مبتعثه ومتزوجه ...تعاالي هنا

والله يا أختي حالتك شوي صعبه بس مو مستحيله . . حاولي تقعدي مع زوجك وتتكلمي معاه بالمنطق وقولي له ان هذا مستقبل لينا ولأولادنا حنتعب شوي بس بالنهاية حنرتاح واعطيه من هذاك الكلام اللي يحبه ئلبك . . . بس اهم شي انتي عاد لاتزوديها وتنشغلي عنه كثير ويصير كل كلامك بعثه بعثه ولو ماتكلمتي تكيتي عالدورات الله يهديك . . لا والله مايسير هيك . . . حاولي لما ينام مثلا افتحي الدوره وتعلمي . . او بوقت يكون هوا رايق قولي له ندخل نتعلم سوا ولو انت ماتبي خلاص ما ابي >>>>> تتنازلي قالك عشانه . .

وغير كذا معاك اي كلام بالبعثه . . حاولي ماتتكلمي معاه هوا تكلمي مع صديقه قريبه امك اختك اي احد بس لما يجي لاتفتحي سيرة . .
واما عالمذاكره خليه اليوم اللي يكون هوا مداوم فيه اضغطي نفسك وذاكري حق ثلاثه ايام قدام . .


امممممم ونسيت اقولك شي مهم . . . انتي عارفه كيف كيد النساء عظيم . . يعني شوفي بس فكرتي الخطيره. . . اقعدي معاه قوليله اسمع يازوجي الغالي . . . انا مستعده عشان أرضيك خلاص مابي بعثه ولا ابي اسافر ولا أبي اي شي وكله عشان خاطر عيونك واهم شي عندي رضاك وسوي نفسك بطلتي ودمعتين كذا ابو كلب وخلاص ماتبي بس لاتصدقي نفسك وتبطلي صدق بس هيك كذبي عليه . . وصدقيني بعدها حيجي ويتغير ويقولك لا والله ما تبطلي ابدا وانا حوقف معاكي وينقلب 180 درجه ويصير هوا يحاول فيك تسافري ، . انا اعطيتك الفكره هذي بعد مافهمت من كلامك عن زوجك انه هوا مو رافض بس زعلان انتي ليش تغيرتي كذا . . يعني نفدي الكلام هذا وحتشوفي ان شاء الله شي يرضيك وتنبسطي . .


يالله مابي اطول عليك . . . انا كتبتلك كلامي ليس من واقع تجربه لأني ماتزوجت بعد . . بس هذا بحكم خبرتي بالحياه والمحيط اللي حولي . . . .

to sum up >>>>>متأثره بالبراقرافات هع

بدعيلك بالتوفيق وعسى الله يفتحها بوجهك وتسافروا ومايجيب لحظة حزن بينكم . .

الله يكون بعونك ويفرج همك ..

الله يعينك اختي ادعي واستغفري.....بعدين لاتنشغلي عنه كثير ،،،،،،والرجال ماهم سوا يمكن تقولي له بطلت ويصدق ،انتي ادرى بزوجك بس حاولي تقنعيه بانها فرصه والكل يتمناها.
واهم شي الاستخاره والله يقدمك الخير يارب.

الله يفرج همك ياأختي , وماشاء الله تبارك الله زوجك انسان كويس وواضح من تعامله معاكي ماشاء الله ربي يحفظكم ان شاء الله

زي ماقالو اجلسي معاه واتكلمي , اتركي أمورك شويا خلي شغلك عاللاب توب ساعات معينة

داموا يحوب الطالعات روحوا السوق اتقهووا سوا بعدين اتسوقوا خلوها وناسه مو دا ناقصني وتمشي مطيورة ينفجع الراجل

