رحلة البحث عن جامعة تقصر العمر .. مساعدة الله لا يهينكم
مساكم/صبحكم الله بالخير كلن وتوقيته
انا مبتعث ومتواجد في ولاية لويزيانا ولكن المعهد كل ماله يسوء والجامعة فجأة دمجت تخصصي علوم الحاسب تحت مسمى الرياضيات
يعني بعد ما اتخرج شهادتي تطلع رياضيات بالتركيز على الحاسب هذا غير اني كنت ابغى هندسة حاسب الي وطلع مافيه
مالكم بالطويلة محتاج مساعدتكم ابغى اسم جامعة تعطي قبول مشروط وتكون في ولاية شرقية او وسطى زي بنسسلفانيا او انديانا او متشقن او حولهم
ويفضل ان يكون معهدها نظامه اقل من 4 شهور واهم شي مايطلبون ايلتس او توفل
الله لا يهينكم والله راسي صدع وانا ادور والمشكلة ان الوقت ضيق مرررة
رد: رحلة البحث عن جامعة تقصر العمر .. مساعدة الله لا يهينكم
تعال اشكي لي ابكي لك
يفيدونك الشباب
موفق
رد: رحلة البحث عن جامعة تقصر العمر .. مساعدة الله لا يهينكم
رد: رحلة البحث عن جامعة تقصر العمر .. مساعدة الله لا يهينكم
بأقول لك شيء، وأتمنى ما تزعل مني:
إذا رحلة البحث عن جامعة تقصر العمر، أجل رحلة الدراسة، والبحوث، والاختبارات، والبرزنتيشنات، وش تسوي؟
خلني أذكر لك وش أنا سويت لما كنت أبحث عن جامعة في تخصصي.
طبعاً تخصصي لو تشوف الجامعات اللي تقدم دراسات عليها فيه ما تتجاوز 50 - 60 جامعة.
كنت كل يوم آخذ لي عدد من الجامعات، وأنزل كتاب الطالب حق التخصص، وأشوف كل شيء، مقررات، شروط، عدد ساعات، إلخ.
بعدين جاني طاري أنه ممكن يكون هناك جامعات لديها برنامج دكتوراه في تخصصي، ولم تحدث قائمة الجامعة.
تواصلت مع الملحقية، وقالوا لي فعلاً يوجد جامعات، لكن القائمة الجديدة عندنا كبيرة وما نقدر نرسلها لك، لكن إذا حصلت جامعة ليست في موقع الوزارة أرسلها لنا، وحنا نشيك عليها.
لما تدخل على قائمة جامعات أمريكا في الوزارة يوجد حوالي 1200 جامعة في جميع التخصصات.
أقسم لك بالله العظيم، أني فتحت موقع كل جامعة وبحثت في تخصصاتها، وشروطها جامعة جامعة حتى انتهيت من 1200.
وخرجت بجامعتين يوجد فيها دكتوراه في تخصصي، وليست في قائمة الوزارة (أي أنه لا يوجد في موقع الوزارة إشارة أن فيها دكتوراه في تخصصي).
وراسلت الملحقية، وقالوا فعلاً الجامعتين موصى بها، وحنا رافعين للوزارة في عام 2009 تحديث ولم تثبت في الموقع حتى الآن، وراح نرفع للوزارة بالتحديث مرة أخرى.
بعد أربعة أشهر تماما أضافت الوزارة اسمي الجامعتين في موقعها وصارت موصى بها في تخصصي، ولا يوجد في الجامعتين أي طالب سعودي حتى عام 2012؛ لأنها لم تكن في قائمة الوزارة.
الحاصل: أنا فتشت موقع 1200 جامعة، وقرأت برامجها واحداً تلو الآخر، وما استفدت أنا وبس، بل أن غيري استفاد فأضافت الوزارة جامعتين في قائمتها لم يكن يدري عنها الطلاب.
أرجو أنك تستفيد وتشتغل على نفسك ولا تنتظر من يشفق عليك.
تحياتي،،،