هدايا للأساتذة والاستاذات في المعهد .

ازيدك من الشعر بيت
احد التيتشرات عزمنا على بيته و لما دخلت انا ما جبت الا ورد لـ زوجته لانه المفروض اني اجيب له بطل شراب وانا ما عندي استعداد احط فلوسي في حرام فـ سحبت عليه
المهم
رحت لقيت كللللللل الطلاب جايبين معاهم صواني اللي حلى و اللي مقبلات و اللي مش عارفة ايش هوه
المرة الثانية
عزمنا على بيته و قال لنا اجباري كل اللي يجوا يجيبوا معاهم اكل !!!!!!!!! عشان ناكل كلنا مع بعض
طبعا سبحت على ملته لانه ما عندي استعداد اطبخ صينيتين بـ تكفيني انا وزوجي اسبوع عشان بس امارس اللغة
صرت اردى منهم واحسب لـ السنت الف حساااااااااااب لاني اكتشفت انه الـ سنت هذا يفرق معاهم كثير

هديتك الأولى يا أختي أن تجتهدي في دروسك وتواظبي على الحضور في قاعات الدروس..

وكم سيقدر ذلك الأساتذة

وتقدمين لهم أجمل هدية, لأنك لا تضيعين مجهوداتهم سدى

أما الإهداء المادي, فأنا عشت بأمريكا سنة, وكنت أسمع حتى سئمت كلمة: "البترول" !!

وكأن أمريكا دولة فقيرة !

الحمد لله على نعمة القناعة


بإمكانك الإهداء إن كان لا يخالف القانون؛ للمميزين لديك جداً من الأساتذة الأفاضل, لمن أسدى إليك معروفاً لا تنسيه...

وإلا بشكل عام فهو يؤدي عمله , ويتحصل على أجره قبال ذلك

السلام عليكم
اختي انت لسا حتي ما جيتي امريكا وتفكري تهديهم وانتي لسا ما شفتهيم وترا مالها علاقه بالذوق لو بتقولي ما عندي ذوق ....
شكلك مره متحمسه تعالي اول شي وعيشي لك كم سنه بعدين اهدي اللي تبغي ....

بالتوفيق وتوصلي بالسلامة

والله لو تهدينهم ذهب .. ماينفع فيهم المعروف
و عرفت الحين معنى عبارة ( نظام أمريكي ) يعني نفسي نفسي ثم نفسي

يا وخيتي اتمنى لك التوفيق و النجاح .. وخلي تميراتك لك ترى التمر هنا مب زين الله يعز النعمه

اتفهم حماسك .. واسأل الله ان لا يصدمك بواقع مر ..

اتمنى لك أيام جميلة في أمريكا..

اسمعي كلام ابو عبدالله 858

ووفري تميراتك لانك ماتسغني عنهم هنا مع قهيواتك

اولا هذا اسلوب غير حضاري انت في امريكا او بلد اروبي لا ينظر لهذه التوافه باحترام
لست في بلد عربي (يمن عليك عندما يقدم لك المعلومة)
مع ان فكرة الهدية جيدة \
وافضل هدية الدعاء له بالهداية والصلاح وفقد
واذا تبي تجيب لهم لازم تجيب لي ياعسل

ههههههههههه ^^ استريح بس قال حضاري قال

وعليكم السلام ورحمة الله وبركاتــه


أختي الكريمة بغض النظر عن الذوق فمبدأنا كمسلمين دواما " أن نشكر من أعاننا أو مد يد العون لنا أو حتى علمنا حرف واحد "

فكما قال - صلى الله عليه وسلم - : (لا يشكر اللهَ من لا يشكر الناس)

عندي عدة نقاط حبيت أوضحها قبل ما أوضح تجربتي الشخصية:

1- أتعجب تماما من بعض الأخوان والأخوات الكرام ممن ينظرون إلى المجتمعات العربية وبالتحديد المجتمع " السعودي " على أنه مجتمع ساذج ومتخلف وأن المجتمعات الغربية هي مجتمعات الحضارة والذوق !! لدرجة إن كثير من الطلبة اللي قابلتهم يتجنبون ذكر " المملكة العربية السعودية " لما أحد يسألهم من فين ؟؟ ويكتفون بــ " الشرق الأوسط " !!