وربنا يهدي سركم وييسرلك

تبغي الصدق !!
و معذرة من البنات اللي ردوا كلهم ,, بس الله يلوم من لامه !!!!!!
بقدر اطبطب عليك و اقول لك اتحملي
بس زوجك معاه الحق 100% يعني مو كفايه انه رح يسوي شيء هوه مش مقتنع فيه بس عشان خاطرك و تقابليه انتي بـ اهمال ؟!!!!!!!
معليش يا اختي ,, عبري عن امتنانك له ولو شوي
البعثة مش طايرة و الدورة مش طايرة وزوجك مش نحيس و دوامه يوم كااااااااااامل ما تشوفيه يعني انتي كل الظروف مهيئة لك عشان تدلعيه ولو في الوقت الحاضر
اجل لما تطلعي بعثتك و تروحي من الصباح و ما ترجعي الا المساء ايش رح تعملي وقتها ؟! غير الفترات اللي تمر عليك وانتي مضغوطة من كل شيء
ومالك خلق لا تشتغلي و لا تلمسي اي شيء ايش رح تسوي تقولي له معليش يا فلان انا تعبانة و بدخل انام وانت اجلس بـ لحالك !!!!!!!!!!!!!!!!!!!!
شوفي انا وضعي هنا في البعثة ااااااخر كركبة ,, فعليا ما فيه بركة في الوقت هنا
بس والله اني كل فترة و الثانية ازين قهوة و اجلس اتقهوى انا وياه و لابو هـ الدراسة الواحد حياته مو بس متعلقة بـ دوامه فيه ناس انتي تعيشي معاهم ولهم حقوق
عليك ,,
اذا مفكرة انه عشانكم توكم متزوجين من جديد فـ تراك غلطااااااااااااااااااااااااااااااااااااااااااااااا اانة
اي احد في هـ الدنيا يبغى يحس انه الشخص اللي ارتبط فيه يفهمه و يحس فيه و يراعيه ,, مو معقولة انه اتزوج عشان مرته طول الوقت مشغولة عنه بـ سالفة البعثة
واحمدي ربك انه زوجك عاااااااااقل و واااااااااااعي
بـ دليل انه يقول لك انا ما اعاتبك بس ابغاك تفهمي انا ايش احس فيه


بعدين تعالي اقول لك
ترى البعثة هذي رح تاخذيها اربع سنوات على الحسبة المبحبحة مرة
بعد الاربع سنوات ترجعي السعودية و ما عندك شغلة و لا عملة و تقولي ليش زوجي ساكت ,, ليش ما يهرج ,, ليش ما يطلعني ,, ليش ما يدلعني
ترى انتي ذحين جالسة تعوديه انه يكمل حياته كـ عزوبي مش كـ رب اسرة
ولما تحتاجيه جنبك كـ زوج و كـ اب ما رح تلاقي الا واحد عزوبي يقول مثل ما مشت امورها بـ لحالها من قبل تمشيها ذحين من دوني


رتبي وقتك ,,
اليوم اللي يغيب فيه عن البيت زيني ماسك لـ شعرك و لـ وجهك و اجلسي ذاكري شدي على حالك طول هـ اليوم
خلصتي مذاكرة جهزي اكلي و فرزنيه لـ الثلاثة ايام الجاية
رجع زوجك اجلسي معاه واذا نام اجلسي ذاكري ,, قبل ما يصحى جهزي له قهوة و خليها تغلي على نار هادية
واجلسي معاه ,,
انتي ذحين المفروض تستغلي هـ الفترة بـ تدليعه لانه بعدين رح تحتاجي تفهمه فـ يكون عارف انه وقت ما تكوني فاضية ما رح تقصري
ويتفهم انه تقصيرك خلال فترة دراستك انما هو تقصير مؤقت بسبب الضغط لا اكثر


انا اكثر ادمية اقول كل شخص تجيه فرصة البعثة لا يروحها عليه
بس البعثة مقابل انك تحافظي على حياتك و بيتك و زوجك !!! الله لا يردها بـ هالحالة
ما بيدوم لك بعد الله الا هوه ,, واذا انتي مو قد الشغلة فمن بدري هوني عنها و لا تخربي بيتك بـ ايدك
و تضيعي زوجك وانتي تتفرجي ,, ترى اللي ما لقيه بـ الحلال يقدر يلقاه بـ الحرام


معليش لو كان كلامي شوي قاسي ,, بس اسلوب الطبطبة ما رح يفيدك

زوجك اولى بقطعه ورقة ما تفيدك ( اكثر منه)

قولوا عني متخلف بسسسسس هذا رايي

الرجال تزوج يبي يرتاح ويعيش مو يقعد (عزابيمتزوج) نص ونص !

