تـرك البـعثه .. : نصآئحكم وارائكم ..؟

السلام عليكم ورحمة الله وبركاته ..

وانا اخوك الدنيا صعبه .. والذكي اللي يعرف متى يصير مرن و قاسي معها ! .

انت قطعت اول سنه وما ارتحت .. طيب ليش ماتكمل السنه الثانيه وبعدها تقرر !
انت جربت سنة اللغه .. باقي عليك تجرب سنة الجامعه ! ..
علشان حتى لو قررت الا انت يكون قرارك بقناعه تامه ..
حتى ماتفتح لنفسك مجال مستقبلا وتلوم نفسك عليه ..! (لانك وقتها بيكون جربت المعهد والجامعه .. )

وانت عندك خيارين ..

اذا انت وحيد امك وابوك .. وانت الوحيد اللي تهتم فيهم ..
فانا اقولك اترك امريكا وخلك عندهم ابرك ..

اما اذا فيه من يشيل ابوك وامك ويهتم فيهم بغيابك ..
فانا اقولك اغتنم الفرصه وتوكل على الله وكمل بامريكا ..


الله ييسر لك امرك وينور لك دربك ويجعل لك من الرزق الف باب ..

الاستخاره ثم الاستخاره ثم الاستخاره

لانك متردد ومتشتت

وربي بيدلك صل مره واثنين وثلاث

والله يكتب لك اللي فيه الخير

بالتوووووووووووفيق

هذا من قبل لغة و بس

الحين لغة و شهادة و على شوي مؤهلات و الشخص لسى يواجه صعوبة بالوظيفة

اللغة الحين حتى اللي عمرهم 6 تشوفهم يغردوا

طيب تقدر تقولنا اسم الجامعة الي في السعودية،،،، اذا كانها جامعة البترول و المعادن اقولك توكل على الله
لان نظام التدريس عندهم جيد ،،،حتى لو تخرجت من عندهم و ظايف متوفرة في الشركات لخريجيها و لو بتكمل ماستر برا بتكون شخصيتك تغيرت و الجامعة سمعتها حلوه برا

الجامعه مو قويه زي البترول او بالاصح هي كلـيه في الشرقيه قبلتني هندسه ..


الله يكتب الي فيه الخيره ..

اذا كنت تقصد كلية الجبيل الصناعيه .. فانا سبق ودرست فيها ...
وانصحك نصيحة أنك تكمل بامريكا اصرف لك ..
لايغرك الكلام اللي تسمعه عن كلية الجبيل ..
نظام الكليه تعبان جدا .. والتدريس فيه ملخبط ورديء جدا ..
ولا المصيبه المدرسين اللي فيه ماتدري من وين يجيبونهم !
اجل عمرك سمعت بكليه موظفه مدرس يشرف على قسم معين بهيئة التدريس حقه ..
واسئلة الاختبارات هو اللي يحطها .. والنتائج ماتدرج بالشهادات الا بعد توقيعه .. وبعد 10 سنوات يلاقون ان شهادته مزوره ؟!

والا موظفين مدرس يشرح لك خمس دقايق وينام باقي الكلاس ؟ .. ويقولون انه مريض ؟ .. طيب اذا مريض ليش تحطونه مدرس ؟ ..

على الاقل في امريكا لو ماعجبك مدرس او مو عاجبتك درجتك .. فيه جهه تقدر تراجع فيها درجاتك وتقدر تحاسب المدرس !
اما في السعوديه .. فحدث ولا حرج ! ..

