تـرك البـعثه .. : نصآئحكم وارائكم ..؟

السـلام عليـكم ورحمه الله وبركـاته

اخي الكـريم

حرام عليك دي فـرصه غيــرك يتمنـأها لا تقـارن ابدا التعليم داخــل المملكه بـ التعليم خارجـها حتى ولو في الهنــد


او شي انت تتعـلم ثقـاافات جديده وتجيب شهـاده قويه وفرصه انك مبتعث وصدقني اتقرب من الله وصـلي فروض واتخيل دا التعليم والغربه كلها عباده لله عز وجلواخذ الاجر

لا تنسى انو التعليم عباده لله تعالي واتذكر امك وابوك اللي تعبو فيك على الاقل فرحهم بي الشهاده الكبير

نصيحة كمل و تحمل والله بتندم طول عمرك على فرصه ضيعتها

طيب يا اخوي ,,
خليني اخذها معاك وحدة وحدة
انت السبب الرئيسي لـ عودتك انك ما تأقلمت مع المكان اللي انت فيه
ما فكرت تغير الولاية بـ كبرها ,, اوهايو بعض مدنها نصهم سعوديين يعني لو تنقل لـ ولاية زي اوهايو ما رح
تحس بـ الغربة زي باقي المناطق لانه المدن صغيرة و بعضها قرى بس فيها جامعاات فـ بالتالي تقدر تسكن و كل اللي حواليك
سعوديين ,,
طيب سيبك من هذا كله ,, انت رجعت و لقيت لك جامعة تقبلك و اتخرجت و ربي كتب لك الوظيفة ,, لو الوظيفة ما اتكيفت معاها
رح تروح و تتركها برضوه ؟؟؟ لو اتزوجت و زوجتك ما انسجمت ممعاها برضوه رح تتركها ؟؟ الهروب اسهل حل
و صدقني هوه حل الضعفاء واللي ما بيدهم حيلة
كلللللللنا متغربين و كللللللللللللنا انضغطنا و ابشرك انا في اول ترم في الجامعة والله يستر بس ما يعطوني ملفي و يقضبوني الباب
لـ عدم اعتيادي على كثير من الاشياء معنى كلامك اشيل عفشي و امشي !! ان شاء الله لا ,, انا جاية في راسي ادرس مضغوطة مو مضغوطة
مرتاحة مو مرتاحة ابدرس يعني ابدرس و بخلص دراستي ان شاء الله و ارجع بـ نتيجة ترفع الراس ,, و تفرح اهلي

احيانا لازم نتجاهل الواقع و نروح على النهايات على طول عشان نقدر نستمر
خلي عندك شوية ارادة ,, انت رجال و تقول هـ الحكي ,, اجل ما اشره على البنات لما يقولوا طفشنا و زهقنا و يفتحوا موال البكاء اياه
كل واحد مننا جاء وهو عارف انه قدامه غربة و تعب بس انه بعد تعب سنة و غربة سنة تقطع المشوار و تقول ابرجع !!!!
هـ الكم سنة ما رح تحس بـ قيمتها الا لما ترجع السعودية رجوع نهائي و كل اللي حولك يلاحظوا مدى التغير اللي فيك على مستوى الشخصية
على مستوى الثقافة على مستوى الاصرار ,, صح انها ايام مرة ذحين بس صدقني رح يجيك يوم تفتكرها و تقول يا ليتها ترجع

رد يستحق يكتب في موضوع كامل لحاله ...

ماشاء الله ربي يوفقك ...

هالشي اللي فيك لأنك لسى بأول ترم
و مابعد تعودت و تحس فيه أشياء كثيرة جديدة عليك
شي طبيعي اللي تمر فيه
فترة و تعدي ، بمجرد ما ينتهي الترم الأول و يبدآ اللي بعده ، تبدا تنسجم و تتعود
بس صدقيني لو تركت البعثة بتندم
صح يمكن مو بوقتها
بس لما تمر سنة ، سنتين ، ثلاث
و تسمع عن اللي كانوا معك ، وش مسوين و كم باقي و يتخرجون
بتتمنى الوقت يرجع و لا تفكر هالتفكير
بتقول ليتني ضغطت على نفسي و كمممملت
و ترا كلامي مو من الهوا
والله أعرف ناس مثلك و مرو علي تركوا البعثة
و الحين والله يتمنون إنهم مكملين