الله يعين يا اختي اذا هذي بدايتها من جد في الغربه وش راح يصير
راح تحسي نفسك مالك الا زوجك سبحان الله مثل ماقالت اخت اوكاسيا
مالك الا اهو من بعد الله خصوصا في الغربه مرره تحسي انك تحتاجيه يدعمك معنويا ويوقف جنبك
ترى الرجال مهما يكون قووي وشديد اذا صابه اقل القليل
يكون مثل الطفل الصغير بس الطفل يلتجأ الأمه الزوج يلتجأ الزوجته
ولا ليش سموها شريكة حياته لاتتركي زوجك علشان دنيا ماتسوى
وهو لك دنيا والاخره ان شاء الله
بس اهم شي تكوني موفقه بين الاثنين وتعرفي ترتبي وقتك
الله يقدرنا يارب ونرضي ربنا ومن له حق علينا ويارب مانتحاسب عليهم
باللتوفيق للجميع

كلام اخت اوكاسيا عين العقل ..
وانتي زوجك ماشاء الله عليه متفهم وعاقل وباين ان تعامله جدا حنون معك ..
وانا انصحك في الوقت الحالي تتركين مسألة البعثه "تتأجل شويه" ..
والتفتي لزوجك واهتمي فيه .. حتى وان كنتوا مالكم فتره متزوجين .. هذا هو الوقت المناسب لاجل تأسيس حياتكم ..
اللي تزرعينه الان تحصدينه في السنين القادمه باذن الله ..
البعثه ماراح تطير .. تقدرين تدرسين اي وقت تبين .. ولكن ماتقدرين تبدلين زوجك بزوج ثاني ..
خصوصا اذا كان شخص مثل زوجك الله يحفظكم ويستر عليكم ..

نصيحتي لك أجلي هذي الامور .. وانتبهي لزوجك ... واقعدي معه واهتمي فيه .. حتى هو بالمقابل يعطيك بالمثل ..
وبعد فتره شوفي الاشياء اللي في زوجك اللي ممكن تقنعه انه يكمل معك دراسه برى ..
انتي تقدرين تغيرين رأيه وانا متأكد من هالشيء وواثق .. وحتى لو ماقدرتي تغيرين رايه في وقت بسيط .. راح تنزرع الفكره براسه وراح تبقى براسه وبعد فتره ينفذها بطريقه غير مباشره ..
لاتستعجلين على الامور خليك صبوره وحطي زوجك بالمقدمه في كل الامور .. لانه اولى واهم .. وهو مصير حياتك ككل ..
واي شي تحسين انه راح يسويه بدون قناعه منه مجرد ارضاء لك .. ابتعدي عنه نهائيااا ..
الرجل اذا عمل الشيء ارضاء لزوجته بدون قناعه منه .. هذا الشيء يعده امر يبين محبته لها واهتمامه فيها ..
لكن اذا كان هذا الشيء يزيد كل يوم والثاني يرضيها كل شوي باشياء هو مايبيها .. راح تكون النتائج سلبيه ومو في مصلحة الزوجه ابدا ..

فنصيحتي لك اختي .. زوجك ثم زوجك ثم زوجك ثم زوجك ... والامور الاخرى تأتي بعدها ! ..

الله ييسر لكم ويحفظكم ويرزقكم بالذريه الصالحه يارب العالمين ...,

سبحان الله الدنيا هذي عجيبة،اللي تتمناه ما تلقاه.
الله يوفقك أختي، أهم شيء إذا طلعتو بعثة خليه يدرس بأي طريقة؛ لأنه لو ما درس وأنت تدرسين ماجستير ثقي أنك ما راح تفضين له إلا في الشهر يوم إذا كنت ماستر أو دكتوراه، وبكذا بيطلع أمبير الطفش عنده لين الخط الأحمر.

تحياتي،،،