شراء دباب في امريكا .

وش رايكم في مازدا زووم ٣

اختي، انا ادرس في اوهايو،
ومعاي رخصة دباب، ( مؤقته ) إلى الآن ما حصلت دباب صاحي، لكن ماخذه للترفيه وليس للجامعه.
شروط الرخصه ( تعدي اختبار الكمبيوتر بال dmv بعدين تاخذين رخصه مؤقته ( طبعا هالرخصه ما تخليك تسوقين بالليل او بعد الساعه ٦ )
اسعار الدبابات المستخدمه تبدا من ١٥٠٠ مشي حالك ويمكن خربان او طايح، إلى الجديد والي يوصل ١٥٠٠٠ وفيها.
صيانة الدباب تختلف من ٢٠٠$ إلى ١٠٠٠، ولا فيه اماكن كثيره تصلحه كما ورش السيارات الي بكل مكان.

بما انك متزوجه السياره افضل حل. للاسباب التاليه.
انا ادرس في اوهايو والشتاء هينا من ٥ شهور-٦ شهور مع ذلك السنو شي متعب ( الدباب راح يتوقف لمدة ٦ شهور بالسنه اكيد - غير ايام المطر و وقت البرد )
السياره ممكن تسوقينها من البيت للجامعه للسوق وتشيلين اغراض معاك، لكن الدباب العكس كامل.
السياره أأمن لحياتك لكن الدباب لا قدر الله تفاجاتي باحد ممكن تكلفك حياتك، لكن بالسياره باذن الله الاحتماليات اقل بكثير.

نصيحه اختي الغاليه، الدباب ماله اي فايده غير الترفيه او انك تحبين توصلين بسرعه لمنطقه معينة، علماً ان شرطة اوهايو متشدده في امور المخالفات ( بالذات الدبابات )

السيارات من ١٥٠٠ - ٣٠٠٠$ تادي الواجب وتوديك وتجيبك. فيه ناس في اوهايو من جنسيات عربيه تقسط لك سياره وتعطينه كل شهر مبلغ، وهذا احسن حل للماديته ما تسمح.

ان شالله افدتك بالي اقدر عليه، واي سؤال ان شالله اقدر اجاوب عليه

عندك ثلاث انواع هوندا و ياماها و سوزوكي هذي افضل ثلاثه انواع من ناحيتي انا مجربها كلها الهوندا و الياماها حلوه من ناحيت الاستخدام ستوك يعني بدون اي تعديل بس السوزوكي حلو للي يبي يعدل فيه ويركب عليه شغلات.
الرخصه يس مطلوبه و مهمه جدا. وهذي سهله تقدم عليها و تسوي اختبار وعلى طول تاخذها.
المهم اللي انصح فيه من ناحيت استعمال هوندا و ياماها انا احب الهوندا لان شكمانه يجي بالنص تحت البدي وانا هنا اتكلم عن الانواع الحديثه في الهوندا الياماها شكمانه على الجنب وانا ما احب الشغله هذي يعطيه شكل بايخ. المهم من ناحيت المكينه انا انصح بال 600 استعمال حلو و ما يصرف نهايا وسهل بالبيع و اسعارها من ال 3 الاف و فوق ولا تفكر تاخذ اقل من 2006. اهم حاجه تركز فيها بالدباب اللي تشتريه انه ما يكون مصدوم اول شي تسويه تفحص الشاصي حقه لانه لو كان مصدوم ما يسوى دولار.

بالنهايه و اختصار للي كتبته، يا R6 او CBR600. من 2006 وطالع القديم ما تلقى نظيف.

بالتوفيق.

فيه دبابات مستخدمه ادخلي موقع قراقلست هذا افظل موقع لبيع جميع الاشياء المستخدمه في امريكا

ودي اركب دباب لكن للاسف انا دب

أختي الكريمة ترا السيارات في أمريكا رخيصة جداً وارخص من السعودية .. و 4 الاف دولار ( 14 الف ريال سعودي) تجيب لك سيارة مستعملة تمشيك بالراحة ..

إذا كانت مشكلتكم مادية فقط وليست هواية فيه سيارات أرخص بكثير من قيمة الدبابات وتقضي اللزوم

تلقين سيارة فورد أتورس موديل 2001 أو 2002 أرخص من الدباب. الدبابات في الغالب الزين غالي. ولا يخدمك في وقت البرد والسنو. ترى فيه سيارات رخيييصة وحلوة. تحصلينها في حدود 2000 دولار. الدبابات أنا كان معي واحد سعره فوق 3500 وهو مديل 2005.

لا حول ولاقوه الا بالله لا يجوز اختي الكريمه
حرااااااااااااااااااااام

الله يوفقك ياجادة وييسر لك مافيه الخير