اخويا يبغى الابتعاث

السلام عليكم

انا ان شاء الله مبتعثة لامريكا (محرمي هوا بابا)

اخويا كان في بريطانيا لدراسة اللغة و كان متأمل يدخل بعثة و لكن قدر الله و ما شاء فعل
لم يتم انضمامه للبعثة , فاضطر للرجوع للسعودية

و دحين (بعد 3 سنين) قرر انو يكمل دراستو
سؤالي هوا :
ايش الافضل ؟ (هوا بعد كم شهر.. يعني تقريبا سنة يبغا يروح امريكا ) ايش الافضل , اخليه محرمي و يدرس لغة و بعدين ينضم للبعثة ؟ ولا عشانو دارس لغة من قبل ماينفع ؟
يعني لازم يدرس جامعة على طول ؟ ازا كان كدا .. حيدخل في الابتعاث على طول ولا كيف ؟

ان شاء الله سؤالي يكون واضح
شكرا

انا من وجهة نظري انو ابوك يكون زي ماهو محرمك واخوك يطلع ع حسابو معاكم اذا كان مخلص لغه وجايب توفل او ايلتس ويجيب قبول نهائي واتوقع بمجرد دخوله للجامعه ينظم للبعثه ع طول لكن اذا كان مرافق اتوقع الاجراءات بتطول لجان واحتمالية انو ينفصل عنك بيكون احتمال ضعيف مو زي سهولة انضمام الطالب الدارس ع حسابه..

موفقين

بـ العكس خليه محرمك لانه الوضع مضمون
اولا يدرس على حساب الوزارة و ما يدفع من جيبه اي شيء
ثانيا يقدر يبدا من سنة اللغة و يقدر يبدا من الجامعة على حسب كيف لغته
ثالثا مباشرة بعد دخوله الجامعة يحول من مرافق الى مبتعث بدون اي مجهود و يقدر بعدين يفصل بعثته عن بعثتك
و تقدري بعدها تجيبي والدك اذا حابه انه والدك يكون محرمك و بـ التالي بدل ما يصرف لـ العائلة كاملة راتبين يصرف لكم ثلاثة رواتب

خلي اخوك مرافقك احسن لـ جميع الاطراف
حتى لو لا قدر الله ما مشى في الدراسة ماتكونوا خسرتوا فلوس فوق التعب