المستشفى يطالبني بدفع المبلغ ويهدد !

وعليكم السلام,,
ليه يطالبوا بهذا المبلغ؟؟؟ هل تمت معالجة أو استشارة طبية بعد دفع المبلغ؟؟؟
إذا كنت عارف إنهم على حق ، فأنصحك بإبراء ذمتك بالدفع ولو عن طريق الأقساط,,
إذا كانوا نصابين ، لا تعطيهم ولا دولار واحد,,
شركة التحصيل يقعدوا يتصلوا عليك ويهددوا من خلال التلفون بس ، وهذا أكثر شيء يقدروا يعملوه<<<أغلب موظفينها هنود ومكسيكان
ما راح تتأثر مستقبلا في عملية دخول المستشفى طالما كان لديك تأمين أتنا,,
التأمين ما راح يدفع هالمبلغ لأنك خارج نظام الملحقية وقت زيارة الطبيب,,
ربنا يوفقك,,

التأمين على ما فهمت منك جاء بعد زيارتك للمستشفى و بالتالي لا تستطيع الاستفادة منه
أنت مر عليهم و خذ الفواتير و اسأل من تثق في أمانته و معرفته يجوز أنت لما دفعت 300 دولار ما دققت النظر يعني يجوز ال 300 كانت كشفية و الباقي ( ال 750 ) فحوصات
لا تاخذ على الكلام ، مر عليهم و خذ الفواتير أو المستندات اللي عندهم و اقرأ و دقق النظر و اسأل ، ممكن عندهم مكتب لل customer care أو من هذا القبيل مر على هذا المكتب و استفسر عن السالفة كلها أو خذ لك واحد تعرفه و تثق فيه و خله يستفسر منهم و انت معاه علشان تفهم الموضوع بالضبط

لكل مستشفى فية جمعية خيرية. رح للمستشفى وقل لهم انا طالب ماعندي دخل سمحوني عن المبلغ, راح يسمحونك او بالكثير يخفضون المبلغ . ح يحطون المبلغ على حساب الجمعية الخيرية.

لو ما دفعت احتمال راح يأثر على تجديد الفيزا لو بغيت تطلع فيزا جديدة

انصحك تحل الموضوع معهم عن طريق الاقساط وبدون فوائد بعد وقلهم اذا رفضتوا ما اقدر اسددكم

عزيزي ..
بالنسبه للتأمين ماتوقع راح يغطيه .. ولكن ممكن تكلم التأمين وتعلمهم باللي حصل ممكن يساعدونك بهالموضوع ..
الشغله الثانيه بما أنك دافع للمستشفى 300 دولار ورجعوا وطالبوك بـ 750 دولار .. فالافضل انك ترجع للفواتير .. وتشوف سبب مطالبتهم بهذا المبلغ ..
اذا عندك الفواتير اللي اخذتها لما دفعت المبلغ خذها معك وروح للمستشفى وخبرهم أنك دافع كل شيء ..
فيه قسم بالمستشفى يختص بمثل هذه المواضيع .. لابد تراجعهم بالفواتير ..
بدون فواتير ماراح تحل مشكلتك ..


للمعلوميه المستشفى ياخذ فواتيره اول باول .. يعني اللي اعطيتهم في هذاك الوقت كان هذي الفاتوره الاجماليه ..
الا اذا كنت في قسم الطوارئ .. في هذي الحال يطلبون منك باقي المبلغ بعد خروجك من المستشفى بفتره ..
اذا كنت رحت للمستشفى عن طريق الاسعاف وقسم الطوارئ .. فهذا المبلغ من حقهم ... لان الاسعاف لحاله يكلف مابين الـ 700$ و 1000$ ...
هذا غير رعاية الطوارئ .. يعني ممكن يوصل الى المبلغ الى الفين دولار بالراحه ..
وهذا يعتمد على اسعار المنطقه اللي انت فيها ..

هذا والله اعلم ..

شكراً لكم يا اخوان المبلغ طلع عشان بس استخدام غرفة الطوارئ ! الله وكيلكم ماجلست فيها نصف ساعه جرح وتمت خياطته ، على العموم سددت كامل المبلغ

شاكر لكم والمعذرة على التأخير

والله انا طايح بكلمه أقولها حتى لحقين ماكدونالدز ^^
onlllllllllllllllllllllllllllllllllly ?
إذا قال أيه أسمي بالله و أدفع ..
لآن اللغه مخبطه عندي شوي .. توني جديد ^^