إجيبك بقوله تعالى ( إن مع العسر يسرا) أنت قلت أنك تواجه صعوبات بالمصطلحات الأكاديمية وهاذي المشكلة راح تتجاوزها بسمستر واحد مع توفيق الله , أما من ناحية الرجعة حرام والله تتركه وأنت عديت فترة اللغة وبدأت المشوار , إذا كان على عدم تحمل ثقافتهم والصدمة الحضارية , تزوج بإذن الله راح يخف عنك كثير من الهموم اللي أنت فيها, وحتى لو ما تزوجت فترة وتعدي , حط في بالك العمال اللي يجوون لمنا في السعودية يتغربون خمس سنوات وطالع ما يشوفون أهلهم ولا يزورونهم سنويا ولا يعرفون شي أسمه نت وتحصلهم في البران ينظفون شغل ولعنة جدف ومع ذلك متحملين, تراهم بشر مثلك يحسون باللي تحس فيه , وأنت بفرصة ماتمر على أي شخص, أنا أغلب تصفحي بملتقيات مراحل الإبتعاث وأذكر بمرحلة الترشيح والتدقيق ناس كتبوا مواضيع يبكون فيها من الحسرة أنهم ما قبلوا تجي تفرط عشان صعوبة ولا صعوبتين؟ إذا كانت على صعوبة الجامعة حول لجامعة ثانية فيه ألف حل وحل فكر فيهم , تضرع بين يدين ربك وأطلبه العون, وإذا ما قدرت تسوي أي شي من اللي قلته أستخر الله , ما كتبت رأيي إلا عشانك أستشرت وطلبت النصح وأسأل المولى الكريم المعين أنه يوفقنا وياك وكل المبتعثين لما فيه خير ونفع

السلام عليكم

شف انا رجال مادخلت هالمنتدى من 6 شهور ولكن لعل هالرد هذا يقنعك
انا وانت فيه نقاط تشابه بيننا
انت رجال جاي في نفس الوقت اللي انا جيته وغير كذا انت تدرس نفس تخصصي
وغير كذا انت خلصت اللغة بسرعه زيي

لمعلوميتك ياعزيزي انا كنت موظف في ارامكو السعودية واخذ راتب جميل ووضعي كان ميه ميه
لكن كان دوامي متعب جداً جداً ، تركت وظيفتي ورحت لامريكا عشان ادرس شي أبيه
الفرق بيني وبينك اني انا احب الثقافه الامريكيه واقدرأتقألم معاها
لكن ياحبيبي سالفة انك تتركها عشان هالشي صدقني انت تعيش في وهم
كل اللي انت تشعر فيه عباره عن صدمة ثقافية والحنين الى الوطن ومن هالسوالف
دام ابوك يبيك تكمل في امريكا معناه انت الان جالس تحقق له حلم لك وله
لاتخيب ظنه فيك ، تعوذ من ابليس وكمل ، اصلا انت في الدراسه الاكاديميه بتكون مشغول بالدراسه ولا عندك وقت كبير تحتاج فيه انك تخش مع الامريكان
بتكون فقط تركز في دراستك وكيف تجيب معدل حلو ،

أستخر وعين من الله خير والله الابتعاث فرصه ماراح تلقاها ، قالها لي شايب من مبتعثين السبعينات كان معنى في ارامكو ،
حبيبي ناظر لغيرك تهون عليك مصيبتك

والدراسه بالسعودية ولا تسوى شي والله هذا في امريكا طالع الطلاب الي جايين يكملون ماستر وخلهم يقولون لك عن الفرق بالدرسه
انا ع فكره درست في جامعة الملك سعود وتركتها لان فيه دكتور حرمني من الماده عشاني قلت له يا استاذ مب يادكتور

دراستنا مسخره بالسعوديه ياعزيزي

سلام

نسيت اقولك شي

فيه حل سريع راح يساعدك كثير

غير المدينة الي انت فيها

انقل لولايه ثانيه

انا كنت في ولاية ونقلت لولاية اخرى والحمد لله نفسيتي عال العال

بالتوفيق

اووووف النفسيه وما ادراك مالنفسيه من جد صعبه الواحد اذا كان كاره الشي يستمر فيه

وخصوصا الغربه والتفكير بالأهل اذا انت مقتنع بقبول الهندسه اللي طلع لك قبول كلي استمر فيه

اهم شي انت وش تحس فيهاما اذا نفسك مو مقتنعه ماعليك من كلام احد

واذا مرره مرره تبي تكمل والنفسيه زفت حاول في اهلك يجونك في السنه شهر شهرين

وانت تنزل لهم وراح تكوون مرتاح كذا الله يسهل علينا يارب ويرحم ربي حالنا بهالغربه