الله يكتب لك اللي فيه الخير ❤

خلاص لا تتعب حالك
كما هندسة في السعودية اريح لك.
القاعدة التي اقولها للاولاد كالتالي :
اذا ما لقيت تخصص ممتاز في السعودية
روح ابتعاث
لكن انت ربي يوفقك لقيت قبول هندسةوايضا اخذت لغة هناك تفيدك في دراستك هنا
دمت موفقا

اخي الكريم اول ماشفت موضوعك حسبتك ناوي الرجعة للسعودية وانت مافيه قدامك فرصة بديلة تستغلها كجامعة في تخصص كويس وكنت حااقولك مثل الاخوان اجلس وكمل في البعثة ومالك غير هالخيار وراح تفشل اهلك لو رجعت كذا وجلست عندهم بدون دراسة ولكن وضعك مختلف وارجع واقولك لازم تتخذ قرارك بسرعة لأنه الفرصة مو في بقائك في البعثة لكن الفرصة في الدراسة في كلية الهندسة واذا راحت عنك يعالم يمكن ماتجيك مرة ثانية واذا اكتشفت بعدين انك منت قادر تكمل في البعثة لظرف داخلي او خارجي راح تندم لأنه لا انت اللي مسكت الاولة ولا التالية.

ودامك ماقطعت شوط كبير في البعثة ودخلت الجامعة وراح تتوفر لك الدراسة في السعودية وضامن هالشئ ان شاء الله وفي تخصص ممتاز (ومكافأة 990 ريال بعد ) ومرتاح نفسيا (وهذا اهم شئ واغلب المبتعثين وانا منهم لاجا الاجازات لقيتهم عند اهلهم وهذا دليل على مدى التعب في الغربة) وعند والديك متعهم الله بالصحة والعافية وطولة العمر تصبح وتمسي عليهم هذي بحد ذاتها تسوى الدنيا ومافيها واما الابتعاث ياما ناس رجعت بدون شهادة ووفقهم الله بشئ احسن من البعثة والنجاح والتميز من وجهة نظري مو مشروط فقط في الدراسة في الخارج.

وبالنسبة لوالديك صدقني مافيه والد في الدنيا يحب ابنه يغيب عن عينه سنين الا لشئ قاهر ومجبر على كذا وتلقاه يضغط على نفسه ومشاعره عشان ابنه ولو قلت له ابدرس عندكم واقنعته ان الدراسة في الداخل مثل الخارج والناس راح تناديني يامهندس على كل الاحوال بغض النظر عن مصدر الشهادة راح يقول حياك الله وتصير قدام عيني واتطمن عليك بدال ماقلبي يوجعن 5 سنين ماادري وين تروح ولا تجي (على فكرة الاشياء هذي اللي اقولك عنها تحصل عند والدي ووالدتي الله يطول بااعمارهم) لذلك الامر راجع لك وانصحك تعمل تأجيل بعثة وترجع للسعودية وتشوف هل انت مقبول نهائي او لا حتى تكون البعثة خيار ثاني اذا حصل اي شئ في الجامعة السعودية وماقبلوك.

طيب .................طبعا الاخوان والاخوات اعطوك نصائح وارشادات لا تقدر بثمن

ولكن حبيت اضيف شي بسيط الى بحر معلومات اعضاء المنتدى الكرام::

اذا انت بكالريوس اتمنى انك تفكر في بريطانيا واذا بتكمل ماجستير و دكتوراة فكر في امريكا ..........................طبعا دراسة البكالريوس في بريطانيا اصعب بمراحل من امريكا لكن الماجستير والدكتوراة في بريطانيا اسهل بمراحل ايضا

الهدف من بريطانيا انك تكون قريب من الاهل كل ما اشتق لهم 6 ساعات و انت ان شاء الله عندهم

واولا و اخيرا (استخير الله)

ارجو من الله ان يوفقك وجميع المبتعثين لما يحبه ويرضاه

الله يعطيكم العافيه جميعإ مازلت استخير وبانتظار مزيد من الاراء ..

هل صليت صلاة الاستخارة؟
الله يكنبلك الخير وين ما كان