هل ادرس بتاشير سياحية

السلام عليكم
قبل شهور كتبت موضوع انني حاب ادرس على حسابي الخاص وبنفس الوقت سياحة ورد بعض الاعضاء عادي تقدر تدرس بس ماهو فول تايم يعني اربع ساعات باليوم
بس يوم المقابلة سلني موظف السفارة قال انت رايح ليش فقلت له سياحة و دراسة بنفس الوقت فقال ممنوع يجب ان تحدد دراسة او سياحة فقلت له ماهو فول تايم باليوم ممكن 3 ساعات فقال ممنوع
فقلت له لا لا لا خلص انا رايح سياحة فقط فقال خلاص مبروك التاشيرة
يعني وشي الحال التاشيرة طلعت سياحية
اقدر ادرس بسياحية او اغيرها

وانا موظف ابي اخذ اجازة لمدة 3 شهور فقط على حسابي الخاص سياحة ودراسة .
مشكورين لكم

إذا كنت مرافق نعم تقدر تدرس بارت تايم

نعم تقدر تدرس بدوام جزئي اذا المعهد يقبل طلاب يدرسون بفيزا سياحية

يعني اتوكل على الله وامشي ممكن سوال متى تنتهي اجازة راس السنة
مشكورين لكممم

وأنا الي اعرفه انه لا ، ولاحظ المعاهد المعتمده من الوزاره ، تقبل الدارسين بارت تايم بفيزا F2 ، ماجابوا طاري ابد للفيزا السياحيه !

وعشان ماتتوهق ، راسل معهد من الحين وخذ منهم الأوكي ، لان كل الي بتروحه 3 شهور ، مايمدي تدور فيها وتدرس

- - - مشاركة محدثة - - -

نهاية ديسمبر تنتهي ، وجنيوري تبدا الدراسه

اخي المعاهد التجاريه والبعض منها جيد تقبل فيزا سياحه واكثر من ٣ساعات ما دام انك تدفع فلوسهم وانا جربت بنفسي
المشكله لم الوحيده ان فيزة السياحه ماتقدر تطول في امريكا اكثر من فتره معينه تقريبا ٦شهور. بس ممكن تسافر خارج امريكا وترجع ثاني اذا فيزتك خمس سنوات

انا فهمت من كلامك انك تبي تطلع امريكا وبعدين تدور معهد
انصحك من الان تدور على معهد واسأل وسوي بحث لين تحط على معك
مو تروح وتدور هناك وتضيع وقتك وفي الاخير يمكن تلقى شئ سيئ

مشكورين لكم على الردود
انا مختار معهد تجاري بمدينة سان فرانسيسكو ومنتهي منه وراسلت المعهد انني ابي ادرس بتاشيرة سياحية وقالوا مافيه مشكلة عادي تدرس بس ماهو فول تايم وعلى كذا طلعت تاشيرة سياحية
بس الي خوفني كلام موظف بالسفارةالامريكية بجدة قال لا ما تقدر تدرس بتاشيرة سياحية

والمعهد يقول عكس ذلك
من صدق

هو نظاماً ممنوع الدراسة بالفيزا السياحية
لكن بعض المعاهد تقبل تبي فلوس ..