والله انا بعد ما كنت ادري عنها .. شكرا لإفادتي
عرض للطباعة
هو ممكن اكتفيتي او احتفال او او او
بس يا اخواني واخواتي المشكله اذا كان الموضوع يخدش ويجرح اهم حاجه نملكها وهي العقيده
فالابتعاد افضل وترك الشبهات
لان هذا مو بس ذنب عادي هذا ممكن يدخل بالاعتقاد والايمان مدري انا مو شيخ بس الاشياء اللي تمس معتقدنا تركها هو الاحوط والاسلم
مشكلة غالبية شعبنا يحب الوناسة بس ويبي يحتفل ويرفه عن نفسه بأي طريقة
وللاسف يشارك الغرب احتفلاتهم اللي تنبع من عقائدهم و تمس عقيدتنا وتسيء لديننا وحتى نسيء لنفسنا بنظرتهم لنا لأنهم مستحيل يجون يقلدونا ويجاملوننا في شيء ,, لو نظرنا حولنا نلاقي صلاة العيدين تقام في الأماكن العامه في بلاد الغرب وهم يشاهدون ويعرفون اننا نحتفل لكن ماقالوا نجاملهم زي ماقالوا شبابنا وبناتنا ..
المؤسف أكثر انه في احدى السنوات ليست بالبعيده كنت في دولة أوروبية .. وفي يوم احتفال الهالويين لم يحتفل من أهل البلد الا القلة القليلة فقط ..و بشكل عام الاحتفال كان للأطفال ..دارو عالبيوت وطلبوا الحلويات واعتقد انه كذا وخلاص .. طبعا ماعملوا اهل البلد عليه ضجة واحتفالات صاخبة ولا اي شيء .. المؤسف أنه اليوم الثاني قابلت بعض الزميلات اللي سألوني عن غيابي عن الاحتفال ,, طبعا تفاجأت وخبروني أنه في احدى العمائر اللي يسكن معظمها سعوديا وسعوديين فتحوا احد الأدوار كامل وأقاموا فيه حفل للبنات ,, ((طبعا البنت ورتني صور الحفل )) كل البنات كانو متنكرين وركبوا سماعات الدي جي بكل اركان الدور واستمر الاحتفال للصباح ... بصراحة صدمة بالنسبة لي .. شتان بين اللي عملوه البنات والمنطقه اللي أنا كنت ساكنه فيها كنت اشوف من الشباك الأطفال بس مجموعات فالشارع تمشي مع بعض وتدور عالبيوت وفي كبار واقفين من بعيد يراقبوهم ..
بعدها بكم يوم كمان لقيت في كاميرة اخوي صور زملائه السعوديين (استلفو منه الكاميرا) متصورين مع الناس المتنكرة و طبعا كانوا قلة جدا من أهل البلد من أعطى اهتمام لهذا الإحتفال ..
حتى انه بعض اساتذتنا علقوا على هذا العيد و بأنه منبوذ نوعا ما عند أغلبية الشعب و لايحتفل به الا للأطفال فقط وصغار العقول و كانت بعض تلميحاتهم تشمل شبابنا وشاباتنا للأسف .....
الله يهدي الجميع ويصلح الأحوال ويتوب علينا ويغفرلنا :)
شكرا لكاتب الموضوع