كيف يحتفلون هههههههههههه حنا مساكين مانعرف وشو الحفلات الا بالخلاقين والقيل والقال هههههههههه

    حلو جبتي طاري الجاكيت ... بيني وبينك من كل حياتي مااشتريت جاكيت ثقيل ...برد الرياض يعتبر صيف عند غيرهم هههههههههههه

    الا هاذي المرة لازم اشتري ... اقل واحد لقيتة ب600ريال ,, ومحتارة اشترية والا مايسوى ,, عاد دام سفرك قبلي , شوفي لي هل يستاهل جاكيت ثقيل ومبلغ وقدره ولا لا ؟؟ وعطيني خبر ع الخاص الله يسعدك ..

    الاندومي , ماهو هم , انا من الناس اللي ماعندي مشكلة بالاكل الحمدلله , بسكويت وشاي , والا ساندوتش جبنة يمشيني .. موضوع اكل وااكل , قلت لاامي اذا استأجرنا شقة وصار لنا عنوان واضح ترسل لي القهوة والبهارات وبقية الاكلات اللذيذة اللي مانحصلها هناك ..

    الان كل همي ,, وشو ؟؟؟؟؟

    نفسي واتمنى القى صديقة صدوقة في الغربة ...بس الله كريم ..

    اسعدتيني ياقمر الله يسعدك ..
    7 "
  6. المشاركة الأصلية كتبت بواسطة mema44
    لابتوب لي , ولابتوب لمرافقي , وايباد لي , وايباد مرافقي

    يفضل هذي الاشياء تكون في الشحن لان يمكن يفتشونها ويلقون برامج تقليد يسون لكم مشاكل من ضمنها يرجعونكم للسعوديه او دفع غرامه
    والاشياء ماراح تحتاجونها داخل الطياره خليهم مع الشحن احسن لكم

    في اكياس خاصه للسفر تحطين فيها ملابسك وتجبين مكنسه وتسحبين وتكون خفيفه واقل وزن تحصلينها في المحلات التجارية

    بالتوفيق


    الاجهزة كلها بنشيك عليها قبل نروح ..ان شاء الله مافيها شي مخالف ..
    ماعندي مشكلة احطها بالشحن بس اخاف تتكسر ..والسبب الثاني اخاف تضيع الشنطة وانا اول شي لازم اسوية ..افتح لي ملف طالب بالنت من لابتوبي ..عاد اذا ضاع مشكلة ...

    الاكياس اعرفها اللي تسحب الهوا , بجيبها ان شاء الله ...

    جزاك الله خير ..
    7 "
  7. اهم شي نصيحة من مجرب
    حاولي قدر الامكان ماتكثري عفش خصوصا نحنا البنات مانخلي شي كله مهم عندنا شلت معي كل شي ماخليت شي بخاطري كله قلت مهم
    و جيت عند الجمارك بالرحلة الداخلية الله اكبر طلعي وزن زايد
    و اروح و ادور شنطة ثانية اشتريها عشان اقسم العفش و يخف المبلغ
    اي يخف دفعت 500 دولار بس وزن زايد
    انتبهو اللازم اللازم لاتشيلو الدولاب كله
    كل شي هنا موجود و ارخص من السعودية كمان
    7 "
  8. نصيحه ...ابعدي عن خططوط المانيه انواع السرقات عندهم ....كذالك التركيه ماانصح فيها لانها اولا ضيعت شنط ...ثانيا في مطارهم لرحلات امريكا مره مشددين شي يرووع ويبون اي توني وقبول عشان يسمحون لك ...وكذالك واسطات عندهم لاحظت يوم طلعت جواز امريكي جابوني من نهايه الصف ل اوله وخلصوا اوراقي ....قسم حسيت ان الجواز سعودي مايعطونه اعتبار ...قهر بصراحه ..
    7 "
  9. نصيحة مجربة لكل الشباب و البنات اللي طالعين ع الخطوط السعودية
    في ميزه و ما اعتقد انها موجوده الا في الخطوط السعودية و اللي هي
    انك تقدر تشحن شنطك من الرياض او جده الا اي مدينة في امريكا يعني
    مو تروح لواشنطن او نيويورك و تشحن لمدينتك ثاني مره ، لا من عند
    حقين البوردنج باس قله أن عندك رحلة داخلية متواصلة مع هالرحلة و بيشحنها
    لك الي مدينتك و هذي ميزتها انك مجرد ما توصل لنيويورك او واشنطن ما يحتاج
    انهم يقايسوا الشنط مرّه ثانية ، فــ تقدر تأخذ اللي تبي من هنا من دون دفع غرامات ..
    و بالتوفيق ،،
    7 "
  10. هذا المنتدى يفيد و يستفيد بدخول انامل ذهبيه تكتب و تسطر بماء من ذهب
    اختي
    لو تذكرين لنا المدينه معليش الولايات الشرقية فيها اكثر من 500 مدينه
    و
    إذا ما بعد حجزتم نصيحه اخذي المتجه إلى المقر و الاقل ستوبات
    ومشكور اخوي
    الي جاوب على سؤالك عن الخطوط الالمانيه
    انصح و بالترتيب
    الخطوط السعودية
    القطرية
    الاماراتيه
    البريطانيه
    و بس
    7 "
2 من 6 صفحة 2 من 6 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.