طلعلي الشيب بخصوص الضمان المالي للتقديم على فيزا.تكفون خبرتكم

السلام عليكم ورحمة الله وبركاته,

اخواني الكرام تكفون بغيت مساعدتكم

انا كنت احد طلاب كندا المبتعثين وراح انتقل الى امريكا للدراسة الجامعية لاكن في نقطة وحدة فقط مسويه مشاكل بلاوي مصايب الا وهي الضمان المالي

يا اخوان احترت و طلع الشيب فيني ماني عارف منوين استخرج ضمان مالي لغرض استخراج القبول و I 20 و التقديم على الفيزا الامريكيه .مثل ما انتو عارفين من متطلبات الفيزا انك توفر الضمان المالي و انا سمعت من بعض الاخوة ان هناك في طريقة لاستخراج ضمان مالي يوضح انك مبتعث و ترفقه مع الاوراق للتقديم على الفيزا .

تكفون يا اخوان الي عنده خلفيه ولا علم يقولي من وين اجيب الضمان المالي .للمعلوميه التواصل مع الملحقيه الامريكيه لارسال ضمان مالي صعب حسب كلام بعض الاخوة و الله اعلم.

هل بأستطاعتي بأستخراج ضمان مالي يوضح اني مبتعث و شامل جميع التكاليف الدراسيه من الوزارة او من شؤن البعثات في الرياض ؟

ارجو الرد اخواني في الله والله اني تعبت من كثرة السؤال مالي الا انتو بعد الله .

شكرآ و الله يوفقكم اينما كنتم

اخوي تقدر تاخذة من وزارة التعليم العالي حي الغدير بالرياض. الله يوفقك

الله يعطيك العافيه اخوي على الرد والله اذا فعلآ اقدر اخذة من الوزارة فا انت ريحتني كثير .

ممكن اعرف اذا كان قصدك وزارة التعليم العالي ولا وزارة شؤون البعثات ؟

شكرآ لك مرة اخرى

إدارة الابتعاث بحي الغدير

يعطيك الف عافيه اخوي yousef222 و ما قصرت.

عندي سؤال واحد بخصوص الضمان المالي

ماهي شروط استخراج الضمان المالي ؟ يعني وش الي اودي معي الوزارة من اوراق لأستخراج الضمان المالي .