الأعضاء الإشتراك و التسجيل

الملتقيات
ADs

ابي اجهز شنطتي ..مساعدة ...

ابي اجهز شنطتي ..مساعدة ...


NOTICE

تنبيه: هذا الموضوع قديم. تم طرحه قبل 4143 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية جادة جدا
    جادة جدا

    مبتعث مميز Characteristical Member

    جادة جدا الولايات المتحدة الأمريكية

    جادة جدا , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى إدارة مالية , بجامعة انتظر القبول .
    • انتظر القبول .
    • إدارة مالية
    • أنثى
    • ., .
    • السعودية
    • Apr 2012
    المزيدl

    November 24th, 2012, 11:32 PM

    السلام عليكم ..


    بسأل البنات ...بالذات بنات امريكا ..كيف تعرفون اجواء الولايات والمدن ؟؟ووزن الشنطة من كل خطوط ؟؟؟ السعودية , الالمانية , الامريكية ؟؟؟كيف تطلعونها ؟؟؟

    لأني ابي اجهز ملابسي واشيائي ومااعرف اجيب ملابس صيفي والا شتوي ؟؟؟

    وابي اعرف من وين اجيب ملابسي للمعهد ؟؟؟؟ يعني الشتوي اللي بأسواق الرياض يكفي والا ثلوج قوية ؟؟؟؟؟

    وفيه سؤال مهم جدا ,,, اخذ معاي الجاكيت الثقيل بالطيارة ؟؟؟والا اخليه بالشحن ؟؟؟ ماادري اذا طول الرحلة والترانزيت برد والا حر والا مااعرف ايش ؟؟؟

    ياكثر الاغراض اللي باخذهم بيدي في الرحلة عشان كيذا نفسي اكسب مكان الجاكيت بشي ثاني ...

    لابتوب لي , ولابتوب لمرافقي , وايباد لي , وايباد مرافقي وادويتة , وشنطة يدي واوراق المعهد وحوووسة ...


    ههه شكلي بديت اخبص ...

    سفري على بداية شهر 2 ان شاء الله , افيدوني ...وانصحوني ...
  2. انا مو بنت لكن اقدر افيدك ان شاء الله

    بالنسبة للأجواء اذا عندك ايفون فيه ابلكيشن اسمه Weather HD مره ممتاز وتقدرين تشوفين الأجواء في كل مكان بالعالم وبالساعات بعد مو بس بالأيام

    الجاكيت لازم تأخذينه معاك لأنه راح يقابلك برررررد مو طبيعي لو كنتي في الولايات الشمالية والوسطى

    الملابس لا تحرصين تشترين من السعودية لأن جودتها سيئه مقارنه بملابس امريكا الشتويه لأنهم عارفين لأجوائهم ويجيبون لك شيء ممتاز يدفي

    بالنسبة لأوزان الخطوط لك شنطتين وكل شنطه 23 كيلو بما يعادل 50 باوند تقريبا

    اي سؤال ثاني حاضرين وبالتوفيق يارب ..
    7 "
  3. المشاركة الأصلية كتبت بواسطة naif2010
    انا مو بنت لكن اقدر افيدك ان شاء الله
    الكل خير وبركة , الله يسعدك ..


    بالنسبة للأجواء اذا عندك ايفون فيه ابلكيشن اسمه Weather HD مره ممتاز وتقدرين تشوفين الأجواء في كل مكان بالعالم وبالساعات بعد مو بس بالأيام
    حطيت البرنامج ع الايفون , جدا رائع ,,شكرا لك ...



    الجاكيت لازم تأخذينه معاك لأنه راح يقابلك برررررد مو طبيعي لو كنتي في الولايات الشمالية والوسطى
    لا انا بالولايات الشرقية ... بالمناسبة , ماهو افضل خط سير ؟؟؟ الرياض - المانيا - واشنطن ؟؟؟والا خط ثاني ؟؟؟


    الملابس لا تحرصين تشترين من السعودية لأن جودتها سيئه مقارنه بملابس امريكا الشتويه لأنهم عارفين لأجوائهم ويجيبون لك شيء ممتاز يدفي
    نصيحة في عين الاعتبار ...شكرا ...


    بالنسبة لأوزان الخطوط لك شنطتين وكل شنطه 23 كيلو بما يعادل 50 باوند تقريبا
    سمعت انها تختلف ... من خطوط خارجية لداخلية عاد ماادري ...يمكن يصير خط السير ابدل خطوط كل شوي ...

