آفضل محل لتحويل العمله من الريال الى الدولار في جده ؟

شباب معآي فلوس ريآلآت وآبغآ آحولهآ لدولآرآت , ممكن آعرف من فين آقدر آحول ؟؟ وكم فآيدة المحلآت

الله يججزآكم الججنه :)

مادري عندكم في جده .. لكن فيه العمودي هذا محلات صرافه اذا عندكم في جده رح له ..
ايضا فيه كذا طريقه تقدر تحول فيها ..
تقدر تستخدم بنك سامبا للسحب بالدولار ..
او شوف مطار جده فيه محلات صرافه ..

روح بنك سامبا وعطهم الريالات ويحولونهم لك دولارات!!

واذا عندك حساب في سامبا تقدر تسوي هذي العملية عن طريق صرافة سامبا من غير الرجوع للموظف!

بالتوفيق

أفضل محل هو العمودي في البلد

و تجنب البنوك لأن نسبتهم عالية

العمودي الي في نهايه طريق المدينة - سوق المساعديه

السلام عليكم

أخوي روح للعمودي اللي في البلد ولاتدور غيره

طبعا راح تلاقي محلات للصرافة كثيرة على يمينك ويسارك وأنت نازل من سوق المحمل رايح للعامودي هوه بيكون على يسارك روووح له مباشرة والله يسهل لنا ولك..

روح العمودي اللي بالبلد

طبعا دايم اتعامل معه

اذا صرفت من عنده احتفظ بالايصال

وبالتوفيق

العمودي للصرافه
وفيه فرع في البلد .. وايضا فرع في سوق المساعديه في طريق المدينه

من واقع تجربه ومقارنه ..

" المطار " سعرهم ثابت في صرف الدولار .. $1 = 3,77 ريال

بالنسبه لتجربتي .. انا رحت للعمودي في سوق المساعديه اسهل وبعيد عن الزحمه .. لأن له اكثر من فرع .. سألته قال :


$1 = 3,75 ريال للورق المستعمل

$1 = 3,76 ريال للورق الجديد

هذا ماحصل معي .. بالتوفيق للجميع