بخصوص الي معدله مقبول وانظمامه للبعثة..؟
حاب اسلم على الجميع واسال الله للجميع التوفيق والسداد اني سميع مجيب..
استفساري:
انا ان شاء الله بطلع امريكا بنص الشهر الجاي 15/2/2013 وعلى حسابي عندي قبول معهد بسان فرانسيسكو معدلي 2.26 من 5 لغة عربية بكالوريس
حاب اقدم على قبول جامعي بتخصص ادارة اعمال مشروط هل ذلك ممكن...؟
وسوالي الثاني انظمامي للبعثة كم يستغرق...؟
اتمنى الي عنده تجربة يفيدني او الشخص الي عنده معلومات كافية ان شاب عندي طموح واصرار وهدف اعوض الي صار لي بالبكالوريس علما اني كنت مو حاب تخصصي البكالوريس بس نسبتي بالثانوية والتخصص صار اجباري ..
وعندي خبرة بعمل الادارة اشتغلت 5 سنوات في شركتين هل تفيدني وسيرة ذاتية جيدة...؟
اتمنى الافادة والتواصل معي albakri.az@hotmail.com
لاني جديد وحاب اكون على دراية ما افعل..
اخوكم
عبدالعزيز الشهري
رد: بخصوص الي معدله مقبول وانظمامه للبعثة..؟
الانضمام للبعثه يعتمد على قبول الماستر مو على معدلك
اهم شئ يكون عندك قبول جامعي في تخصص اللي تبي تنضم عليه
ولازم القبول يكون في تخصص غير موقوفو وجامعه معتمدة
ونصيحتي لك لاتروح امريكا الا ومعك قبول جامعي
لان قبول الماستر مو سهل
بالتوفيق ان شاء الله
رد: بخصوص الي معدله مقبول وانظمامه للبعثة..؟
مرحبا عبدالعزيز,,
أتمنى تعيد التفكير قبل القدوم إلى أمريكا,,
المعدل متدني جدا جدا ، وإمكانية الحصول على قبول صعبة إن لم تكن مستحيلة,,
لا أردي أن أكون متشائما أو محطما لأحلامك ، لكن الواقع يفرض علينا هذا الشيء,,
تدني المعدل واختلاف التخصص ستكون عائق كبير للحصول على قبول نهائي في التخصص المطلوب,,
أسأل الله أن يحقق لك ما تتمنى,,
ربنا يوفقك,,
رد: بخصوص الي معدله مقبول وانظمامه للبعثة..؟
اقتباس:
المشاركة الأصلية كتبت بواسطة كنت أحبك
الانضمام للبعثه يعتمد على قبول الماستر مو على معدلك
اهم شئ يكون عندك قبول جامعي في تخصص اللي تبي تنضم عليه
ولازم القبول يكون في تخصص غير موقوفو وجامعه معتمدة
ونصيحتي لك لاتروح امريكا الا ومعك قبول جامعي
لان قبول الماستر مو سهل
بالتوفيق ان شاء الله
شكرا اخوي والله لايحرمك الاجر
راح اخذ بنصيحتك طيب وش الجامعات الي تتوقع بسرعه تجيب لي قبول وتنصحني فيها ياغالي..؟
وعندي سوال وش رايك لو سويت معادلة لشهادتي عن طريق was هل هي طريقة سليمة وتفيدني...؟
اتمنى افادتي لاني اسابق الوقت قبل يجي موعد دراستي للمعهد ...
رد: بخصوص الي معدله مقبول وانظمامه للبعثة..؟
^
بالنسبة لقبول الماستر للاسف ما عندي خبرة فيه
لكن فيه كثير اعضاء هنا لهم خبره في الماستر ان شاء الله يفيدوك
انا المعادلة عن طريق شركة WES هي معتمدة من اغلب الجامعات الامريكية
وممكن تفيدك وترفع المعدل بعض الاوقات لانهم يحذفون بعض المواد على ماسمعت من واحد
يقول لي ان معدله بعد المعادلة صار أفضل ولاتنسى هنا يبون المعدل من ٤ وليس من ٥
بس استفسر من الاعضاء اللي عندهم خبرة في المعادلة لاني ماسبق وعادلت ساعات عن طريقهم
بالتوفيق ان شاء الله
رد: بخصوص الي معدله مقبول وانظمامه للبعثة..؟
اخوي يوم الجمعه ان شاء الله راح ارسل لك رساله على الخاص وراح اعطيك معلومات راح تفيدك بإذن الله عن القبول الجامعي وعن wes لكن ياليت ترسلي على الخاص لو نسيت اراسلك
واحب اقولك لا تتحطم لأن مو مستحيل لكن يبي لك جهد علشان تحصل على قبول في جامعه جيده
رد: بخصوص الي معدله مقبول وانظمامه للبعثة..؟
اقتباس:
المشاركة الأصلية كتبت بواسطة naif2010
اخوي يوم الجمعه ان شاء الله راح ارسل لك رساله على الخاص وراح اعطيك معلومات راح تفيدك بإذن الله عن القبول الجامعي وعن wes لكن ياليت ترسلي على الخاص لو نسيت اراسلك
واحب اقولك لا تتحطم لأن مو مستحيل لكن يبي لك جهد علشان تحصل على قبول في جامعه جيده
الله يعطيك العافية اخوي ويسهل امرك يارب
ياغالي انا مشترك جديد والظاهر مااقدر ارسل مسجات لحد مااصل مشاركات كثيرة
لكن ارسلي ايميلك هنا ونتواصل عن طريق الايميل ياغالي وكلامك كثير شجعني وانا عندي اصرار وعزيمة وراح اجيبها بااذن الله واحقق هدفي...
شكرا للاخوان الاخرين لاهتمامهم وتواصلهم الله لا يحرمكم الاجر
رد: بخصوص الي معدله مقبول وانظمامه للبعثة..؟
بالنسبة للانضمام للبعثة
يجب عليك فتح ملف طالب في السعودية قبل تجي امريكا
والا
لن ينظر في طلبك ابدا
رد: بخصوص الي معدله مقبول وانظمامه للبعثة..؟
اقتباس:
المشاركة الأصلية كتبت بواسطة رعد الكناني
بالنسبة للانضمام للبعثة
يجب عليك فتح ملف طالب في السعودية قبل تجي امريكا
والا
لن ينظر في طلبك ابدا
حتى المرافق لازم يفتح ملف طالب قبل السفر؟
رد: بخصوص الي معدله مقبول وانظمامه للبعثة..؟
اخوي تخصص إدارة أعمال أصعب قبول بأمريكا لان فيها جيمات وكنصيحة أخ حاول تبحث عن اي قبول
اهم شئ تضمن قبول بعدها ابحث ع راحتك ع التخصص اللي تبي
بالنسبة للمعدل من الآن ترجم الخبرات اللي عندك إلى الأنقلش وخليها معاك وقت التقديم أرفقها لانها تنفعك
وفي بعض الجامعات تطلب اختبار جي ار اي وع حسب معدلك يطلبون الدرجة
وايضاً في جامعات تنظر إلى ال ٦٠ ساعه الأخيرة عندك اذا كانت مرتفعة راح تساعدك بالقبول
أخيراً اخوي مافي شي صعب أمريكا فيها ٥٠ ولاية وان شاء الله راح تحصل لك فرصه بأحد الجامعات
بالتوفيق إن شاء الله