وش قصة الشيك الملغي ؟؟ من طأطأ لسلامو عليكو ..

السلام عليكم ..

الحمد لله اموري راح تنتهي قريب وان شاءالله بكرا راح اصدر قرار ابتعاثي ..

لكن المشكله اللي مسويتلي صداع نصفي : ( الشيك الملغي ،، وكيفية نزول مكافئة المبتعث ) ؟؟؟

كل ماقريت عنها في المنتدى وفي قوقل اضيع اكثرررر ،، ياريت توضحون لي وش قصة الشيك الملغي ؟؟

1- ليش نطلع لنا شيك ملغي ؟؟ 2- وين فيه اطلع الشيك ؟؟ 3- كيف طريقته ؟؟ 4- ولمين نرسله ؟؟ 5- وكم مدة نزول المكافئه ؟؟

وابغى استفسر هل اقدر افتح حساب من هنا في بنك سامبا واستخدمه في امريكا ؟؟ والا الافضل افتح لي حساب اذا وصلت هناك ؟؟



ارجووووووووووكم ساااااااعدوني ...

عليكم السلام ورحمه الله وبركاته ،.

حياك الله أختي الكريمة ، الشيك الملغي يصدر من البنك الذي ستفتحين فيه حسابك بأمريكا ، فعادة البنوك الأمريكية تعطي شيك فارغ فيه رقم حسابك ، ويرسل الشيك للملحقية عن طريق البوابة الالكترونية ،أما مدة نزول المكافأة ، فهي تنزل في حسابك في أقرب وقت لنزول المكافأت الشهرية.

أما فتح الحساب ، فالملحقية تقبل الحسابات الأمريكية فقط ، ويمكن فتح حساب سعودي في حالة وجود حوالات من أهلك يمكنها سحبها من أي صراف أمريكي مقابل عمولة محددة.

بالتوفيق ،.

أخوكم
بــن نيــــاز

1- ليش نطلع لنا شيك ملغي ؟؟
لأان الشيك الملغي موضح فيه رقم حساب العميل + رقم ثاني ناسي اسمه.. المهم يخص حسابك لدي البنك ( وهذا ليس إلا اجراء تأكيدي لرقم حسابك ) عشان مايكون في غلط برقم الحساب ويروح راتبك لشخص ثاني.
2- وين فيه اطلع الشيك ؟؟
اذا فتحت حساب جديد لدي اي بنك بامريكا , يعطونك عدد من الشيكات مؤقته, ((وتقدر تطلب منهم كرتون شيكات "بتسأل ليش؟" عشان بتستخدمهم في دفع السكن))
3- كيف طريقته ؟؟
طريقة الشيك الملغي ,, في اكثر من طريقة , تقدر بس تحط خط كبير على الشيك او علامة اكس عشان يعتبر ملغي., وتسوي له اسكاننن.
4- ولمين نرسله ؟؟
ترفعها عن طريق البوابة الالكترونية.

5- وكم مدة نزول المكافئه ؟؟
هذي مااعرف اجابته لاكن الي اعرفه انهم ينزلونها كل شهر مابين 19-21 بالهجري.

اسهل شي هو الشيك الملغي يعني مايحتاج انك تقلقين ابد...
بالنسبة للبنك اذا وصلتي للمدينة اللي بتدرسين فيها شوفي وش البنوك المتوفرة وافتحي حساب في واحد منها وانتهى الموضوع..

1- طيب كيف افتح حساب في بنك امريكي ؟؟ لازم اضيف مبلغ وقدره والا مو لازم ؟؟

2- الشيك الملغي ارسله للملحقيه عشان ينزل بعدها مكافئتي والا تنزل مكافئتي من دون حركة الشيك الملغي ؟؟

3- انا ان شاءالله سفري راح يكون في يوم 17 -2 ،، هل بيفوتني نزول المكافئه لي عشان فتح الملف تتأخر اجراءات قبوله ؟؟ والا تنزل لي المكافئه بعد مايتم قبول ملفي حتى لو كان في يوم 29 -2 ؟؟؟

الزبده انا خايفه من ان مكافئتي تتأخر ماتنزل وخاصه ان معي مبلغ بسيط تقريبا 16 الف ريال ( 6000 $ ) تقريبا

واخاف مايكفيني انا ومحرمي وبنتي ومصاريف الشقه والتأمين والفندق وخرابيطها ..

والا زاد الطين بله سالفة الشيك الملغي وطريقته الغريبه ،، وفتح الملف اللي يتأخر مايقبلونه ..

يعني هل الشيك الملغي متعلق بالمكافئه ؟؟ وهل هو شي اساسي ولابد منه ؟؟

أكيد الشيك الملغي شيء أساسي عشان تنزل لك المكافأة .. والمبلغ اللي معك يعتمد على المدينة اللي بتروحين لها .. بس اتوقع يكفيك شهر وزيادة .. يعني لا تكونين مررررة خايفة .. هدي اعصابك وربك بيسرها ..

وعليكم السلام ورحمة الله وبركاتة

الزبده انا خايفه من ان مكافئتي تتأخر ماتنزل وخاصه ان معي مبلغ بسيط تقريبا 16 الف ريال ( 6000 $ ) تقريبا

6000$ =22,500

4500$ = 16,875 تآكدي من الحساب :cool:

>>>>> ياشين الفلسفه الزايده ;)

لا تخاف وهذا المبلغ كافي لبدايه وزود , بس نصيحة لوجة الله , دور احد بنفس ولايتك , وخله يحجز لك سكن او تواصل مع عائلة وقول لهم انك بتجي باليوم الفلاني وتبي تستأجر معاهم... عشان ماتصرف كل فلوسك في فنادق..

ادري اكثر الناس تقول اسكن اسبوع ع ماتلاقي لك سكن مناسب... لاكن خلنا نحسب الاسبوع ( الفنادق اسعارها تتراوح مابين 70$ إلى 120$ . . . يعني بالاسبوع تقريباً 490-840.) >>> والشقه او العائلة اذا لقيتها راح يتراوح سعرها مابين 550 إلى 1250 حسب الولاية وهذا السعر بيكون شهري.

وانت شوف الي يريحك.

السلام عليكم
بالنسبه للفلوس اللي معاكي ان شاءالله انها كافيه خصوصا لو فرشتي الشقه حبه حبه يعني مو كله في وقت واحد غير انك ممكن تشتري سياره


المكافاه تنزلك ع حسب اليوم اللي دخلتي فيه امريكا وفتح الملف سهل جدا ما يتجاوز اسبوع اذا كل اوراقك كامله
قبل السفر اعملي سكان لكل اوراقك وخليها في فلاش يصير اول ما توصلي تفتحي حساب عشان الشيك الملغي وبعدها ينفتح ملفك
بعدها تقدري تاخذي تعريف بالمكافاه من البوابه بعد فتح الملف عشان تقدري تستاجري سكن
الامور سهالات ان شاءالله انتي بس اول ما توصلي افتحي الملف ع طول
وخلي كمان اوراق محرمك جاهزه لانها ممكن تاخر فتح الملف لكي او الضمان الخاص فيه لو كان طالب


بالتوفيق