معقووولة !! شراء سيارة بأقساط !!
السلام عليكم ومساء الخيرات
إخواني أنا قريت لي موضوع عن التقسيط بأمريكا
وسمعت واحد من الشباب يسولف عنه
وحبيت أستفسر عن طريقة شراء سيارة جديدة أو مستعملة بدفعات أو دفعة نص والباقي أقساط ..
و فيه نقطة مهمة وهي هل السيارة راح تكون بإسمي أو إسم المعرض ..
ياليت اللي عنده خلفية عن هذا الموضوع يفيدنا ..
والله يفرج لهم أمره ويسهل له دروبه
- - - مشاركة محدثة - - -
عذرا ع التكرار الغير مقصود
رد: معقووولة !! شراء سيارة بأقساط !!
اغلب الشباب يشتغل في الجامعة اسبوعين ثلاث ويطلع Social Security number وبكذا تقدر تقسط ولا شوف ديلر عربي يشتريلك السيارة اللي تبيها ويقسط لك
تحياتي لك
رد: معقووولة !! شراء سيارة بأقساط !!
انا شريت سياره اقساط بدون سوشل سكيورتي ولاشي
واقسط كل شهر ٣٣٥
رد: معقووولة !! شراء سيارة بأقساط !!
أبو عمر أنا الان مرحلة اللغة أقدر أشتغل !؟
أخوي محمد ياليت تدلنا ع المحل وأيش شروطهم !؟
وهل هي باسمك الان او باسمهم
وضح لنا تكفى
أشكركم من كل قلبي ع المشاركة الف الف شكر
رد: معقووولة !! شراء سيارة بأقساط !!
ايوه في نفس موقع جامعتك تحصل يحطون وظائف داخل الكامبوس لطلاب انترناشيونال
رد: معقووولة !! شراء سيارة بأقساط !!
روح فولكس واجن يدوك سيارة جديدة بدون سوشل نمبر ولا هم يحزنون
حسب مدة الايتوني حقك لو انه سنتين او ثلاثة افضل يطلعلك القسط حول 300 ولما تخلص السنتين او الثلاثة ترجعها هاذا الكلام من واقع روحتي بنفسي للمعرض
وكان عندهم عرضض لا دفعة ولا شي خذ السيارة وامشي وابدا ادفع اقساطك
رد: معقووولة !! شراء سيارة بأقساط !!
الله يعطيكم العافية
طيب والله حلو عرض فولكس واجن
هل هي الشركة الوحيدة ولا فيه شركات ثانية كمان
فورد مثلا ..(:
رد: معقووولة !! شراء سيارة بأقساط !!
ياخي جدا ابي لانه ابيك بس تخبرني هل فيه دفعه اولى ودفعه في اخر القسط فيها ولا بس ٣٠٠ دولار فقط وابي كمان يعني تاكدلي لو سمحت وانا اخوك بدون سوشيال سيكيورتي
رد: معقووولة !! شراء سيارة بأقساط !!
اخي انا اعرف واحد دفع نصف قيمة سياره جديده والباقي قسطوها له لمده ٤٧ شهر وعنده سوشل سكيورتي نمبر وشركة فورد تساعد
وماعتقد يقبلوا اقل من نصف القيمه وباقي القيمه قسمها عل٤٧ شهر
رد: معقووولة !! شراء سيارة بأقساط !!
السلام عليكم
انا اخوياي ماخذين لهم فولكس واجن سي سي موديل 2013 كامل المواصفات والسيارة من الوكالة وتبرق ماشالله
بدون سوشل ولا شي
اقساط سنتين ويتملكون السيارة بعد السنتين
طبعا القسط الشهري ع حسب دفعتك الاولى ..!
مثلا واحد من اخوياي دافع 4000 دولار دفعة اولى ف قسطه الشهري 300 دولار تقريبا
يعني كل مازدت من دفعتك الاولى قل القسط الشهري عليك
طبعا هذي الفكرة ممتازة جدا جدا جدا ومريحة بصراحة..
انا ناوي اطق لي وحدة وكالة لاكن بعد ماأرجع باذن الله من اجازتي وناوي بس اخلص دراستي انزلها معي البلد :)
موفقين لكل خير