2- الشكر قبل أن يكون ذوق فمن وجهة نظري هو " واجب " على كل من علمنا وأفادنا ولو بالقليل ولو حتى برأي !.

3- فيما يختص بالهدية فماني شايف أي مانــع لكن بشرط إن الهدية ما يكون مبالغ فيهـا !

عن تجربة شخصية كأول سمستر في المعهد " عامة " كانت فيه عنصرية من قبل المدرسات اتجاه الطلبة " السعوديين " على نقيض الطلبة " الآسيويين ". عن نفسي ماشفت العنصرية هذي اتجاهي لكني لمستها اتجاه بقية الطلبة.

من ناحية التفكير وتغيير نظرة الغرب لنا كـ " مسلمين " أولا وكـ " عرب " وكـ " سعوديين " فبكل بساطة نقدر نغيرها من خلال تعاملنا معاهم + في الواجبات وخصوصا الإيسي نقدر نغيـر الكثير من الأفكار الخاطئة المأخوذة عننا , خصوصا إن الناس هنا منفتحة العقل مع الآراء والنقاش , وينبسطون بشكل كبير جدا مع الناس اللي بتشاركهم الأفكار والمشاكل والحلول.

بعد الاختبار النصفي قبل شهر ونص تقريبا شكرت كل مدرسة في مكتبها ووضحتلهم بإن مستوايا تحسن بعد الله سبحانه وتعالى أولا وآخرا ثم بمساعدتهم , وكطلاب فصل فاجأنا مدرسة من المدرسات بالقهوة والتمر والطبخ الكويس في كلاسها وجدا انبسطت مننا.

قبل يومين بالتحديد أخذت هدايا بسيطة وغلفتها وأعطيتها لكل مدرسة في المكتب الخاص فيهم كرد للجميـل اللي عملوه معانا داخل الكلاس ووضحتلهم وجهة نظري تجاه تعاملهم مع الطلبة السعوديين وبإننا لازم نتعامل مع كل شخص " على حدة " من مبدأ " شخصية " هذا الشخص لا من مبدأ " الدين " أو " الدولة " أو " اللغة "


وخلينا نكون صريحين مع بعض كوننا نتهمهم بالعنصرية !

كسعوديين وفي السعودية بعض الناس بتتعامل مع أخواننا وأخواتنا المسلمين تعامل " جاف " وأحيان كثيرة يعايرونهم بعبارات خارجة عن سياق الاحترام والأدب , فمن باب أولى الأمريكان يحقلهم يكونون ماخذين فكرة سيئة عننا خصوصا إنهم يعتمدون على " الميديا " في كل شي , وعاد عندهم الإعلام " حدث ولا حرج "

فلو حبينا نوضحلهم مين احنا كمسلمين وكعرب وكسعوديين فراح نقدر نثبتلهم هذا الشي من خلال التعامل وبكل بسـاطـة.

للأسف لمست بعض الأخوان بيتعاملون مع المدرسين والمدرسات من مبدأ " البادي أظلم " !!

ما أنكر بإنه أحيانا بيصير ظلم في الدرجات أو حتى التعامل لكن حل المشكلة يكون بمواجهة المدرس أو المدرسة فـي " المكتب الخاص فيهم " مو أمام الطلاب وفي الكلاس !


همسة : ياليت نتعامل معاهم كمسلمين لا كسعوديين.


عارف إني طلعت عن سياق الموضوع وبقوة :d


دعواتكم لي بالتوفيق عندي بكرة اختبار نهائي + بريزنتشن :__(


الله يوفقنا ويوفقكم لكـل خيــر يـــارب ويفتح أبواب الخيرات لنا ولكم ويرد كل ضال وضالة لجادة الصـواب يـــارب

^
^
^
كلامك عين العقل و صح مليون في المية
ربي يوفقك وين ما تروح و ييسر لك امورك

أخوي الفقير إلى الله:

أي شكر تتحدث عنه؟ أقدر إنك مشغول باختبار وبرزنتيشن، ولكن كان يفترض تقرأ الموضوع قبل الرد.
الأخت باقي في السعودية، وتبي تجيب هدايا للمدرسين والمدرسات معها، وتوها ما شافت وجوههم، وين الشكر هنا؟

أما الناس اللي تطالع للغرب فوق وتنظر لنفسها تحت، أنا معك فيه مبالغة في تصوير الغرب بألوان التلميع.

تحياتي،،،،