مساعدة University of Oregon المعهد التابع لها ؟

صراحة اخوي اذا شفت مواضيعك سهل اعرف انك ضايع، انت كل يوم لك موضوع عن مكان في امريكا تسأل عنه
كذا انت تضيع نفسك مع آرآء الناس، لان كل شخص له رأي
مثل ما قال ابن بيت آل هليلة في موضوعك http://www.mbt3th.us/vb/forum8/thread396846.html
قدم على الجامعات الثلاثة و ان جاك نصيب رح لنصيبك
انا لو منك و على حسابي اطلع لارخص و لاية في امريكا و معهد els بعد و من هناك تتضح لي الرؤية و اعرف وش الافضل لميزانيتي
لكن لا تشتت نفسك اكثر من كذا، لانه في النهاية يمكن تقول خل الي يجي، يجي مهما كان سيئ، جيد ما تفرق
موفق

المعهد نظام أترام موب سمسترات ولا شهري ، بينهم تقريبا ..

كل ترم شهرين تقريبا ، والترم الجاي يبدا في 14 يناير ، ولكن مآيمديك عليه ، لأن التسجيل فيه مقفل من 19 اكتوبر ..
ولكن يمديك ع الترم اللي بعده ، والتسجيل فيه ينتهي بـ 11 يناير .. وتبدا الدراسة في بدآية ابريل ،
بصرآحة اختيار موفق .. انـآ قريت كثير عن هالمعهد والمدينة بالذات وأعجبتني ، ولكن للأسف انا نآوي اروح بدري ، ويوم جيت أسجل
حصلته مقفل ع الترم الجاي ، ومآني مفكر أنتظر بدرس بيناير ان شاء الله عشآن كذا غيرته ..
اما بالنسبة للأسعار ، فهو غآلي عليك ، بحكم انك بتطلع على حسابك .. لأن السيزن الواحد بـ 3900 دولار ،، وانت يبيلك أقل شي ترمين عشان تحول
يعني تقريبا 7800 دولار تكاليف دراسة فقط ، بدون المعيشة والسكن .. وانا مع أخوي اللي فوق ،
بحكم انك بتطلع على حسابك لأتتعب نفسك وتبحث كثير ، ابحث عن الرخيص اول ، واذا رحت هناك وعرفت الديرة وحولت على حساب الحكومه
رح للمكان اللي يعجبك ،

واذا تبي اي خدمة انـآ حآضر ، أرسل ايميلك ع الخاص .. وبساعدك باللي اقدر عليه ..

الله يعطيكم الف عآفيه , لكن انا مو فاهم شيء !! صحيح اني متخبط وكل يوم لي مكان . لكن سمعت انك اذا رحت لمكان صعب تغيره , زيادة على كذا انا ابي معهد يكون تابع لجامعه عشان اضمن القبول بالجامعه !!
اللي يقدر يفيدني بالشيء هذا اكون ششششآآكر له

مين قال لك انه معهد الجامعة يضمن لك القبول ؟! معهد الجامعة ممكن يريحك بس من هم اختبار اللغة
بس لـ علمك الملحقية تطلب انه تاخذ الاختبار و لو ما اخذته و تحتاج تمديد ما يمددوا لك هذا في حالة انضمامك لـ البعثة
و اللي قال لك اذا رحت مكان صعب تغيره قول له اوكاسيا تسلم عليك و تقول لك بلا خرااااااااااااااااااااط !!!
انا غيرت الولاية اللي كنت فيها و ناوية اغير مرة ثانية ان كان ربي كتب ,, بـ مجرد انضمامك لـ البعثة يحق لك تغير معهد اللغة
مرة وحدة فقط ,, اما لو التحقت بـ الجامعة فـ غير بـ راحتك دام انت مستوفي الشروط