    اي سؤال ثاني حاضرين وبالتوفيق يارب ..
    جزاك الله خير ...شكرا .
    7 "
  4. المشاركة الأصلية كتبت بواسطة D.KHALD
    ههههههههه
    كذا الشنطه جاهزة
    عموما
    اهم شيء لا تنسين حليب المراعي ( صح مقاطعينه ) خلاص
    ياليت تذكرين المدينه من شان افيدك بالتفصيل
    و الالمانيه ما انصح فيها
    عن تجربه شخصيه

    هههههه لا مااحب المراعي ...
    المدينة هي في الولايات الشرقية ..

    وليه ماتنصح بالخطوط الالمانية ؟؟؟؟؟؟؟؟

    سمعت انها ممتازة ..
    7 "
  5. المشاركة الأصلية كتبت بواسطة جادة جدا

    لا انا بالولايات الشرقية ... بالمناسبة , ماهو افضل خط سير ؟؟؟ الرياض - المانيا - واشنطن ؟؟؟والا خط ثاني ؟؟؟

    .
    بالنسبة لي افضل اني اطلع رحلة بدون توقف ولكن مدينتي لازم اوقف في باريس علشان اوصل لها بدون ما اوقف في اي ولاية ثانيه .. انتي بما انك في واشنطن .. اطلعي الرياض واشنطن على الخطوط السعودية .. هذي جربتها في 2010 وكانت الرحله مره حلوه ولا تعبت فيها الحمد لله .. اذا انتي من الناس اللي تكرهين الخطوط السعودية فيه خيار ثاني اللي هو الرياض الدوحه - الدوحه واشنطن والخطوط القطرية جدا محترمه وخدماتهم راقيه

    المشاركة الأصلية كتبت بواسطة جادة جدا
    سمعت انها تختلف ... من خطوط خارجية لداخلية عاد ماادري ...يمكن يصير خط السير ابدل خطوط كل شوي ...
    .
    صحيح تختلف لكن معظم الخطوط مثل ما قلت لك واذا تبين تتأكدين اكثر ادخلي على موقع الخطوط اللي راح تسافرين عليها خلينا نقول على سبيل المثال الخطوط الفرنسيه

    تدخلين موقعهم وتختارين Preparing your trip بعدين Baggage وراح يطلع كل المعلومات

    او انك تكتبين في قوقل baggage allowance in qatar airways بما اني نصحتك على الخطوط القطرية لو ما كنتي تحبين تطلعين على السعودية وراح يطلع لك كل اللي تبينه

    اما اذا بتطلعين على السعودية عاد الواسطه فوق القانون لو تبين تاخذين 10 شناط محد راح يقول لك لا

    ودرب السلامه يارب ..

    - - - مشاركة محدثة - - -

    المشاركة الأصلية كتبت بواسطة جادة جدا

    وليه ماتنصح بالخطوط الالمانية ؟؟؟؟؟؟؟؟

    سمعت انها ممتازة ..
    اكلهم سيء ومطارهم اسواء ومعليش على اللقافه جاوبت عن الرجال ولكن كلامه صحيح وانا حرمت اركب خطوطهم الكحيانه الا اذا كنت مضطر
    7 "
  6. هلابك اختي حبيبتي جاده اقول ياليتك معي بسياتل ياشيخة بلا دراسة بلا هم ٢٤ساعة تمشية

    انا سفري قرب لان دراستي بشهر يناير ادري بتقولون اشبك باقي هنا اصلا طيري خلاص

    شوفي ياوخيتي والله اني مثلك محتارة لكن عموما خذي الجاكيت اهم شي ولاتكثرين ابدا اخو زوجي بكاليفورنيا وقال لاتشترون شي تعالوا قضوا من امريكا كل شي هنا افضل لان جوهم وبضاعتهم مو زي بالسعودية

    لكن نصيحتي لك يا اختاه ان كان بتحطين بالشنطة شي يستاهل فكثري كثري من الاندومي والله انها تفك ازمات راعية واجب وحقت فزعات مالنا غنى عنها
    7 "
  7. لابتوب لي , ولابتوب لمرافقي , وايباد لي , وايباد مرافقي

    يفضل هذي الاشياء تكون في الشحن لان يمكن يفتشونها ويلقون برامج تقليد يسون لكم مشاكل من ضمنها يرجعونكم للسعوديه او دفع غرامه
    والاشياء ماراح تحتاجونها داخل الطياره خليهم مع الشحن احسن لكم

    في اكياس خاصه للسفر تحطين فيها ملابسك وتجبين مكنسه وتسحبين وتكون خفيفه واقل وزن تحصلينها في المحلات التجارية

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.