سؤال مهم اذا انا صح فالملحقية ناصبه علي واذا خطاء فالملحقيه صح
السلام عليكم
انا لي سنه ونصف ادرس في امريكا واللي عرفته من النظام انه ما يمشي لك راتب إلا بالضمان المالي .
وحنا نظام السمسترات Fall -spring -summer
طبعا لو درست بال fall وانتها السمستر بيكون بعدها اجازه شهر او شهر وعليها على حسب الجامعة, ممتاز الملحقية توقف الراتب بعدها لمن تجيب الضمان المالي حق السمستر السبرنج هذه اللي اعرفه.
بس تعجبت لمن سألت اكثر من واحد في جامعتي انهم يستلمون الرواتب حتى في الاجازت الكرسمس او اجازت الصيف حتى لو ما درسوا صيفي!!؟ وهذه تعجبت منهم
مدري هم غلطانين ولا وشسالفه حبيت استفسر منكم انتم نفس حالتهم؟
ياليت الاجابه الشافيه لان اذا كذا النظام معناتها انا مزروف من زمان
رد: سؤال مهم اذا انا صح فالملحقية ناصبه علي واذا خطاء فالملحقيه صح
الراتب ماله علاقه بالضمان الراتب ينزل في الإجازات ولياً ثلاث سنين في امريكا عمره ما وقف الراتب في الكريسمس أو الصيف
بس مستغربة من سؤالك يعني قد انقطع عنك الراتب في الإجازة وليش ساكت عليه؟
رد: سؤال مهم اذا انا صح فالملحقية ناصبه علي واذا خطاء فالملحقيه صح
معقوله!! هذه انتي الحين اكدتي الشي
والله مدري لان كل ما اطالبهم بالراتب مايمشي الا بالضمان المالي وهذه حالتي لي سنه ونص ماتمشي لي رواتب في الشهر الكرسمس ولا في اجازه الصيف ابد
الله يعين بس اثاريني منصوب علي طول الوقت لازم اخرشهم وشمعنى يعني يسون معي كذا وش سويت لهم!
رد: سؤال مهم اذا انا صح فالملحقية ناصبه علي واذا خطاء فالملحقيه صح
ههههههههههههههه الله يعينك والله بس ممكن تلاقيها من المشرف
بس من جد موضوعك غريب ما قد سمعته يمكن نظام جديد ما تعرف
يا ليت يجون باقي الطلاب يفيدونك
رد: سؤال مهم اذا انا صح فالملحقية ناصبه علي واذا خطاء فالملحقيه صح
لو الراتب ماينزل الا وقت دراسه كان لقيت اغلبنا رجعنا لسعووديه ...اذا كذا ويالله مكفينا ....
رد: سؤال مهم اذا انا صح فالملحقية ناصبه علي واذا خطاء فالملحقيه صح
شوف
بعض الطلاب لما يخلص فترة اللغة كاملة وخلص لغه
وسوى تغيير مرحلة وقتها يتوقف عن الراتب لين يبداء الدراسة الأكاديمية
اما بعد البدء في الدراسة الأكاديمية فالراتب ماشي الى ان تخلص ان شاء الله الجامعة
وبعض الاوقات في الأجازة اذا كانت اكثر من ثلاث شهور يصرفون لك ثلاث شهور وبعدها يوقفوا الراتب لين ترجع ترسل لهم الـ I94
بالتوفيق
رد: سؤال مهم اذا انا صح فالملحقية ناصبه علي واذا خطاء فالملحقيه صح
الحمدلله الحين تاكد يعني كلامي صح.. والله لي سنه ونص الحين وانا ماشي بالطريقه هذي
حتى بكل اجازه ارجع السعوديه لان ماقدر اجلس بامريكا لاحول ولاقوة مدري وش بيني وبينهم متسلطين علي من جيت امريكا
كل الطلبه ياخذون رواتب الا انا جالس. والمشكله كل ما اقولهم يقولون مانعطيك الا بالضمان المالي حق كل اربع اشهر!
رد: سؤال مهم اذا انا صح فالملحقية ناصبه علي واذا خطاء فالملحقيه صح
ع فكره الضمان المالي اما سته اشهر او سنه كامله
انا ايام اللغه كان لازم يتجدد كل سته اشهر
شوف شكل المشرف/ة مستقعد لك والله لو انا منك ما اروح الا للعيسي بنفسه .....
رد: سؤال مهم اذا انا صح فالملحقية ناصبه علي واذا خطاء فالملحقيه صح
خلاص ماشاء ربي رزقك حلوه جمعت لك كم راتب وان شاء الله تصرفهم في الخير
الحين طالبهم فيها
رد: سؤال مهم اذا انا صح فالملحقية ناصبه علي واذا خطاء فالملحقيه صح
اقتباس:
المشاركة الأصلية كتبت بواسطة محاسبة المستقبل
ع فكره الضمان المالي اما سته اشهر او سنه كامله
انا ايام اللغه كان لازم يتجدد كل سته اشهر
شوف شكل المشرف/ة مستقعد لك والله لو انا منك ما اروح الا للعيسي بنفسه .....
فعلا كلامك صحيح.. واستغرب من الشي بس كنت اظن هذه نظامهم لان لمن كنت اكلمهم براتب يقول ماينزل الا مع كل ضمان مالي
وهذه الدليل الان اخر راتب استلمنا (شهر محرم) ودرست انا اسبوعين اضافيين الى ان انتهى السمستر انا متاكد الحين مثل كل مره راح يعطوني فروقات الاسبوعين اللي درستهم فقط
وبعد كذا مارح اخذ راتب الا مع بدايه السمستر السبرنج ولا بعد الضمان المالي كل سمستر مايرسلونه لي الا بطلعت الروح بعد شهرين وكل سمستر اتعب ولا اعرف حتى ارتاح بالدراسه وادور فلوس من اهلي
بس علشان اعطي السكن
حسبنا الله عليهم