بسافر لوحدي وخايفة من مطار نيويورك .. ارجوا المساعدةة

الحمد لله ما عمري دخلت اي مطار في العالم وضعت فيه .. كل شيء مكتوب في اللوحات واذا ما عرفتي اسألي وهم راح يتساعدون معك واكيد راح تلقين عرب كثير هناك

اهم شيء لا تشيلين هم ووكلي امرك لله .. ودرب السلامه يارب

يا اختي ما يحوج هـ القروشة هذي كلها
تنزلي المطار عادي و تمشي مع الخلق اللي ماشيه
رح يوقفوكم في الاول عشان يشيكوا على الجوازات و ياخذوا لك صورة ( اضحكي عشان تطلع حلوة )
و ما رح يقول لك ربع كلمة و بعدين تطلعي لـ صالة الرحلات الدولية و تقدري تسألي اي احد يشتغل في المطار
كلهم خدومين ,, وريه الرحلة حقتك وهوه يدلك وين تروحي و خلصنا
يعني ما فيه شيء محدد
اهم شيء لو حسيتي الانتظار طويل و باقي على رحلتك ساعة كلمي اللي ينظموكم انه ما عاد باقي لك وقت عشان تخرجك
من الطابور و تخليك في الاول و يكون معاك وقت تضيعي في المطار على كيف كيفك
دوري برضوه احد يكون على نفس الرحلة الداخلية معاك و الزقي له

عاااادي ماحتااج كل هذا ...اذا لغتك كويسه صديقيني مايحتااج هالخوووف كله ...حطي في بالك انتي في امريكا لازم تعتمدين ع نفسك ...في كل شي..عموما اذا ماعرفتي امسكي احد من مسولين مطار وقولي ليه ماعرف طريقي وهو راح ياخذك الى بوابه طياااااااااااااااااره ...موووووووووووووفقه و توصلي بالسلامه ...

انتي مسافرة للسعودية
ماراح ياخذو لك صورة ولا شئ
بعدين الخطوط السعودية في تيرمنال ١
شوفي رحلتك من بوسطن راح تنزل في اي تيرمنال ؟
اذا مو في تيرمنال ١ عادي انزلي مع العالم واسألي عن القطار
بلتقيه في الدور الثاني روح له وانزلي لما يوصل في تيرمنل ١
بعد ماتنزل من القطار في تيرمنل ١ امشي سيده لين تدخل الصالة الكبيرة بتلقي الخطوط عاليمين آخر شئ
روحي خلصي اجراءات السفر وانتظري لين ينادوكم للطيارة والامور جداً بسيطة لاتشيلي هم

عليكم السلام ورحمه الله وبركاته ،.

حياك الله أختي الكريمة ، من المعروف أن مطار نيويورك فيه 7 أقسام ، في كل قسم يوجد مجموعة من الخطوط ، وكما ذكر أحد الأعضاء ، الخطوط السعودية تقع في القسم الأول من المطار وهو الجزء الأخضر ، ولذلك فوصولك إذا يختلف عن هذا القسم ، فتوجهي مباشرة إلى القطار المتواجد في الدور العلوي من المطار "Transportation" ، واركبي القطار واتجهي لجهة مطار رقم (1) ، تأكدي من الاتجاه ومن السهل معرفة ذلك ( انظر الخريطة Airport Map - Airport Guide - John F. Kennedy International Airport - Port Authority of New York & New Jersey) .

عند وصولك لمطار رقم واحد ، توجهي مباشرة لأقصى يمين المطار وستجدين كاونتر الخطوط السعودية ، وبعد ذلك تتوجهين مع حشد المسافرين لنقاط الفرز والتفتيش والتي رأيتها كما أتيت أول مرة ، لا تقلقي من أمر وصولك فأربع ساعات تكفي لوصولك إلى بوابة طائرة الخطوط السعودية ، ثم إلى أرض الوطن إن شاء الله ،.

ووصولا سعيداً ،.

نصيحة أخوية لبعض الأعضاء :
أخواني أرجو منكم عدم توجيه الملامة للعضوة الكريمة ، فهي لم تأتي هنا إلا لتسأل ثقة منها بكم ، فالأولى منا مساعدتها دون تضجر أو مسائلة أو حتى الدخول في مسائل لا علاقة لها بغير سؤالها ، ثم أنني أعرف أناساً من الصعب عليهم إدارة الأمور باعتماد شخصي وهذه صفة تلازمهم حتى وإن قاموا بعمل ذلك أكثر من مرة ، فأرجو منكم مراعاة هذه النقطة مع الشكر للجميع على مشاركتهم الاجابة.

خالص التحية ،.

أخوكم
بـــن نيــــاز

تاكدي انك بنفس المطار التي ستقلع منه الخطوط السعوديه لان بنيويورك مطارين .. احدها محلي والثاثي دولي وربما تهبط طائرتك التي من بوسطن بنفس المطار التي ستقلع من السعوديت وربما العكس

لذلك تاكدي من التذكره التي لديك اذا كانت ليست بنفس المطار فبعجاله خذي شناطك واستاجري تكسي او اركبي الباص وانتقلي للمطار الثاني

ولكن الاغلب تكون بنفس المطار ولكن تاكدي من هذه النقطه

^ كفى و وفى .. الله يجزاه بالجنه


الامووور تساهيل الحمدلله

جزااااااااك الله خيراااا
أنا تلخبطت شوي .. ممكن تساعدني ...
اول ما أوصل مطار نيويورك .. أخد الترين ولا اسوي اجراءات ؟
وبالنسبة لسبع اقسام .. اروح للقسم الخطوط السعودية وبعدها اخد منها ترين ؟
أنا الي يهمني اني ما أغلط في الترين .. لانه بعد الترين راح الاقي عرب ..

ايوة شفت التدكرة حقتي .. Terminal
TERMINAL 1
انا يهمني فين الاقي الترين ؟
وقبل ما اخد الترين هل في اجراءات ؟
عشان مو اخد الترين وبعدين يقولوا ارجعي ختمي ومدري ايش ..
وشششششكرا ..