لكي التحيه على هذي الكلمات . . لأني شخصيا فعلا اشوف من صاحبة الموضوع انها طرحت الموضوع بطريقة غبر صحيحه . .. هيا طرحته بأسلوب انه انا مفتخره بنفسي وبحجابي واستحق التصفيق والتمجيد
و و و و والثانين ليه لابسين هيك وهيك وهيك . . المواضيع اللي تكون الهدف منها النصيحه لاتكون ابدا بهذي الطريقه ياصاحبة الموضوع . .
اعطيكم مثال شخصي انا من المبتعثات اللتي ترتدي العبايه والحجاب ولكن لا أغطي وجهي ومعظم عباياتي ألوان الكحلي والأسود والبني واشياء مشابهه . . . واداوم بشكل مرتب لا إنه تعقيد ولا شي وأرى بعض الفتيات بالجنز وبعضهم بدون حتى طرحه على الراس واحيانا ارى البعض ترتدي الحجاب فقط في الجامعه لوجود السعوديين فيها !!
ما أقول إلا الله يهدي الجميع وكل إنسان بنتيه وله حساب بينه وبين ربه مايطرح الموضوع ويركز فقط على المبتعثات ياما فيه نساء في السعوديه نفسها بدون حجاب وغيره وغيره . .
نبعد عن مسألة التعقيد والمبالغه بمدح وترفيع النفس والتحدث عن فلان وفلان بدون أي فائدة غير كسب ذنوب الآخرين . . والنصيحه تجي بالأسلوب الطيب الذي يستطيع ان يجذب القارئ او المستمع أو حتى المشاهد . .
لدرجة انه والله العظيم يا أكثر من امريكية عجبتها عبايتي اللي انا ارتديها وطلبتني اقولها بالمكان اللي افصل فيه وقلتلها ماخيطتها إلا ببلدي مو هنا حتى اليهود والمسيحيين وغيرهم يمدينا نجذبهم بأخلاقنا ودييننا بدون مانقولهم احنا احسن منكم او حنا مستورين وانتوا لا او او او . . . وياماتعرضت للأسأله من الشارع او من المحلات من المجتمع الأمريكي اجاوب بكل شفافيه لأني انا مسلمه والمرأه عندنا غاليه لدرجة انها ماتقبل لأحد غريب انه يشوف شي منها . .وتكون ردة الفعل منهم بإبتسامة ومالقيت منهم اي نظرات إحتقار او تصغير هما سألوا وانا جاوبت . .
والحمدلله على وشك بنت يابانيه كانت بدون ديانه ولما عاشرتني حبت الإسلام وكل يوم والثاني وهيا تسأل شنو وشنو وكيف وكيف وانا دايما ادعي ربي انها تنهدي على يدي لأنها كل ماتسألني اجاوبها بكل شفافيه وبدون اي تشديد او غرور لدرجة انها تمنت تزور الحرم ومكه من بعد ماشرحتلها ووريتها . انا ما أقول اني ملتزمه إلتزام كامل او داعيه او مافي زيي انا اقول الحمدلله على كل حال واسأل ربي الثبات لي ولجميع المسلمين والمسلمات . . والهداية لجميع من ظل الطريق بأي وسيلة كانت . .
نحترم رأي صاحبة الموضوع ونحترم آراء جميع من كتبوا . . ونتقبل النقد على الرد الموجود . ..
وبالتوفيق للجميع . . .