المشاركة الأصلية كتبت بواسطة أوكاسيا
350 الفرن يعني يشتغل من تحت لانه من فوق عندك يا هاي يا لو فـ بالتالي
من تحت
الرز و التوونة تسوي الرز الابيض عاااااااااادي يعني تسلقي الرز في بهارات صحيحة و ملح بس
بعدين تاخذي بصل و طماطم و فلفل رومي و فلفل حرااااااق كلها تتقطع مكعبات عدا الفلفل الحراق طبعا تسويه حلقات
تبشري شوية جزر
تحمسي البصلة في شوية زيت بعدين تاخذي التونة الكمية اللي تناسبك
و تحمسيها مع البصل و الفلفل الحراق رح تطلع ريحتها و يتغير لونها بس انتبهي انها ما تنشف معاك لحد ما تقول و لا الضالين
احنا نبغاها تكون شوية لينة بس اهم شيء تروح الزفرة حقتها
بعدين تزيدي عليها الفلفل الرومي و الجزر و الطماطم وقد ملعقتين طماطم معلبة المفرومة و ملعقة صغيرة صلصة
تحطي عليها ملح و البهارات اللي تحبيها
بعدين تاخذي صينية فاضية ,, تعبيها لـ النص نص الـ رز الابيض و بعدين تحطي خلطة التونة بعدين تاخذي النص الثاني
من الرز الابيض و تحطيه عليها
تكوني من يوم ما بديتي مشغلة الفرن واول ما تخلصي شغل التونة تطفيه
ذحين تاخذي الصينية و تقصديريها و تحطيها في الفرن اللي مطفي بس ماسك الحرارة بحيث انه يتسبك كل شيء مع بعضه
وقت التحضير تقريبا 20 دقيقة
ترى امي تسلم عليكم و تقول لكم عندكم علبتين تونة ريو ماري امي تبغاها