مساعدة تكفون تكفون تكفون ... أبي مساااااااااااااعدة ... أبي أحد يساعدني في توقيف البعثة

من البوابة الالكترونية اختر "تأجيل البعثة",,
بالتوفيق,,

ما راح يعطوني سنة إلا إذا عندي واسطة ... عشان كذا أنا كاتب لكم عشان تساعدون أخوكم ... والله ماني متخيل أرجع السعودية وتروح بعثتي ... وين أودي وجهي من أهلي.

ياليت عندي خلفية كان ساعدتك
كان الله في عونك

اخوي الحل كالاتي وما أبي منك الا الدعاء

أول شي تطلب تأجيل بعثة لمدة أربع شهور والسبب يكون عدم وجود قبول جامعي

بس يخلص التأجيل هذا تطلب تأجيل أخر وبرضوا يكون السبب عدم وجود قبول جامعي وبكذا يكون معاك أكثر من فرصه

صدقني مجربه والمشرف نفسه سألته وقال لي هالشي وفي صديق لي أجل مرتين وكان السبب عدم وجود قبول جامعي سهالات اخوي لا تشيل هم


دعواتك وبالتوفيق ان شاء الله

ربي يسعدك ... راح أسوي هالطريقة وأسأل الله يكتب الفرج في هالطريقة

والله انا ما ابي احبطك ولا ادري عن نظام التأجيل في حالتك بس فيه حاجه مهمه ابي انبهك عليها انت باقي لك 20 يوم على نهاية البعثه سؤالي هل انت استنفذت السنه وستة شهور في اللغه اذا استنفذت المده هذي اتوقع التأجيل صعب نوعا ما لعدم وجود فتره كافيه لطلب تأجيل وعرضه على اللجنه والموافقه عليها واذا باقي ما استفدت من السته اشهر بعد السنه فأطلب من مشرفك تمديد لغه لمدة ستة اشهر واذا انت حاب تأجل اطلب تأجيل بسبب عدم وجود قبول جامعه وانصحك ان تجلس مع نفسك وتعيد حساباتك وتصحح الأخطاء التي واجتهك طوال الفترة الماضيه لتدرك الوقت المتبقي لك واتمنى من الله التوفيق لك

فيه جامعات تقبل ٥ ايلتس. بس اتوقع انك متعلق بجامعه معينه و انك ماستر ليت اقدر افيدك انا اللي سويته اني ارسلت لهم شهادة وفاة الوالد وقفوا بعثتي شهرين ثم رجعت عايدي. بالتوفيق

الله يعينك على الوزارة ممكن تاجل 6 شهور اذا كان عندك ظرف صحي كمرافق مع مريض او لا قدر الله مرض معين وبرضه كما ذكر الاخوان

الامر جدا عادي انا لي تقريبا سنتين وتم قيدي والوزارة قالت لي وقت ماجيب القبول ارفعه لهم ويتم ارجاع البعثه من جديد