رد: Lexington - كيف تقضي ع الملل داخل الطيارة / تجاربكم
اقتباس:
المشاركة الأصلية كتبت بواسطة تراتيل الفرح
أنا لما سافرت ..أخذت رواية معايا ودخلت جو فيها والله ..بس الحمدلله ع الأغلب ألاقي نفسي نايمة وأحاول أصحى للأكل وأرجع أنام
بعدها اذا قربت الطيارة ع الهبوط بكم ساعة .. ألاقيني أتابع الخريطة وكم باقي من الوقت حتى نوصل ..
وبس
صباحك جوري ،،
لا انا متوتر اول ساعتين لين اشوف الدنيا استقرت ابدا اركز شويتين ،
لازم روايات و كتب. والعاب
احس اني زي فليكيس : )
استعداد تام
رد: Lexington - كيف تقضي ع الملل داخل الطيارة / تجاربكم
سبعمية حل
خذ معاك اي باد و نزل عليه العاب و العب
خذ معاك قيم بوي و برضوه العب
اشتري لك كم كتاب ممتع و اقرا
تابع افلام سواء على اللاب توب او على الشاشات الخاصة في الطيارة
سولف مع اللي جنبك
عبي الاوراق المطلوب منك تعبيتها
نام
خذ لك خفايف و لقمش عليها
دفتر و ورقة وسجل اللي يصير معاك
شغل قران واسمع لك شوي منها اجر و منها تضييع وقت
اقرا لك اذكار و ادعية عسى ربي يسهلها عليك
مرة ما نفع معاك اي شيء من هذي كلها
الله يعينك خذ لك برشوت و نط من الطيارة >>>> من جد ما عاد فيه شيء ممكن يتسوى خاصة انك بلحالك
يعني لو معاك مرافقة كان قلت مقلبها او سوي فيها نذالة
<<<< تراي راعية مزح ماله داعي خاصة في الطيارة ممتع شعور انك تشوف اللي معاك مرتاااااااااااااااااااع
رد: Lexington - كيف تقضي ع الملل داخل الطيارة / تجاربكم
بندول نايت
وحبة هستوب
ولا يوقف جوك
عشان توصل هناك وانت بكامل قواك العقلية والجسدية والفكرية والبدنية والعاطفية
رد: Lexington - كيف تقضي ع الملل داخل الطيارة / تجاربكم
اقلكمم
الصلاة وش وضعها في الطياارة ؟؟؟؟!!!
رد: Lexington - كيف تقضي ع الملل داخل الطيارة / تجاربكم
شوف ياحبيبي الحل
اشتري لك حبوب تنويم (نوم)
وطق لك حبة بعد ما تركب ويلا ياحبيبي نوم الين توصل
بعدين وسع صدرك ييسرها الله
انا ادور قبول معهد مو لاقي ياحبيبي
شيء يعجبني
بالتوفيق
رد: Lexington - كيف تقضي ع الملل داخل الطيارة / تجاربكم
عندك الف حل و حل
عب حهازك و قبل ما توصل احذف كل شي مخالف
لكن صراحة الي يقلق
الي يجيك بعد ما حجزت مقعدك سواء تفضل الي على الممر او الدريشة و يقولك (سواء زوجين و عيالهم او بنات) قم !!!!!!
يعني ما تعرف تحجز مقعدك بالنت انت و ياه !!!!
قسم بالله يخربوا مزاجك طول الرحلة
رد: Lexington - كيف تقضي ع الملل داخل الطيارة / تجاربكم
انا قبل اسافر رحله طويله اواصل واقاطع النوم لمده تزيد عن 20 ساعه
واول ما تقلع الطائرة انام نوما عميق
واحيانا ماتضبط معي اواصل ولا انام بالطيارة من اللي جنبي ههههههه
وطبعا لازم الالعاب هذي احتياط يمكن ما انام
يعني كذا حل اللي مايجي نجرب غيرة
وشكرا
رد: Lexington - كيف تقضي ع الملل داخل الطيارة / تجاربكم
الصلاة في الطيارة اذا انت على الخطوط فيه مكان مخصص للصلاة
اذا على اي خطوط ثانية استأذن من المضيفة للصلاة و خذ لك اي ركن ممكن تصلي فيه
لا تنسى انه تقدر تجمع و تقصر في صلاتك
بس حاول انك ما تجمع كل الصلوات مع بعض اذا فيه امكانية
جزاك الله خير اثرت نقطة جدا مهمة وكثير يغفلوا عنها
بـ المناسبة الخطوط السعودية تشوف في الشاشة مكان القبلة بس اذا ما تعرف وين القبلة
فت ( اينما تولوا فثم وجه الله )
رد: Lexington - كيف تقضي ع الملل داخل الطيارة / تجاربكم
رحلتي من امريكا الى قطر اخدت 15 ساعة
8 ساعات افلام
7 ساعات ميوزك
ما نمت حتى ثانية الله يقلع ذا طيارة
رد: Lexington - كيف تقضي ع الملل داخل الطيارة / تجاربكم
طيب بحكم تجربتكم في الطيارة لمدة ساعات طويلة وش افضل مكان للجلوس .. على الدريشة او على الممر او بالنص ولا وين ؟