هل استطيع السفر بدون الموافقه من التعليم العالي لضيق الوقت

و عليكم السلام ورحمة الله و بركاته


اخوي خالد انا رحت قبل أسبوعين للتعليم العالي و قلت للموظف : لازم اقدم من هنا .... قال : الافضل من هنا



انا واحد من أقاربي ما قدام الا من هناك اقصد "امريكا" و ما شاء الله ضمته الملحقية قبل شهر


لكن لازم ثم لازم ثم لازم تفحص هنا اقصد فحص في مستشفى حكومي لازم علشان ما يبهذلونك



استعجل في الفحص انا توني مخلص فحص ما استغرق الا اسبوع


اذا بغيت أفيدك في موضوع الفحص كلمني خاص و ابشر من عيوني بس لا تتسنى من الدعاء

حرام عليك اخووي لليتك قدمت بدري للسفارة والله مابي احطمك بس لو عطوك ورقهه صفراء مشكله ... مابي احطمك بس رووح ووالقلب داعي لك عسى فيزتك تطلع في يوميين ان شاء الله وتتيسر امورك

وعليكم السلام ورحمة الله وبركاته,,
الشروط واضحة حفظك الله,,
لا تحاول تجاوز الشروط لكي لا تقع في مشاكل مستقبلا,,
ربنا يوفقك,,

جزاكم الله خير
الفحص الطبي ، هل لا بد يكون في مستشفى محدد ، أو أي مستشفى حكومي ؟ و هل يقبل مستشفى خاص ؟
لأني قرأت في موضوع ثاني إنه لازم تطبع ورقة نموذج الفحص من الإنترنت و تنقز للوزارة علشان تختمها و بعد كذا ما لك إلا مستشفى الشغالات و السواقين ( مستشفى الملك سعود للأمراض الصحية ) علشان تفحص ! يعني تعقيد غريب و عجيب و من شدة غرباته و عجابته حسيت إن الكلام مو صحيح و يجوز واحد في الوزارة تفلسف على الإخوان و صدقوه !

هذا انت جاوبت نفسك بنفسك.. مالك الا مستشفى الملك سعود للامراض الصدرية.. بس تراه كويس الحمد لله مافيه تأخير تجيهم يعطوك موعد بيكون بدري غالبا..
تجيهم عالموعد وتسوي الامتحان وبعد كم يوم تجي تاخذ نتيجة الامتحان
هذا اللي سويته انا .. تقولي ليش مستشفى الملك سعود بالتحديد.. اقولك لانه المستشفى اللي بين عدد قليييييييييييييييل من المستشفيات مصرح له يسوي اختبار المخدرات "ههههههههههههههه من جد" .. عشان كذا روح لهم سيدة احسن لك.

بالنسبة لاخوي خالد صاحب الموضوع.. توكل على الله وسافر وتقدر تفتح الملف وانت في بلد الغربة.. بس لاتنسى تسوي الفحص الطبي من السعودية
انا سافرت واستنيت فيزة الطالب شهرين وبعدها قدمت وانفتح لي ملف في الملحقية موافقة دراسة على الحساب الخاص وبدون اي مشاكل.. بس لسه ماجاني قبول للانضمام للبعثة لان توني مقدم مالي اسبوعين..
موفقين جميعا.

طيب .

انا عندي اي توني بس اقدر اقدم على السفارة سيدة واسافر ومن هناك افتح ملف واجيب قبول ؟!؟!؟1

لان وقققققتي مررررررررررررررة ضاااااااع 7 شهور وانا اقدم على جامعات ولا لقيت شيء

الزبدة خطتي زينة ولا ؟؟ لاني صامل اسووويها اول ما يجي الايتوني بعد اسبوع من المعهد ان شاء الله

"اختبار مخدرات" !
أها .... الحين فهمت ليش حتى المتقدمين على وظائف الخدمة المدنية مطالبين بالتوجه هذا المستشفى

لكن و مع ذلك ، و الله تعقيد و بهدلة ما لها داعي ، سواء لساكن مدينة الرياض أو لساكن المدن الأخرى .
يعني صعبة إنهم يطالبون كل المستشفيات بهذا الاختبار حتى لو كان مستشفى خاص ؟! و الله لا هي صعبة و لا شي لأن أي مستشفى يعطي تقرير إيجابي و يكتشف بعدين أنه تقرير كاذب يحاسب محاسبة شديدة ، بل و يفترض يكون فيه إجراء استباقي بالجولات التفتيشية المفاجئة
تسهيل الخدمات مع الاحتفاظ بالجودة و صدق النتائج ما يحتاج إلا إلى إرادة و تخطيط و تصميم design . لكن ربعنا ما يبون يشتغلون ، خلاص واحد من أربعين سنة فكر لهم و ما فيهم حيل يفكرون

zzzzzzzzzzzzzzzzzzzzzzzzzzzzzzzzzzzzzzzz

مو عن كذا.. اول كان مسموح لكل المستشفيات تسويه، واغلب المستوصفات الخاصة تسويه.. بس طلع عشان تسوي هذا الاختبار ان فيه مواد كيميائية معينة تحتاجها المستوصفات لكن منعتها وزارة الداخلية من التداول لخطورتها الشديدة على صحة الانسان.. "تقريبا بعض الدكاترة الفاسدين قاموا يبيعوها لمدمني المخدرات"
فتم سحب التصاريح من كل المستشفيات الخاصة واقتصر الامر على المستشفيات الحكومية فقط ، وبعضها وليس كلها.