لا تخلي كلام الناس اللي ما تود لك الخير يأثر عليك
خذ ارخص مكان في امريكا ,, و ارخص معهد و شد حيلك في دراستك و حاول الانضمام ,, لانه انت على حسابك
مو كل همك المصاريف الدراسية و بس عندك ايجار و فواتير و مواصلات و اكل و شرب و لبس و اغراض تحتاجها مالها اخر
لو بـ تصرف كل اللي معك على الدراسة كم بـ يبقى لك ؟؟ و نظام امريكا ما يسمح لـ الطالب بـ العمل !!
صدقني اللي قال لك هـ الكلام واحد من اثنين اما انه شخص جاهل و حب يتفلسف عليك او انه واحد ما يود لك الخير


اسمع كلام الاخوان
احنا عايشين هنا و احتكينا بـ الانظمة و الملحقية و عارفين ايش قاعدين نتكلم عنه
عندك الميد وست كااااااااااامل رخيص جدا
اوريقون ولاية جميلة واسعارها جدا معقولة بس ايجاراتها كل مالها ترتفع خاصة انه بدأ الموسم اللي يجوا فيه الطلاب
من كل مكان فـ على طول اسعار السكن ترتفع

تغيير المكان ليس بعصب من الاجراءات اللازمة او القانونية
ولكن ممكن بعض الاخوان يقصد صعب نفسيا لانه ليس بالجيد كثرة الانتقال للشخص
فالافضل ان تختار مكان مناسب منذ البداية لتعيش فيه وتتاقلم معه
ولكن في حالتك انت ابحث عن الرخيص لحد ماتنظم للبعثه وفي حال انضمامك
ابحث عن مكان مناسب لاكمال اللغه ودراسة الجامعه لانك بكثرة الانتقال بتنشغل نفسيا
وبتشيل هموم المكان الجديد ( كيف بيكون ، كيف تعامل الناس ، كيف المواصلات ) و و و. الخ
ولايخفا عليك ماتراه من تساؤلات ومخاوف الاعضاء حول البحث عن مكان
ف ايجاد مكان مناسب للعيش ليس بالسهل فما بالك ب ايجاد اكثر من مكان كـ التنقل الكثير

هذي مشاركتي وان شاء الله افدتك ولو بالقليل

عوافي

شكرا لك اخوي
ههههههه آمزح ادري انك بنت , بس شفت كم مره يكلمونك على انك ولد ^^

الله يفرج همومكم , مثل ما ساعدتوني
الحين بآشوف ولاية رخيصة ,
المهم خلاص اوريغون ما تصلح غآلية والمعهد اغلى شيء :|
افكر بكنتآكي او اوهايو
لكن كيف اختار معهد ؟ في كنتاكي مثلا : ركزوا شوي ^^
( في جامعة ابيها ومعدها مقفل من الوزارة , وفي جامعة ثانية بمدينة ثانية ومعهدها مو مقفل , اقدر ادرس فيه وفي نفس الوقت اكون جايب قبول من الجامعة اللي قبل ؟ )
المشكلة الى الآن مو فاهم كيف القبول المشرررروط ؟؟؟؟
اللي اعرفه لازم تدرس بالمعهد تبع الجامعة وتخلص , لكن طبعا تكون الجامعة قايله هالشيء
والله موو فاهم شيء زين ,, اتمنى تسآآآعدوني بالتفصيل
يعطيييييكم الف عافية ,

^^^^^^^^
ضرووووري

القبول المشروط / موافقة الجامعة على دراسة الطالب لديهآ بعد تحقيق الشروط ( تختلف من جامعة لجامعة )
بعض الجامعات تطلب شرط مثل ( اتمام جميع اللفلات في المعهد التابع لهآ )
والبعض الآخر يطلب ( الحصول على درجة معينة في اختبار معين مثل التوفل والآيلتس ) ..

طبعا بخصوص أنك تدرس بمعهد تابع لجامعة ثآنية وتجيب قبول مشروط من الأولى مآفي أي مشكلة ..

أتمنى أكون افدتك ولو بالقليل ..
لآتنسآنا من دعوآتك ..

عوآفي .

الله يجزآك الجنه , ويوفقك في دنيآك وآخرتك .

كيف اعرف الجامعات اللي تعطي قبول مشروط وكيف اعرفهم شروطهم :|