استفسار العوده بعد التاجيل!!

راسلت الانترناشونال اوفيس توي وسالتها لو ماتفعل السيفس الى موعد سفري وش بيصير ردت وقالت ان هم دايم يماطلو الى اخر اسبوع وهي مو قلقانه لان دايم يسوو فيها كذا وقالت لي ان اسوأ سيناريو ممكن يصير لو ماردو الى الجمعه الجايه اللي هو قبل سفري بيوم يصير حتكلم الاميقريشين في المطار اللي حنزل عليه وتتفاهم معهم انهم يدخلوني،، الحمدالله ريحتني وان شالله انو يتفعل الاسبوع الجاي واسافر وانا مرتاحه مابغى اتبهذل في المطارات ،، ان شالله اكون افدتك
بالتوفيق

كلامك يخوف بما انهم ما راح يخلصونا الا اخر اسبوع اجل رحت فيها بسبب ان الجامعه الي راح احول عليها تاريخ الدراسة فيها قبل تاريخ دراستي الي راح يفعلون عليه الاي توني بسبوع!!! والجامعه الجديده رافضين فكرة اني اجي متأخر او اسجل المواد وانا باقي بالسعوديه!! ما اقول الا الله يعين شكلي بحجز مثلك وبسافر وبخلي معهدي يحاول بهم وانا هناك.. ويعطيك الف عافيه وبالتوفيق..

انت دراستك متي راح تبدا بالظبط؟؟ انا مو فاهمه وضعك انت محول من جامعه لجامعه ثانيه ؟؟ او من معهد لجامعه ؟؟ لا تاخذ بوضعي ممكن يكون وضعك مختلف ويخلصوك بدري وصحيح الجامعه الجديده مايخلوك تسجل مواد غير لما تجي عندهم ويحطولك ادفايزر ويسويلك الجدول.. طيب حتي لو حجزت كيف تدخل من غير سيفس ؟؟

دراستي انشاء الله راح تبدتي في 8 جانوري في الجامعه الجديده والجامعه القديمه 14 جانوري محول انا .. بس وضعي انا نفس وضعك من نلاحية التفعيل.. اجلت الترم لأنها طقت النفسية من الجامعه القديمه ونزلت بدون ما احول الاي توني على الجامعه الجديده فقالو لي الجامعه القديمه اذا تبي ترجع امريكا عندك حلين يا تفعل الاي توني واذا جيت عندنا نحول لك الاي توني لأننا ما نستطيع نحول لك الاي توني وانت خارج امريكا !! او تطلع فيزا جديده.. فقلت افعل الاي توني ولا وجع راس الفيزا الجديده بس المشكلة الامقريشن راح يفعل الاي توني على اني جاي لتاريخ 14 جانوري وراح تبدتي في 8 جانوري في الجامعه الجديده !! انا راح احجز على اني راح للجامعه القديمه واذا دخلت امريكا حولت الاي توني على الجامعه الجديده.. وراح اكلم الجامعه الجديده بانهم يسمحو لي بالتنزيل المواد او تمديد فترة التسجيل لي ! عاد انتي روحي الاسبوع الجاي وقولي لي ويش راح يصير معاك والله يعديها على خير..

اذا لك أكثر من 4 أو 5 شهور ماني متاكد بس وحده من الثنتين خارج امريكا = فيزا جديدة
واذا طلعتي رقم سيفس جديد = معناته اي توني جديد = فيزا جديدة

ايه الحين فهمت.. طيب انت متي حجزك؟؟ حاول تحجز الاسبوع الجاي بالكثير وانشب للانترناشيونال اوفيس القديم وهم بيتصرفو مع الاميقريشين عشان لما تروح يمديك تحول السيفس وتستقر قبل الدراسه
بالتوفيق وانا ان شالله اذا وصلت بقولك ايش صار معايا

سؤال لاهل الخبره..
احد عنده فكره الراتب متى ينزل بعد العوده من التاجيل؟؟ تاريخ الوصول؟؟ او اخر يوم في التاجيل؟؟ او ع موعد الدراسه؟؟

توصلين بالسلامه
وشكرا على معلومة تعويض السيفس الجديد.

الاخت طموحة ردو علي اليوم المعهد وقالو لي :
Dear Mohammed,

I called the SEVIS helpdesk and they said you need to get a new initial I-20 from your new school and pay the I-901 fee again (using your new SEVIS number), and then you should not have to get a new Visa. They told me I should cancel the correction request and tell you to get a new I-20 from your new school. Here is the link to the I-901 fee page: SEVIS I-901 You can pay it and bring your receipt with your new I-20 when you enter the U.S.

Thanks,
Kara

حسب ما فهمت من الشباب الي بالمنتدى اني ما اقدر ادخل امريكا برقم سيفس غير بس هي تقولي انه يمديك تدخل وجيب معك الاي توني الجديد و الايصال تبع السيفس !! لخبطوني عفسوني الله يعفسهم .. الان حولت رسالة المعهد للامقريشن وبشوف ويش بيقولون !!

الله يعين..

بالعكس انا اشوفك الطريقه اللي قالك عنها المعهد زينه ع الاقل مافيها فيزا جديده ،، معليش خلينا نكون واقعيين ترا مو كل اللي في مبتعث يعطوك العلم الصحيح فيه انبراشات كثير.. مايحتاج تكلم الاميقريشين سوي اللي قالو لك عليه المعهد واطبع الايميل اللي جاك منهم ووضعك في السليم ان شالله،، موفق يارب